前曼聯球員董方卓近日接受傳媒訪問，談到佢當年效力曼聯嘅往事，其中就提起咗C朗拿度。
董方卓同C朗曾經係曼聯隊友。去年利雅得勝利中國行，C朗喺晚宴中一眼就認出咗董方卓，兩人距離上次見面已經有17年之久，當場互相擁抱傾談。
講到當年嘅C朗，董方卓直言：「C朗啱啱去曼聯嗰陣，大家都覺得佢好似一個笑話，帶波又唔識帶，射門又唔識射，仲要獨食到死。結果自己人先喺更衣室俾人打一頓。肯定係有打過，不過更衣室嗰陣打，我就冇親眼見到。」
至於C朗最大嘅改變係幾時？董方卓認為係2005年喺曼聯卡靈頓基地嗰次衝突：「我喺球場，雲尼斯達萊當場鬧佢，因為嗰陣佢爸爸啱啱去世，C朗就唔傳波。雲尼斯達萊需要傳中去入波，你唔傳，佢嘅價值就下降。嗰日訓練都係，C朗死都唔傳，雲尼斯達萊火咗，直接同佢講：『你阿爸喺度，你去搵你阿爸啦！』之後就爭吵起嚟，差啲打埋一齊。」
董方卓補充：「由嗰次之後，C朗嘅變化就好明顯。嗰陣開始唔再出去玩，唔再食漢堡，唔再飲可樂。就係嗰個時候，我覺得佢突然間完成咗一個蜕變。」
董方卓同C朗曾經係曼聯隊友。去年利雅得勝利中國行，C朗喺晚宴中一眼就認出咗董方卓，兩人距離上次見面已經有17年之久，當場互相擁抱傾談。
講到當年嘅C朗，董方卓直言：「C朗啱啱去曼聯嗰陣，大家都覺得佢好似一個笑話，帶波又唔識帶，射門又唔識射，仲要獨食到死。結果自己人先喺更衣室俾人打一頓。肯定係有打過，不過更衣室嗰陣打，我就冇親眼見到。」
至於C朗最大嘅改變係幾時？董方卓認為係2005年喺曼聯卡靈頓基地嗰次衝突：「我喺球場，雲尼斯達萊當場鬧佢，因為嗰陣佢爸爸啱啱去世，C朗就唔傳波。雲尼斯達萊需要傳中去入波，你唔傳，佢嘅價值就下降。嗰日訓練都係，C朗死都唔傳，雲尼斯達萊火咗，直接同佢講：『你阿爸喺度，你去搵你阿爸啦！』之後就爭吵起嚟，差啲打埋一齊。」
董方卓補充：「由嗰次之後，C朗嘅變化就好明顯。嗰陣開始唔再出去玩，唔再食漢堡，唔再飲可樂。就係嗰個時候，我覺得佢突然間完成咗一個蜕變。」
請按此登錄後留言。未成為會員? 立即註冊