琴晚正是聯賽盃16強曼聯主場迎戰米杜士堡既賽事, 就在前一晚, 阿仙奴半力迎戰下作客出局, 車路士接近全力下也出局, 原先對於這個盃仔既希望, 由平常心, 變成 -- 不如曼聯都爭下啦, 但冷靜落黎, 今季既聯賽會更加激烈, 重返歐聯後又未見得輕輕鬆鬆, 周六就要聯賽迎戰水晶宮, 下周就係歐聯戰線重開, 都係希望雲高爾用年輕/後備兵出戰吧, 本季漫漫長路, 唔好心急了, 見到出場陣容, 不錯, 同心目中預算接近, 可以讓一眾主力包括馬達, 靴里拉及近期長居正選既馬素爾抖抖氣, 從而俾迪比多點時間再適應, 俾連加迪及佩尼亞多點發揮既時間, 俾白蘭特一個重回正軌既賽事........而最主要同我心目中正選有分別既, 就係朗尼退居後備, 有觀看小弟上篇文章既話, 應該知道我既想法係朗尼缺乏重燃前鋒既"火", 要多點賽事俾佢重新點燃, 呢場盃賽, 無論作為主場, 對手為次一級組別既球隊, 加上16強呢個階段, 壓力應該不大, 但雲高爾用上了威爾遜, 也不緊要吧, 就這樣讓一班年青人盡全力, 去取點經驗吧!
先講講今仗復任正選既羅美路, 相信大家有留意此子都知道水準帶點不穩, 小小既神經刀, 係對佢既感覺, 今仗也相信驚嚇, 為深夜睇直播既球迷, 變成一個鬧鐘, 一個接應回傳, "嘩"的一聲, 不緊要吧, 預期之內了, 當然佢都有其救波既場景, 所以正選名單見到佢, 就已經有心理準備了吧, 從而都証明, 迪基亞也繼續成為曼聯本季轉會窗"最佳既收購"! 而後防線方面, 其實跟季初陣容接近, 由於對手為次一級組別既米堡, 其實受壓不算太大, 今仗表現也算可以接納既範圍, 重點我地不如移至中前場吧。
中場方面, 要讚一讚既係雲高爾今仗讓舒拉達連完全休息, 上仗上陣大部分時間既小豬退居後備, 讓卡域克及費蘭尼屯兵於中場位置, 以費蘭尼既防守力來彌補卡域克既防守力, 以卡域克作為中場連接前場既能力彌補費蘭尼既中場連接力, 算係適當既排陣, 再前一格, 以迪比, 佩尼亞, 連加迪組成既進攻中場組合, 今仗之後, 相信大家繼續對連加迪帶俾球隊既新鮮有著希望, 有一球中楣既射門, 對佩尼亞作為潛力股加以信心, 下半場其中一個射門, 由接應皮球, 等待後防球員回防之後騙過對手再施以遠射, 整個過程非常順暢, 唯一可惜既就係柱邊出界, 作為年青球員, 不要於雞蛋內挑骨頭, 睇到既係未來! 至於迪比, 似乎7號波衫既壓力不小, 始終未能踢回PSV年代於荷甲呼風喚雨 ( 誇張左D吧 )既水平, 看到既影子, 不是C朗, 而是蘭尼, 但走出局外再睇番呢場不算真的十分舉足輕重既賽事, 就當係俾多一點時間迪比吧, 畢竟只是21歲既年青人, 今仗也做出4個傳中, 此子現在最需要既係信心, 信心係從成功中慢慢累積! ( 分享個小經驗吧, 小弟也是司職中前場既進攻(業餘)球員, 也曾經有個入波荒, 如何重拾信心? 無大志但最現實既方法, 就係化繁為簡, 於場上做最簡單既事, 明明可以大腳抽射, 但掃把腳更安全, 就用掃把腳, 最緊要達到目的 - 入波, 當重拾信心, 你踢到飛天都仲得 ), 其後雲哥爾換入楊格及馬素爾既調動, 我都覺得合適, 楊格經過幾季於曼聯既磨練, 慢慢感覺成為一位有經驗既球員, 只要知其位置, 相信對曼聯未來2季係一個好有用既補給力。
去到現時最關心, 最多話題既正前鋒朗尼身上, 自從2011/2012季度後, 其實朗尼狀態有慢慢下滑既情況, 從入球數字更加明顯................K11哥哥, 咪偷賴先得架, 又用番上篇文章既內容, 正是, 今仗朗尼於半場換入後上陣75分鐘既表現, 繼續平淡, 令人失望, 平淡到連一腳射門都搵唔到, 唔係喎, 有呀.....唔好提住, .晏D講..........其實點解我會希望雲哥爾將朗尼先作此場賽事正選既原因, 在於我既角度, 先看看今仗正選既中前場4子, 全是年青人, 似乎以一名有經驗既球員帶動, 控制節奏, 會較適合, 再講踢法, 威爾遜勝在勤力, 肯跑動, 但不是一名可以於前場停波既球員, 經驗, 踢法均不夠既情況下, 就算中場既卡域克再有更靚既傳送, 中前場球員都缺乏經驗去處理, 如果先以朗尼為正選, 一黎踢法上, 面對米堡球員, 可以停波既能力會比威爾遜好, 威脅理論上也會較大, 就算攻門不成, 再傳俾2翼進攻也可以, 一旦上半場能夠先領先, 順境波絕對有助信心既回復, 但半場時候換人, 由於當時仍然為0比0, 假如我作為米堡球員, 覺得能守得住曼聯半場, 就算要防守現時此狀態低沉既朗尼也信心十足, 作為朗尼本人, 以近況既信心危機, 餘下半場時間一分一秒過去但仍未領先既情況, 壓力只會慢慢增加, 此為球員臨場即時心理既影響, 相反如果正選先用朗尼, 一黎, 可以希望俾朗尼足夠時間去回復信心, 二黎, 即使朗尼狀態仍未得以回復, 半場仍然為0比0, 此時才換入威爾遜, 就當係給年青人一個表現自己既機會, 俾朗尼一個藉口休息一下, 準備下場聯賽吧, 其實, 如果威爾遜為正選, 就讓他踢足全場吧...........結果, 最壞既情況出現了, 朗尼半場於0比0既情況下換入, 繼續久攻不下, 信心繼續下跌, 最後有一腳射門 - 12碼被救出 ( 雖然唔算射得差 ), 接連出局 ( 曼聯於12碼淘汰戰4輪共3個球員射失 - 包括朗尼/卡域克/楊格 ), 相信朗尼既信心只會更進一步下跌, 今天既報章, 矛頭再次指向朗尼, "放棄朗尼"既聲音日漸增加.........對朗尼, 對曼聯, 對英格蘭都不是好事................
t
觀乎此場聯賽盃16強賽事, 雖然對於主場被淘汰出局失望, 對朗尼既表現失望, 對4輪12碼有3輪射失而失望 ( 第5輪是首操刀也永遠是迷….. ), 但看到佩尼亞, 連加迪作為曼聯未來既兩個新希望, 繼續向前看吧!
比賽日我地會po 直播 link 比大家睇波， 記得留意我地既page!https://www.facebook.com/RoyceMU
仲會有賽後評分，精華，個人精華等，仲唔快d like?
請按此登錄後留言。未成為會員? 立即註冊