基維奧親揭：今夏係我自己要求離開阿仙奴

基維奧（Jakub Kiwior）喺接受《Łączy Nas Piłka》訪問時表示，今個夏天係佢本人主動要求離開阿仙奴。

「由聯賽角度睇，阿仙奴去波圖可能係一種倒退，但由球會角度嚟講，絕對唔係。喺波圖，我擁有自己喺倫敦缺乏嘅嘢：固定嘅比賽時間。我喺度感覺好好。」


「我同阿迪達最後一次對話冇乜困難，因為大家都知道我會外借去波圖。當時阿迪達強調波圖係一間大球會，並祝我好運。當我提出外借要求時，最初嘅對話比較困難，因為我從未咁做過，但我覺得係時候同阿迪達面對面傾，佢理解我，亦支持我。」

關於基維奧，好多槍迷今夏都覺得阿仙奴唔應該放走佢，畢竟上季尾已經有進步跡象。但從這次訪問可以睇到，並唔係阿迪達或者阿仙奴要送走佢，而係佢自己想走。