狼隊三年前回歸英超以來，一直以出色嘅防守反擊見稱。Diogo Jota、Raul Jimenez、Adama Traore、Pedro Neto形成不同組合嘅前鋒線，配合被三後衛陣式解嘅兩位翼衛Doherty及Johnny，反擊力之強被稱為「Big 6殺手」。
但其實狼隊前兩季最殺食並唔係佢嘅反擊，而係防守。
狼隊前季聯賽總失球數係46球、上季40球，連續兩年係英超失數最少球隊排名第五。唔好忘記，狼隊前年仍然係升班馬，上年歐霸盃仲打到入八強。
然而狼隊今季打咗一半都未夠已經失咗29球。按比例推數，狼隊今季失球數字可達65球——呢個係護級球隊嘅失球數。
到底咩事？前因係領隊Nuno立心張狼隊轉型︰由一支單靠防反取分嘅球隊，嘗試改變成為一支以控傳為主要得分方法嘅前列球隊。由夏天轉會窗狼隊先後賣走Jota（當然啱價係一大原因，但其實狼隊喺上季後半段已經唔再係球隊必然正選）、Doherty，可見一斑——前者以速度及盤扭見稱，但破密集嘅能力一般；後者擅長以跑動帶動球隊進攻，兩人對防反貢獻巨大，但係喺控傳打法之下，擅於小範圍盤扭突破嘅Podence、以及比較傳統嘅出擊型右閘Semedo，理論上更能迎合為球隊嘅新風格。
新戰術下，狼隊嘅開季其實不順，由控球較少、較被動一方，突然改變成為採取主動嘅球隊。再具體咁講，中場無論係Moutinho、Dendoncker、Ruben Neves，以至Boly、Coady等中堅，從前喺defensive third攞到波之後只要抬頭一望，一個長波球去前場Jota、Jimenez嘅身前——傳球成功就造成反擊；失敗就繼續穩守。今季呢？不時見到狼隊喺對方三閘時附近橫傳，以耐性換取對方防守空間、或者靠個別球員硬爆。狼隊今季一改以往不變嘅「三中堅」陣式，以4-2-3-1取代之。雖然呢個陣不能全謂失敗，不過佢嘅防守問題亦顯然易見——狼隊嘅中堅能力本身已經不高，以往經常以三中堅、low block打法掩蓋佢哋覆蓋範圍不足嘅弊病。四後衛陣式除咗確切少咗個人，另一問題係因為防線不時因進攻推前，中場無法掩護，令每個防守球員工作量大增。
最失敗嘅例子，莫過於對韋斯咸比賽大敗0-4。除咗攻擊失去方向，連一貫嘅穩健防守都做唔到；此後仲有白禮頓3-3嘅比賽、以及今場對西布朗嘅敗仗。尤其後兩者，兩場共失三個十二碼，絕對係後防專注力下降、以及工作負擔過重嘅後遺症。
令狼隊球迷失望嘅，應該係狼隊漸漸變得毫無個性風格可言。情況喺Jimenez自從喺11月對阿仙奴嘅比賽因腦震盪傷出缺陣之後更為嚴重（仲未計之後陸續有人傷出）。18歲新丁Fabio Silva買返嚟本身係做明日之星，突然要佢完全頂替老大哥嘅角色的確係強人所難，偏偏Jimenez作為球隊進攻核心。佢頂替唔到，就註定前線啞火。
結果狼隊就由一支行雲流水嘅團隊，變成靠如Podence、Traore等個別球員硬爆嘅中下游份子。
追咗近三季狼隊大部份比賽，就算稱唔上狼迷，見到球隊如此崩塌真係幾心痛。近幾場波甚至開始見到Nuno進一步迷失自己，到底要回歸穩守突擊嘅風格、定係堅持改革？喺轉陣再轉陣之後，似乎成績無甚起色，不進反退。
雖然萬般不願，但現時排等14嘅狼隊似乎係時候要承認，今季嘅目標應該要變成護級了。
但其實狼隊前兩季最殺食並唔係佢嘅反擊，而係防守。
狼隊前季聯賽總失球數係46球、上季40球，連續兩年係英超失數最少球隊排名第五。唔好忘記，狼隊前年仍然係升班馬，上年歐霸盃仲打到入八強。
然而狼隊今季打咗一半都未夠已經失咗29球。按比例推數，狼隊今季失球數字可達65球——呢個係護級球隊嘅失球數。
到底咩事？前因係領隊Nuno立心張狼隊轉型︰由一支單靠防反取分嘅球隊，嘗試改變成為一支以控傳為主要得分方法嘅前列球隊。由夏天轉會窗狼隊先後賣走Jota（當然啱價係一大原因，但其實狼隊喺上季後半段已經唔再係球隊必然正選）、Doherty，可見一斑——前者以速度及盤扭見稱，但破密集嘅能力一般；後者擅長以跑動帶動球隊進攻，兩人對防反貢獻巨大，但係喺控傳打法之下，擅於小範圍盤扭突破嘅Podence、以及比較傳統嘅出擊型右閘Semedo，理論上更能迎合為球隊嘅新風格。
新戰術下，狼隊嘅開季其實不順，由控球較少、較被動一方，突然改變成為採取主動嘅球隊。再具體咁講，中場無論係Moutinho、Dendoncker、Ruben Neves，以至Boly、Coady等中堅，從前喺defensive third攞到波之後只要抬頭一望，一個長波球去前場Jota、Jimenez嘅身前——傳球成功就造成反擊；失敗就繼續穩守。今季呢？不時見到狼隊喺對方三閘時附近橫傳，以耐性換取對方防守空間、或者靠個別球員硬爆。狼隊今季一改以往不變嘅「三中堅」陣式，以4-2-3-1取代之。雖然呢個陣不能全謂失敗，不過佢嘅防守問題亦顯然易見——狼隊嘅中堅能力本身已經不高，以往經常以三中堅、low block打法掩蓋佢哋覆蓋範圍不足嘅弊病。四後衛陣式除咗確切少咗個人，另一問題係因為防線不時因進攻推前，中場無法掩護，令每個防守球員工作量大增。
最失敗嘅例子，莫過於對韋斯咸比賽大敗0-4。除咗攻擊失去方向，連一貫嘅穩健防守都做唔到；此後仲有白禮頓3-3嘅比賽、以及今場對西布朗嘅敗仗。尤其後兩者，兩場共失三個十二碼，絕對係後防專注力下降、以及工作負擔過重嘅後遺症。
令狼隊球迷失望嘅，應該係狼隊漸漸變得毫無個性風格可言。情況喺Jimenez自從喺11月對阿仙奴嘅比賽因腦震盪傷出缺陣之後更為嚴重（仲未計之後陸續有人傷出）。18歲新丁Fabio Silva買返嚟本身係做明日之星，突然要佢完全頂替老大哥嘅角色的確係強人所難，偏偏Jimenez作為球隊進攻核心。佢頂替唔到，就註定前線啞火。
結果狼隊就由一支行雲流水嘅團隊，變成靠如Podence、Traore等個別球員硬爆嘅中下游份子。
追咗近三季狼隊大部份比賽，就算稱唔上狼迷，見到球隊如此崩塌真係幾心痛。近幾場波甚至開始見到Nuno進一步迷失自己，到底要回歸穩守突擊嘅風格、定係堅持改革？喺轉陣再轉陣之後，似乎成績無甚起色，不進反退。
雖然萬般不願，但現時排等14嘅狼隊似乎係時候要承認，今季嘅目標應該要變成護級了。
請按此登錄後留言。未成為會員? 立即註冊