英超進行到第33、34輪，利物浦同曼城爭冠嘅雙頭馬車已經被人無數次分析，就不在此多做敘述。今日想集中討論下歐聯、歐霸兩項賽事嘅參賽資格，最終可能會花落誰家。
歐聯──爭四區
要獲得來季歐聯參賽資格，最正路同傳統嘅方式係聯賽排名前四之內。目前熱刺、阿仙奴、車路士、曼聯分居第三至第六位，分差3分，但係車路士多賽一場。假設熱刺、阿仙奴、曼聯都於各自嘅第34輪聯賽取勝，三至六名嘅分差都只係4分，點睇都係要到最後一輪聯賽先見分曉嘅局面。
除左各自聯賽嘅賽程優劣之外，對於爭四區嘅球隊而言，歐聯參賽資格仲有可能有以下變數：
• 車路士同阿仙奴都仲處於爭奪歐霸冠軍嘅行列之中，而歐霸冠軍有直接晉升下季歐聯分組賽嘅資格。按照目前歐霸淘汰賽嘅抽籤，車路士同阿仙奴有於歐霸盃決賽碰頭嘅可能。屆時5月12號，有機會上演決賽爭奬盃、爭歐聯資格、以致爭崩頭嘅戲碼。
• 承上，截至今日，熱刺都依然身處爭奪歐聯冠軍嘅行列之中，而衛冕歐聯冠軍同樣具備直接進入下季歐聯分組賽嘅資格。假設熱刺於英超跌出前四行列，而又晉身歐聯決賽的話，同樣處於來季歐聯未絕望嘅局面。
• 最精采嘅可能性，莫過於爭四區球會包攬兩項歐洲賽事冠軍嘅局面。根據歐足協規定，一個聯賽最多只能有五隊球隊參與歐聯。假設熱刺及車路士／阿仙奴分別奪得歐聯以及歐霸，而兩隊又分別位列聯賽第五、六位，聯賽前四加兩隊歐洲賽冠軍，將會導致英超有六隊有資格參與來季歐聯。呢個情況下，聯賽排名第四嘅球會將會被褫奪歐聯參賽資格，需要降格打歐霸。
舉一個實在嘅例子。假如最終熱刺、車路士分別贏得歐聯、歐霸盃；聯賽榜嘅排名同現時不變－分別係第3名曼聯、第4名阿仙奴、第5名車路士、第6名熱刺。咁嘅情況下，來季有歐聯資格嘅球隊，就只有曼城、利物浦、熱刺、車路士、曼聯；阿仙奴就算成功「保四」，亦只能屆居歐霸盃。
歐霸──爭七區
好，首先要講解一下，英超同歐霸盃參賽資格間嘅關係。英超球會要進入來季歐霸，有下列三個途徑：
1. 贏得足總盃 (FA Cup)
2. 獲得聯賽第五名
3. 贏得聯賽盃 (League Cup)
而一般情況下，若果兩項國內盃賽嘅冠軍球會，本身已經憑聯賽排名獲得歐洲賽事參賽資格（即係聯賽前五），盃賽冠軍嘅歐霸參賽名額將會順延到聯賽次排名最高嘅球會。老一輩嘅球迷注意，曾幾何時個名額會順延予盃賽亞軍，改例後所有亞軍都不會循盃賽途徑獲得歐戰名額。
以今季為例子，奪得聯賽盃冠軍嘅曼城，目前聯賽剩5輪下領先排行第三嘅熱刺16分，數字上已最低限度鎖定聯賽亞軍，來季歐聯參賽資格無憂，所以屬於聯賽盃冠軍嘅歐霸席位已確定順延至聯賽排名第六（次排名最高）嘅球會。
承上討論，英超聯賽排名第七嘅球隊，並無自動確保晉身來季歐霸嘅資格。但係，由於目前已確定足總盃將由曼城及屈福特爭奪，如果曼城獲得足總盃冠軍的話，足總盃冠軍嘅歐霸名額將同樣會順延至英超第七。
目前排名第7嘅，係由羅渣士領軍嘅李斯特城，距離排名第10但打少場嘅屈福特僅差一分，形勢比爭四區更為緊湊。況且，聯賽剩餘四、五輪，一直延伸到排第15嘅紐卡素都仲有搶七嘅可能性（剩四輪差九分），所以在此就真係不作任何臆測了。
只係覺得個情境會幾好笑。如果係屈福特排第七都尤自可，可以坐定笠六面對曼城。如果係屈福特以外嘅任何一隊排第七，5月19號嘅足總盃決賽，「七弟」將會成為全地球上最虔誠嘅曼城球迷兼信徒。
文︰車迷Z @ 拾苟說足球
