喺打文之先，筆者想藉著呢一個機會先祝各位讀者新年快樂，身體健康，而當中有踢開波既讀者，筆者亦祝你地球技進步神速，遠離傷患。
有睇過日本漫畫或動漫《足球小將》既讀者都知道，主角戴志偉既其中一項絕招係倒掛金勾，打完個筋斗後仲可以雙腳落地。現實中就當然唔得啦，球員做完個倒掛後多數都會背部落地，話雖如此，倒掛金勾仍然係足球界入面其中一個最精彩同困難既射門手段，因為呢個動作需要球員有高既全身協調同時機捕捉能力，打倒掛踢空氣既情況真係多不勝數，但若然成功打倒掛入波的話，該入球一定會成為全季精華既一部份。
巴塞隆拿歷史上擁有過咁多技術型球員，總會出現唔少打倒掛既機會，當中有啲不單止倒掛成功，仲可以轉化為入球，而家我地一齊重溫巴塞隆拿五個最靚既倒掛金勾(戴志偉喺漫畫入面都效力過巴塞隆拿架！)：
1. 李華度 vs 華倫西亞
2000-01球季，巴塞於最後一場對華倫西亞既聯賽中，巴塞需要擊敗華倫西亞先可以反壓對方升上第四，奪得來年既歐聯資格。當賽事僵持於2-2既時候，已為巴塞射入兩球既李華度於禁區頂以一記「心口控高再倒掛」為紅藍軍團奠定3-2既勝局。李華度不僅大演帽子戲法，亦成功將華倫西亞擠落第五，為巴塞以得失球差獲得第四。
https://www.youtube.com/watch?v=dCwxlyN3B0E
2. 朗拿甸奴 vs 維拉利爾朗拿甸奴於巴塞效力五年期間俘虜左唔少球迷既心，作為森巴足球代名詞既佢除左有唔少令人目瞪口呆既腳下技術之外，佢既射門功夫亦都唔差。06-07球季，朗拿甸奴於一場對維拉利爾既比賽中接應沙維既傳中，再轉身施展倒掛金勾，將比數改寫成4-0。
https://www.youtube.com/watch?v=ZimqUQK8nos
3. 蘇亞雷斯 vs 利雲特
今年蘇亞雷斯加盟巴塞隆拿後，佢時常被批評今季既表現未如佢效力利物浦時好，但相信佢既入球觸覺係無容置疑既，最近佢就用一記倒掛提醒大家佢既存在，於對利雲特既賽事入面接應阿祖安奴既傳送，以一記倒掛入球協助巴塞大勝5-0。
http://giant.gfycat.com/JaggedIdealFrillneckedlizard.gif
4. 朗拿甸奴 vs 馬體會
朗拿甸奴於巴塞隆拿效力既生涯於2008年結束，而佢亦以一個漂亮既倒掛入球向巴塞既球迷道別。嗰球精彩入球發生於巴塞隆拿作客馬體會既西甲聯賽中，朗拿甸奴接應沙維既傳中，第一時間用倒掛將皮球送入龍門，亦令馬體會球迷不禁拍掌致敬。雖然嗰場比賽巴塞最終輸2-4，但相信球迷們記得既只會係嗰記倒掛金勾。https://www.youtube.com/watch?v=qcL1dlQNS9E
5. 佩奧爾 vs 特內里費
講起倒掛入波，相信大家都覺得只有前鋒或中場做得出，但佩奧爾推翻左大家既假設。於2001-02球季巴塞對特內里費既西甲聯賽入面，佩奧爾喺對手禁區內施展倒掛金勾，雖然門將撲到皮球，但未能阻止皮球飛入網窩，最後巴塞大勝6-0。
https://www.youtube.com/watch?v=lo90THljqUo
好文推介:近十年曾經降班既八隊強隊
請讚好「隨心寫足球」，本版會為大家繼續送上好文:https://www.facebook.com/footballvoicehk
原文,經編輯
有睇過日本漫畫或動漫《足球小將》既讀者都知道，主角戴志偉既其中一項絕招係倒掛金勾，打完個筋斗後仲可以雙腳落地。現實中就當然唔得啦，球員做完個倒掛後多數都會背部落地，話雖如此，倒掛金勾仍然係足球界入面其中一個最精彩同困難既射門手段，因為呢個動作需要球員有高既全身協調同時機捕捉能力，打倒掛踢空氣既情況真係多不勝數，但若然成功打倒掛入波的話，該入球一定會成為全季精華既一部份。
巴塞隆拿歷史上擁有過咁多技術型球員，總會出現唔少打倒掛既機會，當中有啲不單止倒掛成功，仲可以轉化為入球，而家我地一齊重溫巴塞隆拿五個最靚既倒掛金勾(戴志偉喺漫畫入面都效力過巴塞隆拿架！)：
1. 李華度 vs 華倫西亞
2000-01球季，巴塞於最後一場對華倫西亞既聯賽中，巴塞需要擊敗華倫西亞先可以反壓對方升上第四，奪得來年既歐聯資格。當賽事僵持於2-2既時候，已為巴塞射入兩球既李華度於禁區頂以一記「心口控高再倒掛」為紅藍軍團奠定3-2既勝局。李華度不僅大演帽子戲法，亦成功將華倫西亞擠落第五，為巴塞以得失球差獲得第四。
https://www.youtube.com/watch?v=dCwxlyN3B0E
2. 朗拿甸奴 vs 維拉利爾朗拿甸奴於巴塞效力五年期間俘虜左唔少球迷既心，作為森巴足球代名詞既佢除左有唔少令人目瞪口呆既腳下技術之外，佢既射門功夫亦都唔差。06-07球季，朗拿甸奴於一場對維拉利爾既比賽中接應沙維既傳中，再轉身施展倒掛金勾，將比數改寫成4-0。
https://www.youtube.com/watch?v=ZimqUQK8nos
3. 蘇亞雷斯 vs 利雲特
今年蘇亞雷斯加盟巴塞隆拿後，佢時常被批評今季既表現未如佢效力利物浦時好，但相信佢既入球觸覺係無容置疑既，最近佢就用一記倒掛提醒大家佢既存在，於對利雲特既賽事入面接應阿祖安奴既傳送，以一記倒掛入球協助巴塞大勝5-0。
http://giant.gfycat.com/JaggedIdealFrillneckedlizard.gif
4. 朗拿甸奴 vs 馬體會
朗拿甸奴於巴塞隆拿效力既生涯於2008年結束，而佢亦以一個漂亮既倒掛入球向巴塞既球迷道別。嗰球精彩入球發生於巴塞隆拿作客馬體會既西甲聯賽中，朗拿甸奴接應沙維既傳中，第一時間用倒掛將皮球送入龍門，亦令馬體會球迷不禁拍掌致敬。雖然嗰場比賽巴塞最終輸2-4，但相信球迷們記得既只會係嗰記倒掛金勾。https://www.youtube.com/watch?v=qcL1dlQNS9E
5. 佩奧爾 vs 特內里費
講起倒掛入波，相信大家都覺得只有前鋒或中場做得出，但佩奧爾推翻左大家既假設。於2001-02球季巴塞對特內里費既西甲聯賽入面，佩奧爾喺對手禁區內施展倒掛金勾，雖然門將撲到皮球，但未能阻止皮球飛入網窩，最後巴塞大勝6-0。
https://www.youtube.com/watch?v=lo90THljqUo
好文推介:近十年曾經降班既八隊強隊
請讚好「隨心寫足球」，本版會為大家繼續送上好文:https://www.facebook.com/footballvoicehk
原文,經編輯
請按此登錄後留言。未成為會員? 立即註冊