《領隊分析:摩連奴‧站在執教生涯中年危機的十字路口》 文字

波事春秋於 02/01/2018 發表 收藏文章

曼聯早前英超三連和,雖然剛剛贏愛華頓止血,但今季已難奪英超,而且更大的問題在於以球隊發展狀態,今季以後似乎難有樂觀展望,而問題的核心,在於摩連奴的戰術停滯。

戰術洪流尤如大江大海,這分鐘你脫穎而出,一刻鬆懈便被時代遺棄。雲加剛上任時,以講究球員營養及歐陸球探系統大殺四方,這些秘訣被對手洞悉或者需要幾年,被對手複製或者也需要幾年,所以當十年八年之後雲加再沒有推陳出新,便只能在同儕中碌碌無為,甚至被時代超越。而摩連奴的故事,竟與雲加有幾分相似。

摩連奴在波圖及第一代車路士的成功,歸功於幾個秘訣,包括大幅提升訓練質素、建構力量型及體力化球隊、建立無敵主場成績等,而更重要的是戰術變革,以433及4231輔以防守反擊的務實足球席捲歐洲。其時甚至還未興起單前鋒,亦遠遠沒有現今般以結果來講究戰術,摩連奴憑戰術變革取得空前成功,亦令歐洲球壇開始跟隨新潮。

但隨著時間過去,摩連奴某程度上成功改革了歐洲球壇,但另一角度看,歐洲球壇亦開始追上了摩連奴。直至摩連奴2010第二次贏歐聯,433及4231已不再是新聞,他的防反及務實足球亦已深深為人熟悉,那麼摩連奴有沒有持續創新、再創新猷呢?似乎沒有。

而正因為這個「沒有」,形成了今日的曼聯。現在的曼聯除了防守仍舊穩健外,在整體戰術上你很難說出有甚麼鮮明特點,而干地、普捷天奴、高普及哥迪奧拿(這裡沒有雲加)則各自有明顯的足球哲學及戰術風格,看他們的足球你可以看到他們對空間的運用、迫搶的些微不同風格、攻守轉換的預備與執行有著鮮明而獨特的理解,即使不看隊徽,你不難認出這是哪一個教練的球風。

這不是說摩連奴沒有戰術,而是那些戰術已是被現今足球視為「標準」、「例牌」的類別,在2004年也許很前衛,但在2017年已是人人皆已掌握、不再獨特的了。

這亦不是說這些教練的戰術一定是完美必勝,但我們可以見到他們在不停改進完善自己的那套足球哲學,例如高普今季便明顯放緩了上季的瘋狂迫搶風格,以適應英超賽程及鞏固後防;干地將343間中改成352,向對手發出截然不同的另一種問題;哥迪奧拿改良了中前場的迫搶,成功隱藏了後防的不濟。但摩連奴在戰術上,還是吃老本。

這種吃老本導致曼聯這兩季強強對戰的被動。由於摩連奴不懂應對這些教練的新派哲學,只能在戰術較量核心的中場撤退,轉為依賴自己依然擅長的穩健防守應敵,而反擊亦因對手的迫搶壓縮而顯得蒼白,穩守而沒有突擊之下於是場面就變成「泊大巴」,頂多末段以爆炸頭等高塔發起空襲搏偷雞,但在戰術哲學較量上,老實說,摩連奴已交了很久白卷了。

而摩帥對防守的擅長,而對迫搶、進攻的停滯,某程度上開始令他對足球愈趨保守,從而影響了旗下進攻球員的發展。摩帥再次回歸車路士前,馬達夏薩特奧斯卡的進攻組合水銀瀉地,摩帥一到首先便因防守不力廢黜馬達,再將奧斯卡改成工兵,再因夏薩特防守不力吵大獲,以夏薩特天賦亦要求如此,可見摩帥已視防守工作為進攻球員的一大重點,但這種心態確實會減慢甚至拖垮進攻球員的發展。

這引伸到最近「曼聯班底不比曼城差」的有趣論點,這裡集中看進攻,先撇除今季現況,試比較雲高爾時代的華舒福/馬斯亞,會比初來曼城報到的史達寧/辛尼差嗎?曾入球助攻雙20的馬達,歐洲助攻王的米希達恩,甚至祖記的普巴,會比上季仍算碌碌無為的施華迪布尼差嗎?要是只看今日,你當然會說曼城那批好得多,但追溯摩連奴時代之前的潛質,曼聯那批絕不比曼城差。所以很多曼聯球迷說「福仔馬仔回塘了」,「米希回晒塘」,「馬達回塘了」,回塘的不是他們,而是缺乏一個懂教進攻的良師。你可以想像,假設哥帥教曼聯的話,今天他們就是曼聯的辛尼、史達寧、施華、迪布尼。沒有分別。

當然這不是說摩帥一無是處,事實上哥帥教好進攻球員的能力,正是摩帥教好防守球員的能力,君不見連特洛夫亦被摩帥調教好,摩帥手下可謂沒有教不好的後衛,這正是摩帥的長處,一個只懂教進攻球員,一個只懂教防守球員,分別只是哥帥的足球哲學(完善迫搶)令曼城後衛今季被挑戰的機會減至最少,那後防犯錯也就最少了。

