話咁快就又一個比賽週喇，今個星期執陣都執得幾密。今個比賽週嘅矚目大戰非車路士（Chelsea）對曼城（Man City）莫屬喇。亦因為咁，車路士上場又反輸俾狼隊（Wolves），令到我雖然有2個貴價車路士球員，包括夏薩特（Hazard）同馬高斯阿朗素（Marcos Alonso），但係都唔會放佢哋落正選陣容。曼城近排勢頭非常好，已經連勝7場，狂轟23球，睇怕車路士都係凶多吉少。咁依家就睇下今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2本週陣容
球隊價值（Squad value）： 103.5M剩餘資金（In the bank）： 0.1M
轉會
賣出：巴克里（Barkley）
買入：孫興民（Son）
原因：賣走巴克里係一定冇錯嫁喇，皆因佢已經連續4場冇正選，仲要對上兩場一場都冇出過。而買孫興民嘅原因之前都有提過，就係熱刺（Spurs）嚟緊嘅賽程非常好，所以陣入面會有最少2名熱刺球員。咁點解揀孫興民呢？喺艾歷臣（Eriksen）、阿里（Alli）同孫興民三個當中，以艾歷臣嘅出場時間同狀態係比較穩定，而且當查比亞（Trippier）缺陣嘅時候，佢亦都會負責處理死球，增加咗佢得分同助攻嘅機會。不過，佢嘅價錢就比較貴，價值9.2M。喺孫興民同阿里之間，孫興民嘅狀態比阿里係仲要穩定，孫興民近4場交出2入球1助攻，而阿里近4場只係得1入球1助攻。而且孫興民係更加平，價值8.4M，而阿里就價值8.9M，所以我就揀個抵啲嘅孫興民。
守門員
法比安斯基（Fabianski）
今場韋斯咸（West Ham）會主場出擊對上輪輸波嘅水晶宮（Crystal Palace），水晶宮近4場僅得1勝，只係入咗3球，攻力麻麻。雖然韋斯咸近4場只係得1場保持不失，但係法比安斯基就喺呢段時間做出15個撲救，非常神勇。就算韋斯咸有失波，法比安斯基都有好大機會拎到撲救分。
後衛
阿歷山大阿諾（Alexander-Arnold）
今場利物浦（Liverpool）將會作客對般尼茅夫（Bournemouth），般尼茅夫雖然近5場輸咗4場，係上一場先至重回勝軌。不過，佢哋對上6場都有波入，仲要有3場比賽係輸俾傳統Big 6球隊，情有可原。但係利物浦都唔可以睇小，近4場有3場都能夠保持清白之身。希望今場利物浦都可以唔失波啦。雲比沙卡（Wan-Bissaka）
今場水晶宮嘅對手係韋斯咸，雖然兩隊近況都唔好唔壞，但今場我就希望兩隊和和氣氣咁收場啦。
班納特（Bennett）
狼隊今場嘅對手係紐卡素（Newcastle），紐卡素嘅近況其實唔錯，錄得2勝1和1負。狼隊嘅近況雖然冇對手咁好，但係上場反勝車路士，令到佢哋士氣大增，希望今場佢哋可以繼續贏波兼唔好失波啦。
羅拔臣（Robertson）
雖然上場羅拔臣有傷，未能披甲，希望佢康復進度良好，今場能夠復出，夥拍阿歷山大阿諾陣守利物浦嘅後防。
中場
李察利臣（Richarlison）
今場愛華頓（Everton）會主場對屈福特（Watford），雖然李察利臣近排沉咗少少，近4場只係入得1球，但係佢上場先至入完波，希望佢會保持住個狀態，繼續入波啦。安達臣（Anderson）
安達臣近4場入2球，表現唔錯，不過今場韋斯咸主場對水晶宮，我就比較想見到0比0和局嘅出現。如果唔係，就希望安達臣能夠取得入球啦。
文尼（Mane）
雖然文尼腳部受傷，好大機會今場都係唔出得，但我都會睇埋今場先。如果佢再唔出，咁下一週就賣走佢。如果今場佢真係唔出得，咁我後備都仲有車路士嘅夏薩特頂上。
孫興民（Son）
熱刺今場作客李斯特城（Leicester），兩隊嘅近況都唔錯，熱刺就近4場錄得3勝1負；而李斯特城就保持不敗，錄得1勝3和。不過，熱刺今季好有趣，同對手唔係你死就係我忙，今季未嚐一和。孫興民嘅狀態亦非常好，近4場交出2入球1助攻。
前鋒
威爾遜（Wilson）般尼茅夫今場要硬撼利物浦，雖然般尼茅夫近況麻麻，但係佢哋嘅首席射手嘅狀態就非常好。般尼茅夫近6場嘅9個入球裏面，有5球係嚟自威爾遜，可見佢嘅狀態係好弗。如果般尼茅夫能夠喺利物浦嘅身上取得入球，咁好大機會都係威爾遜入。
