喺最近小弟嘅文章亦不只一次講過，曼聯右閘位置有Dalot在陣，相比Wan-Bissaka更能提升曼聯整體表現。今次閘位球員嘅專題 ，講Dalot之前可以先講幾位近年為人津津樂道嘅閘位球員︰Robertson、Alexander-Arnold、同左閘版本嘅Cancelo。
當年利物浦的高效能邊路雙核
有別於以往以適量overlapping為主要助攻手段嘅傳統閘衛，名單頭兩位效力利物浦嘅左右二閘喺最近幾季收錄極高效率輸出，所謂high energy踢法嘅二閘除咗講求覆蓋率同跑動，使二人頻繁參與進攻外，作為利物浦主要推進嘅核心，其中右閘Alexander-Arnold更不時切入至half space位置組織攻勢、或者作出致命最後一傳。當年Klopp嘅二閘孖寶，被認為已經帶動咗「閘位球員嘅新標準」。
然而利物浦二閘上前進攻時，身後必然遺留空位，唔少球隊對陣利物浦時就會以反擊專攻呢個暴露出嚟嘅空間。大眾經常責怪「Alexander-Arnold唔識防守」，其實更大程度係Klopp戰術要求二閘助攻頻率非常高，問題更應該問戰術如何使其他球員保護二閘進攻時嘅身後空間（例如用中場遮線、中堅外移等），情況有少少似大家無理由走去怪一個龍門遠射唔夠好入唔到波咁（當然呢個比喻誇張咗，重點係穩健防守並不在Klopp給予TAA嘅指示之列） 。
逆翼衛的戰術作用
哥帥如何應用其麾下嘅Cancelo，喺前季又引起咗有關閘位球員嘅話題。比起「傳統」打overlapping嘅閘位球員喺進攻時沿外圍為翼位球員拉空位，打左閘時嘅Cancelo屬於Inverted Wingback嘅踢法，球隊進攻時更頻繁地內收，企位更似一個防守中場般嘅存在。呢度所講嘅「防守中場」並不限於對防守嘅貢獻——當然，設置一位IWB對於大部份踢單防中嘅球隊而言，係能夠直接為球隊防守帶來一定穩定性。
以球隊踢4-1-2-3為例，當兩位進攻中場配合三位前鋒作五路進攻時，身後假如只得一位防中做pivot，不論係回收皮球再組織攻勢、抑或係作為Transition to defence嘅第一道屏障，風險都非常高；現今球隊流行喺進攻時於後場呈現3-2排陣，以double pivot去協助前場進攻嘅球員轉邊、回收皮球、甚至喺大軍壓境時成為另一把劏穿對手防線嘅尖刀。Inverted Wingback嘅好處就係容許球隊喺中場設置兩個進攻型中場嘅同時，以額外嘅人腳喺中場設置double pivot。
上圖係網上隨機search到嘅FM遊戲截圖，出奇地適合講解「3-2」排陣嘅concept——請唔好理會黃色圈圈，假設藍隊踢緊4-1-2-3，藍隊8號球員就係喺build up phase一個inverted wingback理應所處嘅位置，如果將整張圖往右移模擬藍隊attacking phase嘅狀況，21同8號球員正正就係中場double pivot嘅狀態。
Cancelo打Inverted Wingback嘅好處係佢嘅位置感、視野俱佳，作為一個偽防中、偽攻中時，佢都可以交足功課；至於佢打右閘時點解可以打得咁差，又係另一個問題…
溝埋嚟做瀨尿牛丸唔一定笨但一定唔易
以上兩種「新式」閘位打法，有無辦法二合為一呢？雖然咁講好似吹到好大，但Dalot喺適當嘅戰術配置下，有能力做到。
首先了解Dalot呢位球員嘅特性︰防守位置感佳、進攻走動佳、決策能力不俗、速度不俗、技術不俗、視野一般、傳中能力一般；如果要求佢打類似Trippier呢種傳統疊馬落底傳中嘅右閘，傳中質素欠奉；如果單純叫佢內收做double pivot之一，又好似抹殺咗佢嘅進攻天賦。
