前歐國盃成員 45歲重返家鄉 加盟西班牙第七級聯賽母隊

曾經取得2008年歐洲國家盃冠軍前鋒古爾沙(Dani Güiza)加盟自己嘅家鄉球會、處於西班牙第七級別聯賽 Jerez Industrial CF。

現年45歲嘅佢，如今重返故鄉將會加盟Jerez Industrial，一間鄰近佢出生社區嘅球會。Jerez Industrial CF 喺星期一宣布簽入呢位前鋒。古爾沙係最後一位贏得西甲神射手獎嘅西班牙球員，佢喺2008年代表馬略卡射入27球。


古爾沙將效力呢支地區級別球隊，球隊正爭取升班，而呢位前鋒近幾季都效力過其他地區級別球隊，例如Algaida、CD Rota、Rayo Sanluqueño同UD Roteña。

古伊沙嘅職業生涯由18歲開始，喺1998-99球季效力Xerez。之後二十多年，佢曾效力西班牙多支球隊。另外，古爾沙亦曾喺海外踢波，包括土耳其嘅費倫巴治、馬來西亞嘅柔佛DT同巴拉圭嘅Cerro Porteño。