德甲精華-舒捷巴梅開二度|利雲度夫斯基連續10場破門|多蒙特4-2反勝奥格斯堡 精選

香港時間4月6日晚上9點30分，2012-13賽季德甲聯賽第28輪開戰。周中歐聯作客同馬拉加互交白卷既多蒙特番到主場大半後備出場，上半場舒捷巴（Julian Schieber）先入一球，半場結束前被奧格斯堡連扳兩球1-2落後。下半場舒捷巴追平比分，蘇保迪後備上陣接應葛斯既助攻攻入制勝球反超比分。補時階段利雲度夫斯基接葛斯助攻破門鎖定比分。最終多蒙特4-2反勝奧格斯堡繼續穩居積分榜第二位，由於利華古遜被禾夫斯堡逼和，多蒙特擴大同藥廠之間既積分差距。
相較周中既歐聯正選，高普作出多處調整，維丹費拿同馬高列奧斯都冇入選比賽名單，比薛斯基、基爾、根度簡、葛斯同利雲度夫斯基後備。蘭格歷克取代維丹費拿成為正選門將，哥斯基奧斯客串右閘，施雲•賓達同沙軒搭檔防中，三名攻中霍夫曼、列拿、比當古係三個今季出場唔多既小將，中鋒由舒捷巴擔任。奧格斯堡呢邊基本派出最強陣容，只係具滋哲受傷缺陣。

22分鐘，列拿前場帶球幾步後傳中，左路跟上既舒捷巴擺脫防守中路近距離推射破門，1-0。
43分鐘，奧格斯堡開出角球，舒捷巴解圍，但皮球剛好到拜爾腳下，後者禁區外一腳大力抽射破門追平比分，1-1。
45分鐘，韋爾納傳球，禾加特門前搶點右腳推射破門反超比分，1-2。

52分鐘，高普連換兩人，利雲度夫斯基同葛斯一起上場，換下比當古同列拿。舒捷巴前場將球傳俾利雲度夫斯基，後者直傳俾霍夫曼，霍夫曼前門柱處橫傳門前，尾柱既舒捷巴左腳推射將球送入網，2-2。
64分鐘，多蒙特反超比分，葛斯前場開出罰球，禁區中路既蘇保迪門前捅射得分，3-2。
92分鐘，葛斯傳俾利雲度夫斯基，波蘭人門前近距離推射得手鎖定比分，4-2，利雲度夫斯基連續10場聯賽破門。

http://www.dailymotion.com/video/xyslc6_borussia-dortmund-4-2-augsburg-bundesliga-28_sport?search_algo=2
http://www.dailymotion.com/video/xyskz9_dortmund-4-2-augsburgo-gol-de-lewandowski-bundesliga_sport?search_algo=2
http://www.dailymotion.com/video/xysjfj_dortmund-3-2-augsburgo-gol-de-subotic-bundesliga_sport?search_algo=2