再望望曼聯今年最大嘅質變，係中場兩位新兵Casemiro同Eriksen嘅組合，尤其Eriksen同時可以做到中後場build up及前場創造機會工作嘅球員。當Eriksen喺後場build up時，Dalot可以放心向前走動，再視乎身前右翼（通常係Antony）選擇內切定向外走，而選擇助攻half space定邊線——頭先講過Dalot傳中麻麻，加上曼聯前場嘅fluidity容許攻中嘅Bruno移到邊路進攻，當皮球運到前場，Dalot憑佢嘅進攻天賦同技術，亦可以內切到去禁區邊緣、以至越過中線向球場左方協助進攻運轉。
當然亦有唔少情況Eriksen會推前作推進甚至創造機會時，Dalot亦可以乖乖地飾演一個Inverted Wingback嘅角色回收皮球或協助球隊做build up，或者喺丟失控球權時以其位置感做屏障（雖然有Casemiro好多時都夠做）。
無可避免要提及同為右閘嘅Wan-Bissaka。佢其實相當努力去執行ten Hag比Dalot嘅任務，但畢竟係著人哋件衫，總會有衣不稱身之時︰Wan-Bissaka進攻意識一般，引球推進反而還好，但要求佢協助進攻運轉就明顯要求過高；作為後衛，AWB甚至位置感都麻麻，要佢打IWB就更加吃力。其實AWB強項係一對一防守，比較適合嘅運用可能係封鎖對手單一突破點（例如上季嘅Saint-Maximin） 。所以講，有個好嘅角色，唔一定個個演員都啱做。
又吹到有啲大——如果話Casemiro係曼聯今季最不可或缺嘅一員，Dalot嘅球員特性可以同時增強曼聯進攻嘅立體感、協助build up、以及為球隊防守屏障，佢在陣中絕對有能力升曼聯整體表現嘅上限。當然，發掘並信任Dalot執行呢啲任務嘅Ten Hag，同樣攻不可沒。
至於標題問Dalot係咪曼聯最強一環，就其實只係標題黨啫…
＊＊＊
文︰拾苟說足球
請支持小弟的Facebook 及 Instagram 專頁－拾苟說足球！
本文骨幹及部份內容靈感來自最近Tifo football一段新影片講Dalot同現今閘位球員嘅進化史，有興趣嘅朋友可以睇下。
當年利物浦的高效能邊路雙核
有別於以往以適量overlapping為主要助攻手段嘅傳統閘衛，名單頭兩位效力利物浦嘅左右二閘喺最近幾季收錄極高效率輸出，所謂high energy踢法嘅二閘除咗講求覆蓋率同跑動，使二人頻繁參與進攻外，作為利物浦主要推進嘅核心，其中右閘Alexander-Arnold更不時切入至half space位置組織攻勢、或者作出致命最後一傳。當年Klopp嘅二閘孖寶，被認為已經帶動咗「閘位球員嘅新標準」。
然而利物浦二閘上前進攻時，身後必然遺留空位，唔少球隊對陣利物浦時就會以反擊專攻呢個暴露出嚟嘅空間。大眾經常責怪「Alexander-Arnold唔識防守」，其實更大程度係Klopp戰術要求二閘助攻頻率非常高，問題更應該問戰術如何使其他球員保護二閘進攻時嘅身後空間（例如用中場遮線、中堅外移等），情況有少少似大家無理由走去怪一個龍門遠射唔夠好入唔到波咁（當然呢個比喻誇張咗，重點係穩健防守並不在Klopp給予TAA嘅指示之列） 。
逆翼衛的戰術作用
哥帥如何應用其麾下嘅Cancelo，喺前季又引起咗有關閘位球員嘅話題。比起「傳統」打overlapping嘅閘位球員喺進攻時沿外圍為翼位球員拉空位，打左閘時嘅Cancelo屬於Inverted Wingback嘅踢法，球隊進攻時更頻繁地內收，企位更似一個防守中場般嘅存在。呢度所講嘅「防守中場」並不限於對防守嘅貢獻——當然，設置一位IWB對於大部份踢單防中嘅球隊而言，係能夠直接為球隊防守帶來一定穩定性。
