今個星期，筆者球隊嘅表現都係普普通通，只係得半隊拎到基本分以外嘅分數。賽前貼嘅四大隊長人選，當中只係得兩名球員係有進攻上嘅貢獻，佢哋就係狼隊（Wolves）嘅占美利斯（Jimenez）同車路士（Chelsea）嘅夏薩特（Hazard）。當中占美利斯係拎到雙位數字嘅得分，雖然筆者就冇揀到佢做隊長，但好彩都揀中夏薩特而唔係另外兩個貼咗但冇表現嘅，佢哋分別係曼城（Man City）嘅阿古路（Aguero）同曼聯（Man Utd）嘅普巴（Pogba）。阿古路已經係連續兩場作客嘅比賽入唔到波同冇助攻喇，而普巴就仲衰，因為射失十二碼而搞到負分，佢今季已經三度射失十二碼喇。咁依家就睇睇今週筆者嘅陣容踢成點先啦。本週陣容
守門員
艾法列治（Etheridge）—2分
今場卡迪夫城（Cardiff）作客以0比2輸咗俾狼隊。今場兩隊嘅射門次數都差唔多，卡迪夫城全場錄得12次嘅射門，而狼隊就比佢哋多1次，有13次。艾法列治今場作出咗4次撲救，所以拎到1分撲救分；但亦因為失咗2球而被扣1分，所以今週只係拎到2分。
後衛
阿歷山大阿諾（Alexander-Arnold）—9分
今場利物浦（Liverpool）作客以0比0悶和愛華頓（Everton），今場利物浦嘅控球率係比較高嘅一方，達到57.8%。兩隊嘅射門都係差唔多，利物浦錄得10射3中，而愛華頓就錄得7射3中。今場阿歷山大阿諾表現出色，全場錄得1射1中，並交出2次關鍵傳送。佢今場亦都拎到3分bonus，所以今週拎到9分。賓納特（Bennett）—5分
今場狼隊終於唔洗失波喇，拎到近5場嘅第一場冇失波嘅比賽。雖然賓納特拎到4分不失球分，但因為佢拎咗張黃牌，所以被扣1分，所以今個星期係拎到5分。
舒哈（Schar）—0分
今場紐卡素（Newcastle）作客以0比2輸咗俾韋斯咸（West Ham）。今場踢得唔係幾好嘅舒哈，踢咗64分鐘就被換出。紐卡素失嘅第一球唔多唔少都同佢有關，呢個失球就係源於韋斯咸開出角球，但舒哈未有緊貼衝頂嘅賴斯（Rice），俾佢輕鬆頂入。而紐卡素失嘅第二球係十二碼，都冇咩好講。今場因為紐卡素失咗2球同舒哈自己拎咗張黃牌，喺各扣1分嘅情況下，佢今週1分都拎唔到。
羅拔臣（Robertson）—5分
今場羅拔臣表現都唔錯，一共交出咗2次關鍵傳送，同阿歷山大阿諾並列隊中最高。不過，因為佢拎咗張黃牌，所以被扣1分，今週拎到5分。
中場
沙拿（Salah）—3分
先睇數據，沙拿今場錄得2射2中，並交出1次關鍵傳送。表面睇係唔錯，但係佢今場單刀嘅處理真係差咗啲，頻頻失機，亦迎嚟咗佢今季最長嘅入球荒。佢已經係連續3場冇入波喇。
普巴（Pogba）—-1分
今場曼聯主場以3比2驚險反勝修咸頓（Southampton），今場普巴嘅表現非常差，全場都冇交出過關鍵傳送。臨完場前佢亦獲得一個射十二碼嘅機會，但係佢選擇射中間而射中對方門將隻腳而錯失呢個絕佳嘅入球機會。佢全場亦只係得呢一腳嘅射門。普巴因為射失十二碼而被扣2分，同埋因為拎咗張黃牌而被扣1分，所以今週佢只係拎到-1分。
摩天奴（Moutinho）—1分
今場摩天奴先任後備，只係後備入替踢咗26分鐘。後備落場嘅佢只係錄得1次關鍵傳送，都冇乜表現嘅機會。夏薩特（Hazard）—12分（Captain）
今場車路士作客以1比2險勝富咸（Fulham）。夏薩特今場表現唔錯，全場錄得5射2中，並交出3次關鍵傳送。夏薩特今場交出1個助攻俾佐真奴（Jorginho）喺禁區外射入。今場表現唔錯嘅夏薩特亦拎到1分bonus，所以今週拎到6分。
前鋒阿古路（Aguero）—2分
曼城今場作客以1比0小勝般尼茅夫（Bournemouth）。曼城今場完完全全就係㩒住般尼茅夫嚟砌，佢哋嘅控球率達到82%。佢哋全場錄得23射7中，而般尼茅夫踢足90分鐘竟然1個射門都冇。阿古路全場錄得5次射門，係全隊最高，當中有2腳中目標嘅射門。而喺下半場，阿古路就有一球似傳非射嘅攻門笠過咗對方嘅守門員，但可惜中楣唔入。
占美利斯（Jimenez）—12分
占美利斯今場踢得非常之好，全場錄得3射2中，入1球。佢入嘅一球係把握對方嘅後衛失誤，成功喺對方嘅後場偷到波，然後長驅直進，殺到入禁區再用腳外側傳中俾喺禁區等緊嘅祖達（Jota），而祖達亦唔貪功，控定之後再傳返俾空晒嘅占美利斯射門。另外，佢亦全場錄得4次關鍵傳送，最後亦交出1個助攻。佢嘅射門次數同關鍵傳送嘅次數亦都係全隊最高。占美利斯今場交出1入球1助攻，表現出色，拎到3分bonus，今週獲得12分。
