皇馬計劃明年印尼掘金 精選

據西班牙《阿斯報》披露，皇馬嘅具體對手尚未確定，但亞洲之旅肯定會到印尼，並有可能會去埋鄰國新加坡，不過冇提及會唔會去中國，唔通大中華市場嘅戲金及商機唔及印、新兩國？
除咗搵銀大計Plan定，皇馬同頭號球星C朗嘅續約問題，亦取得突破性進展，雖然佢日前先誓神劈願話未解決，但有西班牙傳媒踢爆，會長皮里茲喺洛杉磯搵C朗密斟，開出一份直至2018年嘅五年新合約，年薪高達1,700萬歐元，令佢以100萬歐元之差力壓巴塞死敵美斯，成為西甲人工最高嘅球員，並會增加其肖像權份額，據報C朗已經同意續約。