利雲特高層承認拿華斯將投拜仁，球迷：「紐亞被解放」 精選

今屆世界杯，哥斯達黎加門神拿華斯嘅表現令人刮目相看，而從目前嘅情況黎睇，佢係新賽季轉投拜仁已成定局。日前係接受採訪果陣，利雲特副主席親口承認拿華斯將加盟德甲冠軍。
今年夏天，拜仁三號門將列特合同到期自由離隊，陣中得番紐亞同史達基兩名門將，由於史達基已經33歲，球會希望能夠搵一位更加年輕嘅門將黎擔任紐亞嘅替補，今屆世界杯大放異彩嘅拿華斯就成為左拜仁嘅首選，利雲特副主席係接受西班牙媒體採訪時話：「拿華斯將轉會去歐洲最好嘅球會之一，佢將會係果到同紐亞展開激烈競爭，我地為佢嘅成就感到高興。」據悉拜仁係直接俾左拿華斯嘅1000萬解約金將佢直接買斷。
不過拜仁目前尚未承認呢筆轉會，球會嘅媒體總監係接受採訪時表示：「拿華斯係一名非常有趣嘅球員，但目前我地仲未完成轉會。」不過德國媒體認為拿華斯嘅加盟只係時間問題，就好似上季拜仁一直對法蘭克福中場路迪嘅轉會秘而不宣，但法蘭克福主席早已係採訪時承認路迪將投奔拜仁。
拿華斯將成為利雲杜夫斯基、路迪及巴尼特之後拜仁今夏嘅第四筆簽約。不過有球迷質疑拜仁係已經有紐亞咁嘅一位世界級門神嘅前提下，係唔係仲需要再引入一名高水平門神？不過都有球迷講笑話拿華斯嘅到黎將「解放」紐亞，呢位德國一號門神下季就可以改踢拜仁嘅自由人位置。