呢個陣嘅球員明明上個星期都踢得幾好，夏薩特（Hazard）、安達臣（Anderson）同孫興民（Son）都各自梅開二度，但今個星期，呢3名球員都冇波入，係得孫興民交出1個助攻，叫做有返少少交代。因為今週個總分低過平均分，仲要連40分呢個合格線都過唔到。筆者覺得40分以下嘅都算係唔合格；而40-50分就算係中等，因為通常個平均分都係介乎40-50分；50-60分就算係中上；60分以上嘅比賽週就已經算係高分。如果保持到個平均分有60分或以上，其實已經係好勁，排名一定唔會低。睇返世界排名，都係得世界頭7嘅平均分係70分或以上。而今週筆者只係得33分，唔單止係今季第3場唔合格嘅比賽週，仲係今季最低分嘅比賽週。咁依家就睇睇今週筆者嘅陣容踢成點先啦。本週陣容
守門員
法比安斯基（Fabianski）—2分
今個星期估唔到原來係應該要出新買返嚟嘅白禮頓門將畢頓（Button），佢今週為白禮頓力保不失，成功喺FPL拎到9分，係我陣中得分最高嘅球員，可惜我放咗佢喺後備。講返我嘅正選門將法比安斯基，今週韋斯咸（West Ham）竟然輸咗俾賽前錄得3連敗嘅般尼（Burnley），輸2比0。今場法比安斯基失咗2球，被扣1分，但因為作出咗3個撲救，所以有1分撲救分，所以今週有2分。
後衛
阿歷山大阿諾（Alexander-Arnold）—2分
今場利物浦（Liverpool）主場血洗阿仙奴（Arsenal）5比1。因為利物浦係先失波嘅一隊，所以今場阿歷山大阿諾就冇不失球分喇。今場阿歷山大阿諾有1次射門同交出1次關鍵傳送，係唯一一個有嘗試射門同交出關鍵傳送嘅利物浦後衛。
羅拔臣（Robertson）—1分
今場利物浦唯一嘅失球其實都關羅拔臣事，失球源於洛夫雲（Lovren）傳高波交失，然後俾阿仙奴球員堆到，最尾由伊禾比殺入禁區，然後傳中去尾柱俾美蘭尼爾斯（Maitland-Niles）無人看管之下射入，問題就係身為左閘嘅羅拔臣去咗邊呢？呢球如果唔係佢失位可能都唔洗輸。另外，佢亦因為拎咗張黃牌，所以被扣1分，以至今個星期僅得1分。
迪治尼（Digne）—2分今場愛華頓（Everton）作客以1比0輸咗俾白禮頓（Brighton）。兩隊其實都勢均力敵，但論數據，反而係愛華頓稍稍佔優。無論係射門次數、中目標埋門同控球率，都係愛華頓較高，但好可惜佢哋唔係入到波嗰隊。屈福特全場錄得10射2中就已經收穫1個入球。迪治尼今場嘅表現其實都唔錯，獲得2次嘅射門機會同交出2個關鍵傳送，2項數據都係愛華頓後衛當中嘅最高。
中場
李察利臣（Richarlison）—2分
李察利臣今場嘅機會都唔少，佢亦全場錄得3射2中，係全隊表現最好。佢有一個黃金機會喺禁區內射門，但好唔好彩，佢嘅射門俾白禮頓門將畢頓救到再中柱，認真運滯。
夏薩特（Hazard）—3分
今場車路士（Chelsea）作客成功小勝水晶宮（Crystal Palace）0比1。今場唔洗打假9嘅夏薩特就入唔到波喇，因為柏度（Pedro）受傷，正前位由基奧特（Giroud）復任正選。安達臣（Anderson）—2分
今場韋斯咸意外落敗，而安達臣嘅表現就普普通通啦，雖然佢錄得2次射門，但無一命中目標。不過，佢送出咗2個關鍵傳送，係全隊最高。
辛尼（Sane）—1分
今週曼城（Man City）作客修咸頓（Southampton）終於重回勝軌，佢哋贏3比1。不過，今場辛尼就冇正選，去到下半場84分鐘先得到落場嘅機會，所以都冇乜表現機會。
孫興民（Son）—10分（Captain）
熱刺（Spurs）今場竟然喺上半場領先1球之下，喺下半場俾狼隊（Wolves）連入3球反勝。今場孫興民雖然交出1個助攻俾卡尼（Kane）替熱刺先開紀錄，但係佢全場錄得4次射門，都無一命中目標。不過佢交出關鍵傳送嘅次數有3次，同艾歷臣（Eriksen）並列全隊最高。
前鋒
威爾遜（Wilson）—2分
今個星期般尼茅夫（Bournemouth）作客大敗俾曼聯（Man Utd）4比1，而今場威爾遜嘅表現都好差，似乎佢傷完之後仲未搵返個狀態。今場佢只係踢咗65分鐘就被換走。佢全場竟然只係錄得0次射門並冇交出任何嘅關鍵傳送。
卡尼（Kane）—6分
