碧咸想步另一前曼聯7號簡東拿後塵，由足球明星轉型電影明星？
有可能。碧咸簽咗電影合約，參與荷里活大製作《神劍亞瑟王》的演出，不過角色個造型外貎奇醜，與其萬人迷的靚佬形象有好大落差。經特技化粧後，咸爺新look不但爛面多疤，更成排牙漬，成個野人咁款。
碧咸所飾的角色是黑腳頭目，戲份不多，但有對白和動作場面，同片的主角是查理亨南，以及樣貎與比利時球員華美倫相似的祖迪羅。
碧咸將造型照放上社交媒體分享，嚇壞不少咸迷，連兩位前皇馬隊友看後都有好大反應。門將卡斯拿斯話：「我的天！好恐怖呀！」與碧咸同是罰球專家的羅拔圖卡路士就打趣道：「你ok呀嘛，我的朋友。」碧咸亦加入搞笑：「在佳列治（本片導演）的辦公室過了一日就搞成咁！」
其實今次已非碧咸首登大銀幕，過去曾在《一球成名續集》和不少電視劇中客串，多數都是做回自己，前年在《特務型戰》中首次得到有角色的大片演出，飾演一名投影機操作員，雖然只屬客串，但造型和演技令人有驚喜。
碧咸兩次粉墨登場，主要因為《神劍亞瑟王》和《特務型戰》的導演佳列治是他的好朋友，兩人早年在拍廣告時已合作認識。《神劍亞瑟王》的製作已接近尾聲，五月就會上畫。http://www.dailymail.co.uk/tvshowbiz/article-4357178/David-Beckham-gives-look-King-Arthur-character.html
請按此登錄後留言。未成為會員? 立即註冊