每個球員都會記得佢地為任何一隊而踢既處子戰，因為處子戰既象徵意義實在太重：對一啲剛轉投頂級球會既球員黎講，處子戰係佢地向世界證明自己既第一頁；對一啲在原球會不得志而轉投新球會既球員黎講，處子戰係佢地重拾比賽狀態既首個機會……處子戰對每個球員都有住唔同既象徵意義，所以佢地都會希望盡力踢好場比賽，唔俾自己有遺憾既機會，可是有時天意會弄人，有啲球員恰巧會喺處子戰表現得一塌糊塗，令佢地日後不堪回想當日比賽既過程同表現，而家我地黎睇睇五位會想忘記處子戰既球員(以下文章所指既處子戰並非生涯第一場比賽，而係指為任何一隊上陣既第一場比賽)：
1. 費蘭度托利斯
處子戰: 車路士 0-1 利物浦，當時效力車路士
當收到車路士班主阿巴莫域治價值5000萬鎊既邀請後，效力利物浦既金童費蘭度托利斯選擇脫下紅軍戰衣，飛去倫敦做一個藍戰士。唔知係咪英超賽會安排好哂劇本，轉會後費托第一場比賽就要迎戰舊主利物浦，雖然費托剛於上一個夏天接受過膝部手術，而且未重拾最佳狀態，不過球迷們一定會對呢位「5000萬先生」期望甚高，希望可以睇到佢立刻喺紅軍身上取得入球。
費托喺為藍戰士上陣既第一場表現可以話係平平無奇，當日與杜奧巴合力攻堅既佢交出既就只有一球炒到離哂譜既飛機、一球被加歷查封到既射門，同幾個終止左己隊進攻既勉強過人嘗試，最後亦被換出。
順帶一提，初戰表現不佳既費托幾個月後先搵到佢喺車路士既第一個入波。
http://www.dailymotion.com/video/x2hmsf8_fernando-torres-debut_sport2. 活基治
處子戰: 皇家馬德里 3-1 畢爾包，當時效力皇家馬德里
活基治係少有轉戰過西甲既英格蘭球員，本專欄另一篇文章〈五位曾經轉戰過西甲既英格蘭球員〉都有簡單介紹過佢，容筆者喺呢度再寫多佢一次，因為佢既故事實在太精彩。
轉會皇馬前既活基治效力於紐卡素，當時已經係其中一位評價最高既英格蘭後衛，並被譽為英格蘭國家隊既新希望。皇家馬德里04年時睇準左時機，出手引入活基治，不過活基治加盟皇馬既第一年受傷患困擾，被逼休戰。
活基治等左十三個月後，終於可以正式為皇馬上陣，入替希古拿既佢急不及待為皇馬作出貢獻。可惜佢仲未為皇馬添貢獻之前，就為皇馬添左個麻煩—用頭鎚頂入一個烏龍球。雪上加霜既係，於比賽進行到70分鐘既時候，佢因為一個不必要既犯規而兩黃一紅被逐。
雖然皇馬最後都係贏波，但領隊完全睇得到活基治差勁既表現，最後活基治只為皇馬上陣過九場比賽就被皇馬放去米杜士堡。
http://www.dailymotion.com/video/x2hmsig_is-this-the-worst-debut-in-footballing-history-jonathan-woodgate-at-real-madrid_sport
3. 軒歷拿臣
處子戰: 些路迪 1-2 喜伯年，當時效力些路迪
要數近代出色既瑞典前鋒，一個係伊巴謙莫域，另一個係軒歷拿臣。軒歷拿臣係瑞典國家隊史上上陣次數第三多既球員，而佢最輝煌既球會生涯則喺些路迪渡過。
拿臣喺些路迪既生涯有個艱難既開始：佢喺對喜伯年既聯賽中後備上陣，迎黎佢為些路迪披甲既第一場比賽，當時既比數係1-1，但係拿臣於比賽中犯下一個失誤，於己隊禁區角將皮球傳左俾喜伯年球員查利，查利當然珍惜呢個難得既機會，遠射得手，為喜伯年奠定1-2既勝局。另外，拿臣為些路迪上陣既第一場歐洲賽亦射入過一球烏龍球，相當不幸。
不過以不幸開始既故事未必一定會以悲劇收場，拿臣效力些路迪既七年間，於313場比賽中射入242球，成為左當時歐洲炙手可熱既前鋒，亦成為左些路迪球迷心中既英雄。
請留意影片00:45-01:22，些路迪球衣為黃黑橫間
http://www.dailymotion.com/video/x2hmsjl_hibs-going-for-glory-1997-highlights_sport
