曼聯專區小評：普巴與摩連奴的曼聯藍圖 精選 推薦

普巴最終都回到曼聯，雖然筆者不太認同之前普巴的決定，不過最終都「浪子回頭」，我諗大家都希望佢乖乖哋打出水準，而唔係再去深究當年發生咩事…對於佢咩諗法、咩性格，筆者不再評論，不過以事論事的話，呢位曼聯第4簽的的確確顯示出摩連奴改革曼聯的大方向。

先睇睇曼聯上屆的問題，佢哋控球比率高，不過大部分只限於中場及自己半場，往往到對方半場就無法再突破，往往要以高Q大腳去增加攻擊威脅。當費蘭尼、舒拉達連在場會好啲嘅原因係中場有佢咃就會硬淨啲，可以撞散對方的中場線，繼而有一丁點的突破空間。呢個亦係馬迪爾同拉舒福特可以跑出的原因，因為佢哋唔係只用速度突破的前鋒，而係有身位、保護皮球能力比較高的球員。一字記之曰，曼聯上屆就係唔夠「硬」。
所以睇返曼聯新4簽，個個都係硬漢：艾歷拜利於社區盾表現出色，落腳準之餘身位一流，在對手前簡直猶如一幅牆，佢mark死的球員要突破真係有啲難度。伊巴呢？體測時破曼聯紀錄嘅佢身體質素非常好，社區盾力壓對手頂入的一球真係少啲身位都做唔到。身型高大兼有蠻力，比起當年略嫌單薄的雲佩斯而言，其侵略性就更高。雖然米希達利恩無之前2個咁「牙炸」，不過作為攻擊球員，佢比大衛施華、馬達呢啲球員更有身型，1米77的身高又有速度，加上強大的助攻力，對於突破係非常有幫肋嘅。

無錯，普巴的層次可能比佢哋更高，因為講全面的話佢真係贏哂。講腳法技術佢有；講身型突破佢有；講防守意識？有；講進攻意識？上季助攻、入波都係雙位數嘅佢，絕對有。你話摩連奴用成8900萬鎊買一個球員返嚟好不智，但係如果諗返轉頭，23歲仔已經有齊呢啲質素，只要佢留多幾年，對球會的貢獻隨時多過呢個數字都唔定。唔少人對佢第印象都係似耶耶托尼、韋拉，原因係身型上大家都接近，打法都係壓迫性多，唔好唔記得黑人的肌肉密度平均比白人高出7至8倍，接近戰、50 50的搶截白人係比較輸蝕嘅一方，由此可見點解硬淨型中場都係黑人居多。而普巴的「愛回家」，正正就係暗合摩連奴的方針，佢要嘅係一隊硬淨的曼聯，一隊可以作出突破、無畏無懼的曼聯。而上仗社區盾唔少畫面都係球員放手突擊，由中場搶截到對方的皮球隨即向前推進，尤以連格特一人突破、連過幾關先開紀錄的一球可見一斑。你問摩連奴的足球哲學係咩？1仗社區盾、4個新球員，已經可以看懂一二了。