世界盃A組分析 精選

係世界盃A組入面就緊係有主辦國既巴西啦!仲有歐洲奇兵既克羅地亞,中北美洲既褪色勁旅墨西哥,久未露面既非洲班霸喀麥隆!

當中熱門當然係巴西啦!後防線有鋼門祖利奧施薩,巴黎雙核心堤亞高施華,大衛雷斯,丹迪,丹尼爾艾維斯,馬些路等等~中場線就有保連奴,古斯達禾,車仔三核心奧斯卡,拉美利斯,韋利安等等~前線就緊係有尼馬啦~加埋費特,侯克等等~三線實力可以話全組最高,唯一擔心既係佢地既國際大賽經驗不足,但係佢地係洲際盃已經證明過,佢地係掂既!所以A組既一個出線席位,可以留定比佢地喇~
而仲有一個出線席位就由歐洲奇兵既克羅地亞,中北美洲既褪色勁旅墨西哥,久未露面既非洲班霸喀麥隆,佢地三隊去爭奪喇~

克羅地亞方面,大家最熟悉既肯定係皇馬中場既莫迪啦~龍門有國內效力既柏迪高沙,後防線由效力德甲既哥路卡領軍,率傾一班國內較新既球員~中場方面,有莫迪領軍,加上卡蘭積卡同拉傑迪既配合~前線就有拜仁慕尼黑既文素基治,所以克羅地亞都有番一定既實力架~

墨西哥方面,有哥朗拿把守最後一關,後防以沙斯度領軍,配合一班國內搵食既球員,好似加連度同馬格隆等等~中場線方面,有新星哥達度領軍,加上卡斯迪路同巴利拿等等,前線就有卡斯利路,小豆,杜斯山度士攻堅~從外圍賽至今已經可以反映到佢地係攻強守弱~所以世盃佢地真係要諗下點擋住其他三支攻擊力咁強既球隊~
喀麥隆方面,陣容其實都幾好架~有愛斯賓奴鋼門卡文尼把守~後防有經驗老到既列葛拔桑治,伊高圖,尼古路等等~中場就有巴塞既桑治,麥比亞,馬庫恩等等~前鋒線就有韋保,加埋唔知會唔會踢既伊度奧~

三隊尼講我就覺得克羅地亞同喀麥隆既機會會較墨西哥大喇~因為佢地三線既實力都比墨西哥高~當然墨西哥以往既戰績的確較好~結果就要睇下佢地中場既較量喇~

小編預計排名:第一名巴西,第二名克羅地亞,第三名喀麥隆,最尾會係墨西哥~其他組別既介紹會陸續推出~大家一定要支持呀~