[AD 出品] 曼聯特刊－朗尼的去與留 精選

曼聯球迷心中而家最好既陣容: 馬素爾
迪比/楊格 靴里拉馬達
小豬/卡域克 舒拉達連
洛荷史摩寧鍾斯達米安
迪基亞

*因左翼位會有爭議,因此都列出黎,另外我估應該冇人會反對小豬同卡域克係要輪換既.

以上呢個係人都排到既陣點解偏偏雲高爾就排唔到?點解佢一定要出朗尼?點解踢得咁差都要出佢?以上都係好多球迷既問題,不滿.以下我會為大家分析一下當中部份既原因.
首先就係朗尼既商業價值.朗尼身為曼聯同英格蘭國家隊既隊長,和多年來既表現,亦係英格蘭國家隊入最多波既球員,不論聲望,人氣都極高.係2015年朗尼既波衫銷售量排第六就足以證明呢一點.


第二個原因亦都好簡單就係因為佢係隊長.朗尼身為其中一位現時係曼聯最耐既球員,佢己經成為咗球隊既更衣室同精神領袖.以佢既各種大賽經驗係絕對可以幫助到球隊.但如果雲高爾而家棄用朗尼既話,球隊既士氣一定會降低,而且有可能引起隊內既不滿(例如係同鄉,好友).而且最重要既係而家球季只過咗一半都冇,如果而家棄用隊長既話後果分分鐘影響成季.


我同意以朗尼而家既表現係絕對唔應該打正選.但考慮到上面所講既因素又的確好難係呢刻棄用佢.咁到底點算好?

首先,雲高爾其實已經開始慢慢訓練緊史摩寧做隊長,但史摩寧需要時間吸收經驗,提高隊內聲望等準備工作,最快都要一年時間.所以係呢一年內,估計雲高爾都唔會棄用朗尼.至於點解唔用卡域克作為代朗尼既球隊領袖則因為卡域克年事已高,不如另外培訓一個年輕既重好.


最後我想講下我今季見到朗尼事件後我第一時間諗起既人:聖卡斯,卡斯拿斯.佢身為皇馬既隊長多年,因為年紀愈來愈大而被棄用,今季重比人賣埋.大家一諗起佢對皇馬既負出就即刻鬧皇馬無人情味,過河拆橋.而呢家朗尼都出現一樣既情況,如果曼聯最後放走咗朗尼既話,又會唔會比其他球迷鬧?.到底一間球會應該戰績和財政為先定係人情味行先?呢個的確係一個好難取捨既問題.但我個人認為最理想既係朗尼減薪留隊,讓隊長同正選個位出黎自己做副隊,後備.當然,邊有可能咁完美,因此,大家放長雙眼睇下最後結果點啦.


比賽日我地會po 直播 link 比大家睇波， 記得留意我地既page!
https://www.facebook.com/RoyceMU
仲會有賽後評分，精華，個人精華等，仲唔快d like?