謝家榮澄清「壓力論」：教練派我上陣，我就唔會退縮

香港隊喺亞洲盃外圍賽出局後，本地波重新開波，大埔喺港超聯主場以1比0小勝升班馬東區，門將謝家榮賽後回應早前主帥韋斯活提出嘅「壓力論」，暗示韋斯活曲解咗佢嘅意思。

韋斯活早前喺不敵新加坡之後曾指出，因為謝家榮自稱頂替葉鴻輝令佢壓力太大，所以決定王振鵬正選：「與謝家榮傾談後，他指自己在葉鴻輝受傷後感到巨大壓力，個個都期望他有表現，似乎應該派一個更有經驗的球員上陣。」

謝家榮賽後表示：「其實任何比賽都有壓力，港超聯有壓力，亞冠二亦有壓力。但只要教練派我上陣，我就唔會退縮。最後都係教練嘅安排。但如果問我，我一定想踢，每個球員都想踢。所以都冇乜嘢需要講。」