卡尼（Kane）- Captain
卡尼近排真係弗到漏油，連續5場能夠作出進攻上嘅貢獻，喺呢段時間交出4入球2助攻，狀態超級好。所以今週佢都係隊長嘅不二之選。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2本週陣容
球隊價值（Squad value）： 103.5M剩餘資金（In the bank）： 0.1M
轉會
賣出：巴克里（Barkley）
買入：孫興民（Son）
原因：賣走巴克里係一定冇錯嫁喇，皆因佢已經連續4場冇正選，仲要對上兩場一場都冇出過。而買孫興民嘅原因之前都有提過，就係熱刺（Spurs）嚟緊嘅賽程非常好，所以陣入面會有最少2名熱刺球員。咁點解揀孫興民呢？喺艾歷臣（Eriksen）、阿里（Alli）同孫興民三個當中，以艾歷臣嘅出場時間同狀態係比較穩定，而且當查比亞（Trippier）缺陣嘅時候，佢亦都會負責處理死球，增加咗佢得分同助攻嘅機會。不過，佢嘅價錢就比較貴，價值9.2M。喺孫興民同阿里之間，孫興民嘅狀態比阿里係仲要穩定，孫興民近4場交出2入球1助攻，而阿里近4場只係得1入球1助攻。而且孫興民係更加平，價值8.4M，而阿里就價值8.9M，所以我就揀個抵啲嘅孫興民。
守門員
法比安斯基（Fabianski）
今場韋斯咸（West Ham）會主場出擊對上輪輸波嘅水晶宮（Crystal Palace），水晶宮近4場僅得1勝，只係入咗3球，攻力麻麻。雖然韋斯咸近4場只係得1場保持不失，但係法比安斯基就喺呢段時間做出15個撲救，非常神勇。就算韋斯咸有失波，法比安斯基都有好大機會拎到撲救分。
後衛
阿歷山大阿諾（Alexander-Arnold）
今場利物浦（Liverpool）將會作客對般尼茅夫（Bournemouth），般尼茅夫雖然近5場輸咗4場，係上一場先至重回勝軌。不過，佢哋對上6場都有波入，仲要有3場比賽係輸俾傳統Big 6球隊，情有可原。但係利物浦都唔可以睇小，近4場有3場都能夠保持清白之身。希望今場利物浦都可以唔失波啦。雲比沙卡（Wan-Bissaka）
今場水晶宮嘅對手係韋斯咸，雖然兩隊近況都唔好唔壞，但今場我就希望兩隊和和氣氣咁收場啦。
班納特（Bennett）
狼隊今場嘅對手係紐卡素（Newcastle），紐卡素嘅近況其實唔錯，錄得2勝1和1負。狼隊嘅近況雖然冇對手咁好，但係上場反勝車路士，令到佢哋士氣大增，希望今場佢哋可以繼續贏波兼唔好失波啦。
羅拔臣（Robertson）
雖然上場羅拔臣有傷，未能披甲，希望佢康復進度良好，今場能夠復出，夥拍阿歷山大阿諾陣守利物浦嘅後防。
中場
李察利臣（Richarlison）
今場愛華頓（Everton）會主場對屈福特（Watford），雖然李察利臣近排沉咗少少，近4場只係入得1球，但係佢上場先至入完波，希望佢會保持住個狀態，繼續入波啦。安達臣（Anderson）
安達臣近4場入2球，表現唔錯，不過今場韋斯咸主場對水晶宮，我就比較想見到0比0和局嘅出現。如果唔係，就希望安達臣能夠取得入球啦。
文尼（Mane）
雖然文尼腳部受傷，好大機會今場都係唔出得，但我都會睇埋今場先。如果佢再唔出，咁下一週就賣走佢。如果今場佢真係唔出得，咁我後備都仲有車路士嘅夏薩特頂上。
孫興民（Son）
熱刺今場作客李斯特城（Leicester），兩隊嘅近況都唔錯，熱刺就近4場錄得3勝1負；而李斯特城就保持不敗，錄得1勝3和。不過，熱刺今季好有趣，同對手唔係你死就係我忙，今季未嚐一和。孫興民嘅狀態亦非常好，近4場交出2入球1助攻。
前鋒
威爾遜（Wilson）般尼茅夫今場要硬撼利物浦，雖然般尼茅夫近況麻麻，但係佢哋嘅首席射手嘅狀態就非常好。般尼茅夫近6場嘅9個入球裏面，有5球係嚟自威爾遜，可見佢嘅狀態係好弗。如果般尼茅夫能夠喺利物浦嘅身上取得入球，咁好大機會都係威爾遜入。
卡尼（Kane）- Captain
卡尼近排真係弗到漏油，連續5場能夠作出進攻上嘅貢獻，喺呢段時間交出4入球2助攻，狀態超級好。所以今週佢都係隊長嘅不二之選。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