名妓大肚！腦殘又搞出人命？

係兩個月之前，巴神同舊愛菲科分手後，被指搞大咗對方個肚，巴神要菲科驗DNA先肯認數。「小巴」就快出世，呢頭佢另一舊愛湯普森爆出震撼英國名人界消息：「我有左，但係唔知老竇係邊個！」消息指巴洛迪利已被視為經手人大熱，「腦殘」開枝散葉打孖嚟，認真架勢！湯普森承認同超過100人睡過，佢一晚價錢係£1,200（ＨＫＤ＄１２，０００），尋日佢向英國《太陽報》證實，依家已經有左6個月身孕，不過就唔知BB老竇係邊個，嚟緊就會驗DNA搵出邊個係老竇。據報目前有4大嫌疑「候選人」，電視真人騷「侏儒」祖殊賓納特、《Geordie Shore》男星加利拜特利、《Towie》男星湯皮雅斯以及巴洛迪利都榜上有名，普遍認為巴洛迪利更加係大熱人選。