艾夫拿：08 年歐聯四強前費格遜同我講，防唔住美斯就唯我是問

曼聯名宿 艾夫拿 接受《每日電訊報》專訪，暢談過往歲月，佢仍然清晰記得 2008 年歐聯四強首回合對巴塞前，費格遜極具壓迫感嘅賽前説話——當住全隊面要求佢死死盯防美斯。

「費格遜當住所有人面前，一開場就咁講，伙記哋，今日係場關鍵戰，如果我哋輸咗，責任全喺艾夫拿身上。我哋面面相覷，我當時心諗，呢下壓力真係太大啦。費格遜話：艾夫拿，我唔理美斯係咪世界最佳球員。但如果我哋輸——如果我哋冇防住美斯——我唯你是問。」


艾夫拿笑住回憶呢位喺佢生命中留下深刻印記嘅蘇格蘭老人：「佢了解我，知道點樣駕馭我。」

佢代表三支唔同球隊五次闖入歐聯決賽，只喺 2008 年奪冠。佢係同年代法國隊中唯一冇經過法國青訓體系培養，而係由低級別聯賽一路打拼上嚟嘅球員。