以球隊踢4-1-2-3為例，當兩位進攻中場配合三位前鋒作五路進攻時，身後假如只得一位防中做pivot，不論係回收皮球再組織攻勢、抑或係作為Transition to defence嘅第一道屏障，風險都非常高；現今球隊流行喺進攻時於後場呈現3-2排陣，以double pivot去協助前場進攻嘅球員轉邊、回收皮球、甚至喺大軍壓境時成為另一把劏穿對手防線嘅尖刀。Inverted Wingback嘅好處就係容許球隊喺中場設置兩個進攻型中場嘅同時，以額外嘅人腳喺中場設置double pivot。
上圖係網上隨機search到嘅FM遊戲截圖，出奇地適合講解「3-2」排陣嘅concept——請唔好理會黃色圈圈，假設藍隊踢緊4-1-2-3，藍隊8號球員就係喺build up phase一個inverted wingback理應所處嘅位置，如果將整張圖往右移模擬藍隊attacking phase嘅狀況，21同8號球員正正就係中場double pivot嘅狀態。
Cancelo打Inverted Wingback嘅好處係佢嘅位置感、視野俱佳，作為一個偽防中、偽攻中時，佢都可以交足功課；至於佢打右閘時點解可以打得咁差，又係另一個問題…
溝埋嚟做瀨尿牛丸唔一定笨但一定唔易
以上兩種「新式」閘位打法，有無辦法二合為一呢？雖然咁講好似吹到好大，但Dalot喺適當嘅戰術配置下，有能力做到。
首先了解Dalot呢位球員嘅特性︰防守位置感佳、進攻走動佳、決策能力不俗、速度不俗、技術不俗、視野一般、傳中能力一般；如果要求佢打類似Trippier呢種傳統疊馬落底傳中嘅右閘，傳中質素欠奉；如果單純叫佢內收做double pivot之一，又好似抹殺咗佢嘅進攻天賦。
再望望曼聯今年最大嘅質變，係中場兩位新兵Casemiro同Eriksen嘅組合，尤其Eriksen同時可以做到中後場build up及前場創造機會工作嘅球員。當Eriksen喺後場build up時，Dalot可以放心向前走動，再視乎身前右翼（通常係Antony）選擇內切定向外走，而選擇助攻half space定邊線——頭先講過Dalot傳中麻麻，加上曼聯前場嘅fluidity容許攻中嘅Bruno移到邊路進攻，當皮球運到前場，Dalot憑佢嘅進攻天賦同技術，亦可以內切到去禁區邊緣、以至越過中線向球場左方協助進攻運轉。
當然亦有唔少情況Eriksen會推前作推進甚至創造機會時，Dalot亦可以乖乖地飾演一個Inverted Wingback嘅角色回收皮球或協助球隊做build up，或者喺丟失控球權時以其位置感做屏障（雖然有Casemiro好多時都夠做）。
無可避免要提及同為右閘嘅Wan-Bissaka。佢其實相當努力去執行ten Hag比Dalot嘅任務，但畢竟係著人哋件衫，總會有衣不稱身之時︰Wan-Bissaka進攻意識一般，引球推進反而還好，但要求佢協助進攻運轉就明顯要求過高；作為後衛，AWB甚至位置感都麻麻，要佢打IWB就更加吃力。其實AWB強項係一對一防守，比較適合嘅運用可能係封鎖對手單一突破點（例如上季嘅Saint-Maximin） 。所以講，有個好嘅角色，唔一定個個演員都啱做。
又吹到有啲大——如果話Casemiro係曼聯今季最不可或缺嘅一員，Dalot嘅球員特性可以同時增強曼聯進攻嘅立體感、協助build up、以及為球隊防守屏障，佢在陣中絕對有能力升曼聯整體表現嘅上限。當然，發掘並信任Dalot執行呢啲任務嘅Ten Hag，同樣攻不可沒。
至於標題問Dalot係咪曼聯最強一環，就其實只係標題黨啫…
＊＊＊
文︰拾苟說足球
請支持小弟的Facebook 及 Instagram 專頁－拾苟說足球！
本文骨幹及部份內容靈感來自最近Tifo football一段新影片講Dalot同現今閘位球員嘅進化史，有興趣嘅朋友可以睇下。
請按此登錄後留言。未成為會員? 立即註冊