4. 史譚
處子戰: 曼聯 0-3 阿仙奴，當時效力曼聯
史譚係曼聯奪得三冠王既功臣之一，亦被譽為費格遜其中一個最佳收購，但其實史譚加盟曼聯初期曾經有過一段表現平凡既適應期，而佢於曼聯既處子戰更可謂不堪入目。
史譚於98年既慈善盾(社區盾前身)對阿仙奴既比賽中第一次為曼聯上陣，當時既佢出任中堅既位置。嗰場比賽可以話係史譚既悲劇，阿仙奴高速既進攻完全暴露出史譚唔夠速度既事實，有一球史譚仲要被係安歷卡「完爆」，雖然稱唔上係食塵，但史譚只係可以死追安歷卡，完全掂唔到波皮，最後安歷卡較順左腳，一射破網，最後曼聯以0-3大敗於阿仙奴腳下。
史譚冇被呢次大敗擊倒，反而越踢越好，成為之後三年曼聯既後防支柱。
http://www.dailymotion.com/video/x2hmsmb_charity-shield-1998_sport
5. 美斯
處子戰: 阿根廷 2-1 匈牙利，當時代表阿根廷
美斯十三歲時就加盟西班牙球會巴塞隆拿既青訓體系，並一直效力巴塞隆拿至今，令唔少唔太留意足球既人(多以球迷既女朋友為例)覺得美斯係西班牙人，但原來西班牙真係有邀請過美斯入籍，只不過係美斯堅決拒絕，效忠祖國阿根廷。
拒絕西班牙U-20既邀請兩年後，十八歲既美斯終於獲得一次正式為阿根廷披甲上陣既機會，於國際友誼賽對戰匈牙利。佢喺63分鐘後備上陣，呢位備受觸目既天才少年於一次進攻中推過匈牙利守衛華錫克，但華錫克卻突然倒地，球證立即吹停比賽，以紅牌將蓄意肘擊對手既美斯趕出場，美斯從上場到被罰離場只用左兩分鐘，相信係佢生涯當中既一大污點。
美斯之後既成長同發展就唔使再提啦，讀者都應該非常熟悉。
http://www.dailymotion.com/video/x2hmtct_red-card-for-messi-in-his-first-international-match_sport
好文推介: 你未必知道尼馬的七件事
請讚好「隨心寫足球」，本版會為大家繼續送上好文:https://www.facebook.com/footballvoicehk
原文,經編輯
1. 費蘭度托利斯
處子戰: 車路士 0-1 利物浦，當時效力車路士
當收到車路士班主阿巴莫域治價值5000萬鎊既邀請後，效力利物浦既金童費蘭度托利斯選擇脫下紅軍戰衣，飛去倫敦做一個藍戰士。唔知係咪英超賽會安排好哂劇本，轉會後費托第一場比賽就要迎戰舊主利物浦，雖然費托剛於上一個夏天接受過膝部手術，而且未重拾最佳狀態，不過球迷們一定會對呢位「5000萬先生」期望甚高，希望可以睇到佢立刻喺紅軍身上取得入球。
費托喺為藍戰士上陣既第一場表現可以話係平平無奇，當日與杜奧巴合力攻堅既佢交出既就只有一球炒到離哂譜既飛機、一球被加歷查封到既射門，同幾個終止左己隊進攻既勉強過人嘗試，最後亦被換出。
順帶一提，初戰表現不佳既費托幾個月後先搵到佢喺車路士既第一個入波。
http://www.dailymotion.com/video/x2hmsf8_fernando-torres-debut_sport2. 活基治
處子戰: 皇家馬德里 3-1 畢爾包，當時效力皇家馬德里
活基治係少有轉戰過西甲既英格蘭球員，本專欄另一篇文章〈五位曾經轉戰過西甲既英格蘭球員〉都有簡單介紹過佢，容筆者喺呢度再寫多佢一次，因為佢既故事實在太精彩。
轉會皇馬前既活基治效力於紐卡素，當時已經係其中一位評價最高既英格蘭後衛，並被譽為英格蘭國家隊既新希望。皇家馬德里04年時睇準左時機，出手引入活基治，不過活基治加盟皇馬既第一年受傷患困擾，被逼休戰。
活基治等左十三個月後，終於可以正式為皇馬上陣，入替希古拿既佢急不及待為皇馬作出貢獻。可惜佢仲未為皇馬添貢獻之前，就為皇馬添左個麻煩—用頭鎚頂入一個烏龍球。雪上加霜既係，於比賽進行到70分鐘既時候，佢因為一個不必要既犯規而兩黃一紅被逐。