摩連奴現年54歲,在教練來說剛巧是中年吧。初年的變革讓摩連奴享受了空前成功,但今年已不再是2004了。要擺脫這個中年危機,摩連奴必須在穩固防守以上,開始研發一套包括防守、亦包括迫搶戰術、進攻戰術在內的完善足球哲學,並放開懷抱讓進攻球員放心飛翔,才能趕上新一代戰術潮流,不被時代淘汰。【喜歡我們的文章?按此讚好波事春秋facebook專頁追看更多吧!】
波事春秋Instagram
標籤: 英超  摩連奴  車路士  曼聯  歐聯  
《女士復仇 之 港女復仇記!?》

留言

會員
我要評論
請按此登錄後留言。未成為會員? 立即註冊
  • ray947994
    ray947994 於 02/01/2018 評論 NO. 1

    講真,摩佬未黎英起費蛇已經用雲佬打緊單戰頭啦,嗰時車仔都仲未發達

  • Chakkin Ng
    Chakkin Ng 於 02/01/2018 評論 NO. 2

    Marco Cheung
    終於有人察覺

  • Chi Lik Chui
    Chi Lik Chui 於 02/01/2018 評論 NO. 3

  • Ming Wa Lee
    Ming Wa Lee 於 02/01/2018 評論 NO. 4

    佢嘅泊大巴戰制俾人識穿左

  • Chun Cheong Mak
    Chun Cheong Mak 於 02/01/2018 評論 NO. 5

    4場不敗,無問題的

  • Man Kit Loi
    Man Kit Loi 於 02/01/2018 評論 NO. 6

    又關年齡事⋯

  • Brian Mok
    Brian Mok 於 02/01/2018 評論 NO. 7

    好文,值得一推。

  • Addy Chan
    Addy Chan 於 02/01/2018 評論 NO. 8

    技窮

  • Alan Lao
    Alan Lao 於 02/01/2018 評論 NO. 9

    有幾多個領隊張成績表比佢好?

  • Lala Cheung
    Lala Cheung 於 02/01/2018 評論 NO. 10

    戰術不合時宜,錢花了成績唔係好覺眼,老細最驟忌就係呢樣。

  • 張大同
    張大同 於 02/01/2018 評論 NO. 11

    固步自封

  • Ivan Tang
    Ivan Tang 於 02/01/2018 評論 NO. 12

    Timothy Leung我覺得佢冇道理 但佢今年係曼聯冇點拍大巴

  • Teddy Lee
    Teddy Lee 於 02/01/2018 評論 NO. 13

    分析有見地!

  • Kit Wing Leung
    Kit Wing Leung 於 02/01/2018 評論 NO. 14

    係有少少技窮

  • Patrick Ng
    Patrick Ng 於 02/01/2018 評論 NO. 15

    教大球會,除了成績,娛樂性都同樣重要啦.佢都應該檢討下皇馬唔要佢既原因. 同埋如果"摩佬+般尼"英超應該可以再爆多一次.

  • 忠直男
    忠直男 於 02/01/2018 評論 NO. 16

    佢嘅教波哲學:順我者昌,逆我者亡😂

  • Kin Chuen Kc
    Kin Chuen Kc 於 02/01/2018 評論 NO. 17

    佢根本唔識用人,佢當年在車仔賣走既迪布尼同沙拿,今時今日已在英超手屈一指啦

  • Edmond  Lee
    Edmond Lee 於 02/01/2018 評論 NO. 18

    十幾年前433應該係列卡特時代巴塞帶領潮流

  • Vilanova Honda
    Vilanova Honda 於 02/01/2018 評論 NO. 19

    曼聯 請 安76堤 啦 ! 靠呢件 食屎啦 要威又要無成績

  • Ivan Shum
    Ivan Shum 於 02/01/2018 評論 NO. 20

    呢編文一年前出, 其實就會係《哥迪奧拿執教生涯危機的十字路口》。

  • Chris Chung
    Chris Chung 於 02/01/2018 評論 NO. 21

    整個文章完全一針見血!寫得好!咁多年摩佬都係用個套戰術!完全浪費咗曼聯一班前線攻擊力強嘅球員,有咁強嘅攻擊力唔打進攻足球,反而要佢地打防反戰術,先令到現在嘅曼聯進退兩難!