卡尼已經連續9場正選上陣都能夠收穫入球或者助攻，表現非常穩定。佢今場先開紀錄嘅1球亦盡顯攻架，卡尼喺右路推進，然後推返中路左腳施射，個波直接彎去死角入網。佢今場拎咗1張黃牌，所以扣咗1分，但又拎返1分bonus，所以今場獲得6分。
今週成績
本週分數：33
本週平均分：50
總成績：1,247
總排名：20,421
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
守門員
法比安斯基（Fabianski）—2分
今個星期估唔到原來係應該要出新買返嚟嘅白禮頓門將畢頓（Button），佢今週為白禮頓力保不失，成功喺FPL拎到9分，係我陣中得分最高嘅球員，可惜我放咗佢喺後備。講返我嘅正選門將法比安斯基，今週韋斯咸（West Ham）竟然輸咗俾賽前錄得3連敗嘅般尼（Burnley），輸2比0。今場法比安斯基失咗2球，被扣1分，但因為作出咗3個撲救，所以有1分撲救分，所以今週有2分。
後衛
阿歷山大阿諾（Alexander-Arnold）—2分
今場利物浦（Liverpool）主場血洗阿仙奴（Arsenal）5比1。因為利物浦係先失波嘅一隊，所以今場阿歷山大阿諾就冇不失球分喇。今場阿歷山大阿諾有1次射門同交出1次關鍵傳送，係唯一一個有嘗試射門同交出關鍵傳送嘅利物浦後衛。
羅拔臣（Robertson）—1分
今場利物浦唯一嘅失球其實都關羅拔臣事，失球源於洛夫雲（Lovren）傳高波交失，然後俾阿仙奴球員堆到，最尾由伊禾比殺入禁區，然後傳中去尾柱俾美蘭尼爾斯（Maitland-Niles）無人看管之下射入，問題就係身為左閘嘅羅拔臣去咗邊呢？呢球如果唔係佢失位可能都唔洗輸。另外，佢亦因為拎咗張黃牌，所以被扣1分，以至今個星期僅得1分。
迪治尼（Digne）—2分今場愛華頓（Everton）作客以1比0輸咗俾白禮頓（Brighton）。兩隊其實都勢均力敵，但論數據，反而係愛華頓稍稍佔優。無論係射門次數、中目標埋門同控球率，都係愛華頓較高，但好可惜佢哋唔係入到波嗰隊。屈福特全場錄得10射2中就已經收穫1個入球。迪治尼今場嘅表現其實都唔錯，獲得2次嘅射門機會同交出2個關鍵傳送，2項數據都係愛華頓後衛當中嘅最高。
中場
李察利臣（Richarlison）—2分
李察利臣今場嘅機會都唔少，佢亦全場錄得3射2中，係全隊表現最好。佢有一個黃金機會喺禁區內射門，但好唔好彩，佢嘅射門俾白禮頓門將畢頓救到再中柱，認真運滯。
夏薩特（Hazard）—3分
今場車路士（Chelsea）作客成功小勝水晶宮（Crystal Palace）0比1。今場唔洗打假9嘅夏薩特就入唔到波喇，因為柏度（Pedro）受傷，正前位由基奧特（Giroud）復任正選。安達臣（Anderson）—2分
今場韋斯咸意外落敗，而安達臣嘅表現就普普通通啦，雖然佢錄得2次射門，但無一命中目標。不過，佢送出咗2個關鍵傳送，係全隊最高。
辛尼（Sane）—1分
今週曼城（Man City）作客修咸頓（Southampton）終於重回勝軌，佢哋贏3比1。不過，今場辛尼就冇正選，去到下半場84分鐘先得到落場嘅機會，所以都冇乜表現機會。
孫興民（Son）—10分（Captain）
熱刺（Spurs）今場竟然喺上半場領先1球之下，喺下半場俾狼隊（Wolves）連入3球反勝。今場孫興民雖然交出1個助攻俾卡尼（Kane）替熱刺先開紀錄，但係佢全場錄得4次射門，都無一命中目標。不過佢交出關鍵傳送嘅次數有3次，同艾歷臣（Eriksen）並列全隊最高。
前鋒
威爾遜（Wilson）—2分
今個星期般尼茅夫（Bournemouth）作客大敗俾曼聯（Man Utd）4比1，而今場威爾遜嘅表現都好差，似乎佢傷完之後仲未搵返個狀態。今場佢只係踢咗65分鐘就被換走。佢全場竟然只係錄得0次射門並冇交出任何嘅關鍵傳送。
卡尼（Kane）—6分
卡尼已經連續9場正選上陣都能夠收穫入球或者助攻，表現非常穩定。佢今場先開紀錄嘅1球亦盡顯攻架，卡尼喺右路推進，然後推返中路左腳施射，個波直接彎去死角入網。佢今場拎咗1張黃牌，所以扣咗1分，但又拎返1分bonus，所以今場獲得6分。
今週成績
本週分數：33
本週平均分：50
總成績：1,247
總排名：20,421
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