[意甲wfc] 米蘭有錢買人前中後喇?!

前鋒編:

1.莫拉達 (Alvaro MORATA) (皇家馬德里 / 西班牙)
舊年夏天，皇馬用3000萬歐元將當時效力緊祖雲達斯嘅莫拉達帶返巴拿貝球場，可想而知皇馬對呢個自家青訓嘅重視。但係，可惜嘅係即使番返嚟皇馬，莫生都係活喺賓斯馬嘅陰影之下，長期擔任後備。雖然係咁，都難掩佢嘅光芒，代表皇家馬德里出戰40場比賽(得19次係正選)，斬獲20個入球同5次助功，表現非常出色，亦都係一位非常高效嘅前鋒。好多報導話因為佢未婚妻係義大利人，之後亦想係義大利居住，所以米蘭就成為左佢最想去嘅地方。義大利天空體育表示，如果出售莫拉塔的話，皇家馬德里希望得到8000萬歐元嘅轉會費，但目前AC米蘭提供嘅報價只係6000萬歐元，真係唔知買唔買到喇。但係，據知佢本人已經飛左去米蘭同高層談判，睇嚟應該成事機會幾大。成事指數: 4/5粒星
https://www.youtube.com/watch?v=7Vuus5ihfQE
2.比洛迪 (Andrea BELOTTI) (拖連奴 / 義大利)
傳左大半季，甚至乎有一大班外國球迷叫佢快啲過檔米蘭嘅義大利超級射手比洛迪，除左米蘭之外，車仔、拜仁，甚至乎曼聯都話想買佢，可想而知佢有幾搶手。呢位23歲義大利射手今季表現非常搶眼，喺意甲賽場上，佢出戰左34場比賽，入左25球，仲貢獻左5次助攻。喺國家隊方面，佢亦都有好表現，上陣4場入左3球同1球助攻。比洛迪從小就係米蘭的球迷，佢都講過佢嘅偶像就係米蘭嘅核彈頭舒夫真高，令佢轉會去米蘭一事更加「似層層」。但係一億歐羅嘅價錢就令到米蘭有所卻步。義大利日報就話，米蘭出價7000歐元轉會費加上加比爾、安東尼利和古卡3位球員所有權去bid呢位射手。唔知各位米粉又覺得值唔值呢?
成事指數: 3/5粒星
https://www.youtube.com/watch?v=BGCkHetQ1tk
3.奧巴美揚 (Pierre-Emerick AUBAMEYANG ) (多蒙特 / 加蓬)
米蘭今個夏天一直想買番個超級前鋒，除左莫拉達同貝洛特之外，呢位米蘭青訓亦都係緋聞球員之一，佢就係今季德甲神射手得主，奧巴美揚。為左得到呢個前鋒，米蘭可以話係不惜工本，除左為佢提供左一份7000歐元嘅報價之外，提供了一份稅後年薪為750萬歐元的合同。不過有「射」就自然香，想買佢嘅又何止米蘭，仲有西甲嘅巴塞同皇馬、法甲嘅巴黎聖日耳門、英超嘅曼聯同埋中超新貴權健。仲有報導話，如果佢加盟權健，就會成為足球史上人工最高的球員。 買到固然好，但好似都幾高難度。成事指數: 2/5粒星
https://www.youtube.com/watch?v=IpTUEn8Mh3E
各位米蘭球迷，你又最想邊個加盟呢? 準備好丁到成地都係血未?

================================================
鍾意睇嘅話，入嚟俾個like啦!
https://www.facebook.com/mcdogsports/