請支持小弟的Facebook專頁－拾苟說足球！
歐聯──爭四區
要獲得來季歐聯參賽資格，最正路同傳統嘅方式係聯賽排名前四之內。目前熱刺、阿仙奴、車路士、曼聯分居第三至第六位，分差3分，但係車路士多賽一場。假設熱刺、阿仙奴、曼聯都於各自嘅第34輪聯賽取勝，三至六名嘅分差都只係4分，點睇都係要到最後一輪聯賽先見分曉嘅局面。
除左各自聯賽嘅賽程優劣之外，對於爭四區嘅球隊而言，歐聯參賽資格仲有可能有以下變數：
• 車路士同阿仙奴都仲處於爭奪歐霸冠軍嘅行列之中，而歐霸冠軍有直接晉升下季歐聯分組賽嘅資格。按照目前歐霸淘汰賽嘅抽籤，車路士同阿仙奴有於歐霸盃決賽碰頭嘅可能。屆時5月12號，有機會上演決賽爭奬盃、爭歐聯資格、以致爭崩頭嘅戲碼。
• 承上，截至今日，熱刺都依然身處爭奪歐聯冠軍嘅行列之中，而衛冕歐聯冠軍同樣具備直接進入下季歐聯分組賽嘅資格。假設熱刺於英超跌出前四行列，而又晉身歐聯決賽的話，同樣處於來季歐聯未絕望嘅局面。
• 最精采嘅可能性，莫過於爭四區球會包攬兩項歐洲賽事冠軍嘅局面。根據歐足協規定，一個聯賽最多只能有五隊球隊參與歐聯。假設熱刺及車路士／阿仙奴分別奪得歐聯以及歐霸，而兩隊又分別位列聯賽第五、六位，聯賽前四加兩隊歐洲賽冠軍，將會導致英超有六隊有資格參與來季歐聯。呢個情況下，聯賽排名第四嘅球會將會被褫奪歐聯參賽資格，需要降格打歐霸。
舉一個實在嘅例子。假如最終熱刺、車路士分別贏得歐聯、歐霸盃；聯賽榜嘅排名同現時不變－分別係第3名曼聯、第4名阿仙奴、第5名車路士、第6名熱刺。咁嘅情況下，來季有歐聯資格嘅球隊，就只有曼城、利物浦、熱刺、車路士、曼聯；阿仙奴就算成功「保四」，亦只能屆居歐霸盃。
歐霸──爭七區
好，首先要講解一下，英超同歐霸盃參賽資格間嘅關係。英超球會要進入來季歐霸，有下列三個途徑：
1. 贏得足總盃 (FA Cup)
2. 獲得聯賽第五名
3. 贏得聯賽盃 (League Cup)
而一般情況下，若果兩項國內盃賽嘅冠軍球會，本身已經憑聯賽排名獲得歐洲賽事參賽資格（即係聯賽前五），盃賽冠軍嘅歐霸參賽名額將會順延到聯賽次排名最高嘅球會。老一輩嘅球迷注意，曾幾何時個名額會順延予盃賽亞軍，改例後所有亞軍都不會循盃賽途徑獲得歐戰名額。
以今季為例子，奪得聯賽盃冠軍嘅曼城，目前聯賽剩5輪下領先排行第三嘅熱刺16分，數字上已最低限度鎖定聯賽亞軍，來季歐聯參賽資格無憂，所以屬於聯賽盃冠軍嘅歐霸席位已確定順延至聯賽排名第六（次排名最高）嘅球會。
承上討論，英超聯賽排名第七嘅球隊，並無自動確保晉身來季歐霸嘅資格。但係，由於目前已確定足總盃將由曼城及屈福特爭奪，如果曼城獲得足總盃冠軍的話，足總盃冠軍嘅歐霸名額將同樣會順延至英超第七。
目前排名第7嘅，係由羅渣士領軍嘅李斯特城，距離排名第10但打少場嘅屈福特僅差一分，形勢比爭四區更為緊湊。況且，聯賽剩餘四、五輪，一直延伸到排第15嘅紐卡素都仲有搶七嘅可能性（剩四輪差九分），所以在此就真係不作任何臆測了。
只係覺得個情境會幾好笑。如果係屈福特排第七都尤自可，可以坐定笠六面對曼城。如果係屈福特以外嘅任何一隊排第七，5月19號嘅足總盃決賽，「七弟」將會成為全地球上最虔誠嘅曼城球迷兼信徒。
文︰車迷Z @ 拾苟說足球
請支持小弟的Facebook專頁－拾苟說足球！
請按此登錄後留言。未成為會員? 立即註冊