雖然皇馬最後都係贏波，但領隊完全睇得到活基治差勁既表現，最後活基治只為皇馬上陣過九場比賽就被皇馬放去米杜士堡。
http://www.dailymotion.com/video/x2hmsig_is-this-the-worst-debut-in-footballing-history-jonathan-woodgate-at-real-madrid_sport
3. 軒歷拿臣
處子戰: 些路迪 1-2 喜伯年，當時效力些路迪
要數近代出色既瑞典前鋒，一個係伊巴謙莫域，另一個係軒歷拿臣。軒歷拿臣係瑞典國家隊史上上陣次數第三多既球員，而佢最輝煌既球會生涯則喺些路迪渡過。
拿臣喺些路迪既生涯有個艱難既開始：佢喺對喜伯年既聯賽中後備上陣，迎黎佢為些路迪披甲既第一場比賽，當時既比數係1-1，但係拿臣於比賽中犯下一個失誤，於己隊禁區角將皮球傳左俾喜伯年球員查利，查利當然珍惜呢個難得既機會，遠射得手，為喜伯年奠定1-2既勝局。另外，拿臣為些路迪上陣既第一場歐洲賽亦射入過一球烏龍球，相當不幸。
不過以不幸開始既故事未必一定會以悲劇收場，拿臣效力些路迪既七年間，於313場比賽中射入242球，成為左當時歐洲炙手可熱既前鋒，亦成為左些路迪球迷心中既英雄。
請留意影片00:45-01:22，些路迪球衣為黃黑橫間
http://www.dailymotion.com/video/x2hmsjl_hibs-going-for-glory-1997-highlights_sport
4. 史譚
處子戰: 曼聯 0-3 阿仙奴，當時效力曼聯
史譚係曼聯奪得三冠王既功臣之一，亦被譽為費格遜其中一個最佳收購，但其實史譚加盟曼聯初期曾經有過一段表現平凡既適應期，而佢於曼聯既處子戰更可謂不堪入目。
史譚於98年既慈善盾(社區盾前身)對阿仙奴既比賽中第一次為曼聯上陣，當時既佢出任中堅既位置。嗰場比賽可以話係史譚既悲劇，阿仙奴高速既進攻完全暴露出史譚唔夠速度既事實，有一球史譚仲要被係安歷卡「完爆」，雖然稱唔上係食塵，但史譚只係可以死追安歷卡，完全掂唔到波皮，最後安歷卡較順左腳，一射破網，最後曼聯以0-3大敗於阿仙奴腳下。
史譚冇被呢次大敗擊倒，反而越踢越好，成為之後三年曼聯既後防支柱。
http://www.dailymotion.com/video/x2hmsmb_charity-shield-1998_sport
5. 美斯
處子戰: 阿根廷 2-1 匈牙利，當時代表阿根廷
美斯十三歲時就加盟西班牙球會巴塞隆拿既青訓體系，並一直效力巴塞隆拿至今，令唔少唔太留意足球既人(多以球迷既女朋友為例)覺得美斯係西班牙人，但原來西班牙真係有邀請過美斯入籍，只不過係美斯堅決拒絕，效忠祖國阿根廷。
拒絕西班牙U-20既邀請兩年後，十八歲既美斯終於獲得一次正式為阿根廷披甲上陣既機會，於國際友誼賽對戰匈牙利。佢喺63分鐘後備上陣，呢位備受觸目既天才少年於一次進攻中推過匈牙利守衛華錫克，但華錫克卻突然倒地，球證立即吹停比賽，以紅牌將蓄意肘擊對手既美斯趕出場，美斯從上場到被罰離場只用左兩分鐘，相信係佢生涯當中既一大污點。
美斯之後既成長同發展就唔使再提啦，讀者都應該非常熟悉。
http://www.dailymotion.com/video/x2hmtct_red-card-for-messi-in-his-first-international-match_sport
好文推介: 你未必知道尼馬的七件事
請讚好「隨心寫足球」，本版會為大家繼續送上好文:https://www.facebook.com/footballvoicehk
原文,經編輯
請按此登錄後留言。未成為會員? 立即註冊