話說「一圖詳解」呢個系列我次次都講，有follow開嘅朋友應該會覺得我好長氣，但都一定要戴穩個頭盔先︰「一圖」係「詳解」唔到嘅，純粹係呃你哋入嚟睇，即係又想你覺得簡單易明、又同時唔係講得兩三句嗰行貨咁。
如果你好心急想知結論，可以直接拉到最底，就會見到嗰張「一圖」。有耐性嘅朋友︰呢個post係多圖的，爽唔爽皮先。
事不宜遲開始講了。
剛剛嗰個英超賽週水晶宮1-1迫和熱刺嘅比賽中，門將Guaita喺比賽末段有兩個技驚四座嘅精彩撲救，為球隊力保一分。球賽嘅另一個討論點，係點解Guaita可以有兩球神救，偏偏就失咗一球膠波呢？
講緊嘅係Kane喺22分鐘嘅遠射，無遮無掩，射正中間，偏偏Guaita就救唔到，令水晶宮落後。
https://www.dailymotion.com/video/x7y1wx3
雖然球波喺球門嘅正中間入，Guaita嘅撲救亦有可以改善嘅空間，不過對於門將嚟講，Kane嘅呢種射門係特別難救，即使係呢個結果，話佢派膠又略為過份。
分析呢個失球嘅第一步，先睇一睇Kane起腳時一刻嘅畫面截圖。
上圖中，中間嘅紅線係我後期加上去，連接當時皮球同Guaita嘅位置。當中我哋可以睇到兩樣嘢︰
(1) Guaita視線基本上完全無受阻，佢有能力為皮球走勢作判斷(2) 雖然呢個shot睇唔清楚，但佢大致企喺球門嘅正中間，左半邊嘅球門大致有Cahill護住，換句話講Guaita呢球要作出嘅撲救理論上應該唔太難︰無失位、而且覆蓋球門範圍唔算太大。
第二張圖唔係鬼影，係Kane射門後大約一秒之間嘅截圖，亦由於個鏡頭不停移動緊，我用後製方法調整畫面，令分析唔會被鏡頭角度影響（所以你會見到啲門柱、門線、十二碼點大致都係重疊）。
從球影嚟睇，Kane射波之後個波一直飛向Guaita嘅右邊，而且越來越遠離紅線，意味住個波個勢似會飛向球門中間偏右嘅位置。因此，Guiata個動作並不需要向右移步，只需要輕輕drop shoulder，重心右傾，預計可以橫身將個波接實、或撲出。
而大家都知，最後天氣就當然不似預期啦。
到下一幅圖（即上圖），已經見到個波突然轉向，飄向Guaita嘅左邊。呢幅圖無畫線，主要係想比大家睇清楚Guaita嘅動作︰左手拉出向下，左腳因為需要急速改變重心而提起，改為以右腳發力向左蹬。作為一個「橫身向咗瞓波」嘅姿勢，呢個動作絕對唔ideal，亦側面引証咗Guaita係被迫喺半路改變重心，同埋Kane嘅射門有幾「飄」。
而以上嘅轉向，喺現實只係半秒之間嘅事。Guaita最後仲掂到下個波，老實講都算係咁架啦。
說好的「一圖」喺度了︰
飛向死角、球速高，都係構成畫面上嘅絕世靚波嘅要素，龍門救唔到，大家會覺得情有可原。不過Kane呢一種遠射，比起以上兩種入波更毒辣︰個波「飄」都算，利用皮球喺半空畫出弧線，看似飛血門將嘅右半邊，最後越過中線，飛去左半邊，呢啲波就算貌似好正中，但礙於門將作為人類嘅身體機能，難以喺好短時間之逆轉重心，門將極難作出適當嘅撲救。
所以，呢球係Kane嘅世界波，多過Guaita嘅派膠，起碼阿仙奴球迷當日都係咁講嘅。只係估唔到，當日成為世界波主角，今日Xhaka慘變紅牌阿姑，阿仙奴亦已跌落第15位…
