蘇亞雷斯表態：我決定留係利物浦！ 精選

早前蘇亞雷斯同巴黎聖日耳門以及祖雲達斯都扯上關係，而佢本人都親口表態願意加盟巴黎聖日耳門。不過，最近接受《國家報》採訪既時候，蘇亞雷斯表示話會留係英格蘭！

蘇亞雷斯接受《國家報》採訪既時候講：「雖然最近發生左好多不如意既事情，但係我係呢度好快樂，無論係場內或場外。我同球會既人相處得好愉快，佢地都希望我留隊。」經過蘇亞雷斯本人親身表態，最近既轉會風波相信都會告一段落！對於捲入種族歧視，蘇亞雷斯表示難堪，仲話：「我已經係其他國家踢過波，其實好多人都好瞭解我，我已經展現左我係一個點既人。」
早前杜格利殊都親口支持呢位烏拉圭前鋒，點都唔會賣走佢，仲講笑話有人打黎報價只會哂長途電話費。對此蘇亞雷斯就話：「杜帥仍然好信任我，對我來講好重要，特別係在我被禁賽八場之後，我非常感謝佢！」

（上場足總杯八強蘇亞雷斯攻入美妙既入球。）


咁咪好囉，唔好再捏計啦，知無！


蘇亞雷斯今季代表利物浦出陣29次，攻入左11球。而佢同利物浦既合约到2016年到期，相信佢會係利物浦大把世界，轉會風波都告一段落，加油呀手球仔！

（完）