今週成績
本週分數：50
本週平均分：40
總成績：1,747
總排名：34,240
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
守門員
艾法列治（Etheridge）—2分
今場卡迪夫城（Cardiff）作客以0比2輸咗俾狼隊。今場兩隊嘅射門次數都差唔多，卡迪夫城全場錄得12次嘅射門，而狼隊就比佢哋多1次，有13次。艾法列治今場作出咗4次撲救，所以拎到1分撲救分；但亦因為失咗2球而被扣1分，所以今週只係拎到2分。
後衛
阿歷山大阿諾（Alexander-Arnold）—9分
今場利物浦（Liverpool）作客以0比0悶和愛華頓（Everton），今場利物浦嘅控球率係比較高嘅一方，達到57.8%。兩隊嘅射門都係差唔多，利物浦錄得10射3中，而愛華頓就錄得7射3中。今場阿歷山大阿諾表現出色，全場錄得1射1中，並交出2次關鍵傳送。佢今場亦都拎到3分bonus，所以今週拎到9分。賓納特（Bennett）—5分
今場狼隊終於唔洗失波喇，拎到近5場嘅第一場冇失波嘅比賽。雖然賓納特拎到4分不失球分，但因為佢拎咗張黃牌，所以被扣1分，所以今個星期係拎到5分。
舒哈（Schar）—0分
今場紐卡素（Newcastle）作客以0比2輸咗俾韋斯咸（West Ham）。今場踢得唔係幾好嘅舒哈，踢咗64分鐘就被換出。紐卡素失嘅第一球唔多唔少都同佢有關，呢個失球就係源於韋斯咸開出角球，但舒哈未有緊貼衝頂嘅賴斯（Rice），俾佢輕鬆頂入。而紐卡素失嘅第二球係十二碼，都冇咩好講。今場因為紐卡素失咗2球同舒哈自己拎咗張黃牌，喺各扣1分嘅情況下，佢今週1分都拎唔到。
羅拔臣（Robertson）—5分
今場羅拔臣表現都唔錯，一共交出咗2次關鍵傳送，同阿歷山大阿諾並列隊中最高。不過，因為佢拎咗張黃牌，所以被扣1分，今週拎到5分。
中場
沙拿（Salah）—3分
先睇數據，沙拿今場錄得2射2中，並交出1次關鍵傳送。表面睇係唔錯，但係佢今場單刀嘅處理真係差咗啲，頻頻失機，亦迎嚟咗佢今季最長嘅入球荒。佢已經係連續3場冇入波喇。
普巴（Pogba）—-1分
今場曼聯主場以3比2驚險反勝修咸頓（Southampton），今場普巴嘅表現非常差，全場都冇交出過關鍵傳送。臨完場前佢亦獲得一個射十二碼嘅機會，但係佢選擇射中間而射中對方門將隻腳而錯失呢個絕佳嘅入球機會。佢全場亦只係得呢一腳嘅射門。普巴因為射失十二碼而被扣2分，同埋因為拎咗張黃牌而被扣1分，所以今週佢只係拎到-1分。
摩天奴（Moutinho）—1分
今場摩天奴先任後備，只係後備入替踢咗26分鐘。後備落場嘅佢只係錄得1次關鍵傳送，都冇乜表現嘅機會。夏薩特（Hazard）—12分（Captain）
今場車路士作客以1比2險勝富咸（Fulham）。夏薩特今場表現唔錯，全場錄得5射2中，並交出3次關鍵傳送。夏薩特今場交出1個助攻俾佐真奴（Jorginho）喺禁區外射入。今場表現唔錯嘅夏薩特亦拎到1分bonus，所以今週拎到6分。
前鋒阿古路（Aguero）—2分
曼城今場作客以1比0小勝般尼茅夫（Bournemouth）。曼城今場完完全全就係㩒住般尼茅夫嚟砌，佢哋嘅控球率達到82%。佢哋全場錄得23射7中，而般尼茅夫踢足90分鐘竟然1個射門都冇。阿古路全場錄得5次射門，係全隊最高，當中有2腳中目標嘅射門。而喺下半場，阿古路就有一球似傳非射嘅攻門笠過咗對方嘅守門員，但可惜中楣唔入。
占美利斯（Jimenez）—12分
占美利斯今場踢得非常之好，全場錄得3射2中，入1球。佢入嘅一球係把握對方嘅後衛失誤，成功喺對方嘅後場偷到波，然後長驅直進，殺到入禁區再用腳外側傳中俾喺禁區等緊嘅祖達（Jota），而祖達亦唔貪功，控定之後再傳返俾空晒嘅占美利斯射門。另外，佢亦全場錄得4次關鍵傳送，最後亦交出1個助攻。佢嘅射門次數同關鍵傳送嘅次數亦都係全隊最高。占美利斯今場交出1入球1助攻，表現出色，拎到3分bonus，今週獲得12分。
今週成績
本週分數：50
本週平均分：40
總成績：1,747
總排名：34,240
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