前般茅助攻王轉戰澳職，效力至西悉尼流浪者到今季結束

前般茅助攻王轉戰澳職，效力至西悉尼流浪者到今季結束

澳職聯球隊西悉尼流浪者官宣，前英超名將賴恩費沙正式加盟，效力至25/26球季澳職聯完結。

西悉尼流浪者官網表示：「賴恩費沙加盟西悉尼流浪者，為球隊帶嚟豐富嘅頂級賽事經驗。呢位出身於阿伯丁嘅翼鋒，喺阿伯丁足球會展開職業生涯，之後轉會至般尼茅夫足球會，效力七個球季期間，憑住凌厲突破力成為英超令人聞風喪膽嘅邊路尖刀。」

費沙坦言渴望喺下半季即刻為球隊帶嚟改變：「喺英格蘭征戰十三年之後，我本可以選擇另一支英冠球隊，但呢次機會真係唔容錯過。我想挑戰自己、走出舒適圈，幫助球會重返應有嘅位置。」
「我必定會竭盡所能，為球隊提升積分榜排名作出貢獻。雖然球季已經過半，但一切皆有可能，我哋嘅未來可期。」

賴恩費沙18/19球季在般茅表現出眾，全季上陣42場收獲八球15助攻，是英超僅次於夏沙特的助攻王。