今場比賽所有數據都會顯示熱刺形勢一面倒壓住車路士嚟踢，但干地排得出呢個352又或者更接近係3511嘅陣式，應該都一早預咗，前場只係留摩拉達同韋利安做反擊，摩拉達留守中路最前線，韋利安有少少半個自由人嘅角色，前場左中右邊度有空間突破，邊度需要佢佢就去邊，論發揮，韋利安嘅表現甚至比今仗梅開二度嘅馬高斯阿朗素(唔係麥基咩？)更出色！比賽尾段干地兩個換人調動，收起韋利安其實都無可厚非，當時仲領先緊1比0，戰術成功，實在無必要走去郁條8人防線(唔計門將喇！)，而且打反擊嘅體能消耗極大，換晒最前果兩個都係合理調動。
當然，我相信1比1果陣好多人都會質疑干地點解要換「阿姨」入嚟，結果擺個烏龍差啲令球隊失分，但我又覺得應該公平啲，既然摩拉達嘅表現，暫時都未達到合格嘅標準，無理由唔畀機會巴舒亞伊嘅，更何況致勝果個入球，佢都有一定功勞架，當時車路士防守角球之後打反擊，巴舒亞伊差啲可以喺禁區起到腳，雖然博唔到十二碼，但就撞傷咗丹比利，之後羅利斯快快手將個波掟出嚟畀雲耶馬，毫無準備之下搞到控失咗，畀大衛雷斯搶到之後，「麥基」（阿朗素）同柏度做一個配合殺入禁區，當時最近阿朗素嘅就只得岩岩撞傷完起番身，仲拮下拮下嘅丹比利，無人拍埋嚟，阿朗素先可以咁輕鬆射入致勝入球咋！
最後想再講吓今仗肩負三防中重任嘅大衛雷斯，防守上今場比賽幾乎可以話係零失誤，而且以佢打開中堅嘅經驗，亦都剛好可以彌補年輕中堅基斯甸臣(Andreas Christensen)嘅失位問題，就好似上半場開波無耐，有一球大衛雷斯就見到漏洞，即刻衝番落中堅位，最後成功攔截到熱刺嘅傳球，再講，下半場有一段時間(66至75分鐘左右)，簡迪同巴卡約高一齊壓前至中圈線迫搶，干地之所以能夠放心將防線推前，相信亦都係因為喺簡迪同巴卡約高身後，仲有大衛雷斯呢一重保險喺度，結果車路士喺呢段時間亦成功製造到幾次反擊機會。再仔細啲睇，其實車路士兩個入球都同大衛雷斯有關，第二球頭先講咗，係佢迫甩雲耶馬嘅腳下球，第一球就係佢殺上前場博到艾利犯規，先再有阿朗素嘅妙絕罰球破網。
干地新三防中戰術嘅恐怖之處，在於能屈能伸，龜縮禁區頂又得，壓上中圈迫搶亦得，依家巴卡約高尚且距離完全適應英超比賽都仲有一大段距離，但三中堅三防中嘅威力，已經得到初步實證，再假以時日，或者會成為干地嘅重要殺著都未定，當然，干地亦都要考慮，當夏薩特傷癒復出，又應該點樣喺呢套3511陣式當中發揮所長呢？
當然，我相信1比1果陣好多人都會質疑干地點解要換「阿姨」入嚟，結果擺個烏龍差啲令球隊失分，但我又覺得應該公平啲，既然摩拉達嘅表現，暫時都未達到合格嘅標準，無理由唔畀機會巴舒亞伊嘅，更何況致勝果個入球，佢都有一定功勞架，當時車路士防守角球之後打反擊，巴舒亞伊差啲可以喺禁區起到腳，雖然博唔到十二碼，但就撞傷咗丹比利，之後羅利斯快快手將個波掟出嚟畀雲耶馬，毫無準備之下搞到控失咗，畀大衛雷斯搶到之後，「麥基」（阿朗素）同柏度做一個配合殺入禁區，當時最近阿朗素嘅就只得岩岩撞傷完起番身，仲拮下拮下嘅丹比利，無人拍埋嚟，阿朗素先可以咁輕鬆射入致勝入球咋！
最後想再講吓今仗肩負三防中重任嘅大衛雷斯，防守上今場比賽幾乎可以話係零失誤，而且以佢打開中堅嘅經驗，亦都剛好可以彌補年輕中堅基斯甸臣(Andreas Christensen)嘅失位問題，就好似上半場開波無耐，有一球大衛雷斯就見到漏洞，即刻衝番落中堅位，最後成功攔截到熱刺嘅傳球，再講，下半場有一段時間(66至75分鐘左右)，簡迪同巴卡約高一齊壓前至中圈線迫搶，干地之所以能夠放心將防線推前，相信亦都係因為喺簡迪同巴卡約高身後，仲有大衛雷斯呢一重保險喺度，結果車路士喺呢段時間亦成功製造到幾次反擊機會。再仔細啲睇，其實車路士兩個入球都同大衛雷斯有關，第二球頭先講咗，係佢迫甩雲耶馬嘅腳下球，第一球就係佢殺上前場博到艾利犯規，先再有阿朗素嘅妙絕罰球破網。
干地新三防中戰術嘅恐怖之處，在於能屈能伸，龜縮禁區頂又得，壓上中圈迫搶亦得，依家巴卡約高尚且距離完全適應英超比賽都仲有一大段距離，但三中堅三防中嘅威力，已經得到初步實證，再假以時日，或者會成為干地嘅重要殺著都未定，當然，干地亦都要考慮，當夏薩特傷癒復出，又應該點樣喺呢套3511陣式當中發揮所長呢？
請按此登錄後留言。未成為會員? 立即註冊