文︰請支持小弟的Facebook專頁－拾苟說足球！
如果你好心急想知結論，可以直接拉到最底，就會見到嗰張「一圖」。有耐性嘅朋友︰呢個post係多圖的，爽唔爽皮先。
事不宜遲開始講了。
剛剛嗰個英超賽週水晶宮1-1迫和熱刺嘅比賽中，門將Guaita喺比賽末段有兩個技驚四座嘅精彩撲救，為球隊力保一分。球賽嘅另一個討論點，係點解Guaita可以有兩球神救，偏偏就失咗一球膠波呢？
講緊嘅係Kane喺22分鐘嘅遠射，無遮無掩，射正中間，偏偏Guaita就救唔到，令水晶宮落後。
https://www.dailymotion.com/video/x7y1wx3
雖然球波喺球門嘅正中間入，Guaita嘅撲救亦有可以改善嘅空間，不過對於門將嚟講，Kane嘅呢種射門係特別難救，即使係呢個結果，話佢派膠又略為過份。
分析呢個失球嘅第一步，先睇一睇Kane起腳時一刻嘅畫面截圖。
上圖中，中間嘅紅線係我後期加上去，連接當時皮球同Guaita嘅位置。當中我哋可以睇到兩樣嘢︰
(1) Guaita視線基本上完全無受阻，佢有能力為皮球走勢作判斷(2) 雖然呢個shot睇唔清楚，但佢大致企喺球門嘅正中間，左半邊嘅球門大致有Cahill護住，換句話講Guaita呢球要作出嘅撲救理論上應該唔太難︰無失位、而且覆蓋球門範圍唔算太大。
第二張圖唔係鬼影，係Kane射門後大約一秒之間嘅截圖，亦由於個鏡頭不停移動緊，我用後製方法調整畫面，令分析唔會被鏡頭角度影響（所以你會見到啲門柱、門線、十二碼點大致都係重疊）。
從球影嚟睇，Kane射波之後個波一直飛向Guaita嘅右邊，而且越來越遠離紅線，意味住個波個勢似會飛向球門中間偏右嘅位置。因此，Guiata個動作並不需要向右移步，只需要輕輕drop shoulder，重心右傾，預計可以橫身將個波接實、或撲出。
而大家都知，最後天氣就當然不似預期啦。
到下一幅圖（即上圖），已經見到個波突然轉向，飄向Guaita嘅左邊。呢幅圖無畫線，主要係想比大家睇清楚Guaita嘅動作︰左手拉出向下，左腳因為需要急速改變重心而提起，改為以右腳發力向左蹬。作為一個「橫身向咗瞓波」嘅姿勢，呢個動作絕對唔ideal，亦側面引証咗Guaita係被迫喺半路改變重心，同埋Kane嘅射門有幾「飄」。
而以上嘅轉向，喺現實只係半秒之間嘅事。Guaita最後仲掂到下個波，老實講都算係咁架啦。
說好的「一圖」喺度了︰
飛向死角、球速高，都係構成畫面上嘅絕世靚波嘅要素，龍門救唔到，大家會覺得情有可原。不過Kane呢一種遠射，比起以上兩種入波更毒辣︰個波「飄」都算，利用皮球喺半空畫出弧線，看似飛血門將嘅右半邊，最後越過中線，飛去左半邊，呢啲波就算貌似好正中，但礙於門將作為人類嘅身體機能，難以喺好短時間之逆轉重心，門將極難作出適當嘅撲救。
所以，呢球係Kane嘅世界波，多過Guaita嘅派膠，起碼阿仙奴球迷當日都係咁講嘅。只係估唔到，當日成為世界波主角，今日Xhaka慘變紅牌阿姑，阿仙奴亦已跌落第15位…
文︰請支持小弟的Facebook專頁－拾苟說足球！
請按此登錄後留言。未成為會員? 立即註冊