  • 輝輝輝
    輝輝輝 於 02/01/2018 評論 NO. 22

    最大問題就係唔肯用新人成日用嗰十幾個踢到啲人又傷有殘

  • Ching Hei Wong
    Ching Hei Wong 於 02/01/2018 評論 NO. 23

    Alex Chong

  • Albert Sum
    Albert Sum 於 02/01/2018 評論 NO. 24

    Arion Lee

  • Cas Chao
    Cas Chao 於 02/01/2018 評論 NO. 25

    曼联以往陣式同他完全不夾,車仔最適合他,教国家队吧,反正西甲,英超,意甲,葡超他成功过,直接往世界杯。

  • 羅彼德
    羅彼德 於 02/01/2018 評論 NO. 26

    過阿仙奴做廿年吧!保四應該唔難

  • Davy Chan
    Davy Chan 於 02/01/2018 評論 NO. 27

    Jeffrey Man

  • Vernon Ng
    Vernon Ng 於 02/01/2018 評論 NO. 28

    講真,列強黎講
    摩佬 真係有啲outdate
    佢個種防反,可能教中游,2,3線球隊,小啲球星,整體工兵形嘅隊伍 理應發揮會好啲,平均啲。
    馬體會嘅防反 同 摩式防反 已經完全兩個層次
    人地猜腳波都高幾班
    甚至好多中游 中下游 嘅防反比曼聯更有效 更有威脅~ 贏佢地係靠球員質素 及 板凳深度 及 非組織入球

  • Vernon Ng
    Vernon Ng 於 02/01/2018 評論 NO. 29

    Dennis Chu Stately Wong
    未睇文 睇留言 都知搵到知音人😂

  • Marco Law
    Marco Law 於 02/01/2018 評論 NO. 30

  • Marco Law
    Marco Law 於 02/01/2018 評論 NO. 31

  • Adrian Chan
    Adrian Chan 於 02/01/2018 評論 NO. 32

    Karl PangSiujoe LeeHo Yin TsangLo Chi Yeung 心聲😂

  • Marco Law
    Marco Law 於 02/01/2018 評論 NO. 33

    摩連奴的確係個好領隊,現在曼聯班底亦的確十分強大,但問題係大家根本格格不入「撈唔埋」!摩連奴嘅戰術係:體能/高度/效率;曼聯一班技術流派球員:靴里拉/華舒福/馬斯亞/馬達/米希達恩又點會合適摩佬心中戰術!
    所以形成結果係曼聯進攻全無套路,攻擊球員走位混亂!
    結論:摩連奴同曼聯大家唔係大家杯茶!不過還顧四週又有邊個有潛力能夠帶領曼聯從登頂峯呢!

  • Eric Wong
    Eric Wong 於 02/01/2018 評論 NO. 34

    冇計啦,冇乜領隊想教曼聯,咪唯有搵佢囉

  • HY Lam
    HY Lam 於 02/01/2018 評論 NO. 35

    所以費格遜撈左咁多年都冇淘汰,真係好野!

  • Ne L Son
    Ne L Son 於 02/01/2018 評論 NO. 36

    以為曼聯咁容易教?

  • Chun Hei Lau
    Chun Hei Lau 於 02/01/2018 評論 NO. 37

    其實宜家邊個教曼聯都死

  • 黄松明
    黄松明 於 02/01/2018 評論 NO. 38

    唔夾曼聯,曼聯應該請普捷天奴

  • Eric Yu
    Eric Yu 於 02/01/2018 評論 NO. 39

    打防反都無問題,但最忌一本通書睇到老,領先落後都打死一個單箭頭,咁多年完全無變過。

    車迷

  • Edmond Lai
    Edmond Lai 於 02/01/2018 評論 NO. 40

    James Lau David Lau 精彩

  • Ka Wing Jimmy
    Ka Wing Jimmy 於 02/01/2018 評論 NO. 41

    Lau Ray

  • Tigertigertiger Chan
    Tigertigertiger Chan 於 02/01/2018 評論 NO. 42

    先唔講戰術,摩佬專殺天才型球員,奧斯卡、韋利安、米基爾等比佢重用嘅都比佢搞到不倫不類收場,激活有潛力球員能力欠奉,今屆一个英超最佳進攻中場、一个神射手當年都放得走,其實依家曼聯中場攻擊線真係一手好牌,可惜都比佢搞廢哂。

  • 何達
    何達 於 02/01/2018 評論 NO. 43

    雖然篇文講得啱 但絕對撐摩佬

  • Lo Tsz Wang Christopher
    Lo Tsz Wang Christopher 於 02/01/2018 評論 NO. 44

    Kelvin Chuk in daddy you trust?🤷🏻‍♂️

  • 張貴明
    張貴明 於 02/01/2018 評論 NO. 45

    Cwl Wesley鄧卓軒一針見血

  • Roy Chan
    Roy Chan 於 02/01/2018 評論 NO. 46

    唔知點解中下游球隊猜波同滲透都勁過曼聯。。

  • Ming Wai Leung
    Ming Wai Leung 於 03/01/2018 評論 NO. 47

    係曼聯自己又或者阿 sir一早用哂D運啫。😂😂😂😂😂

  • 何醜樣
    何醜樣 於 03/01/2018 評論 NO. 48

    好的領隊是懂輸……

  • Frankie Fung
    Frankie Fung 於 03/01/2018 評論 NO. 49

    Joe Wong Joke Wong

  • Abraham Lai
    Abraham Lai 於 03/01/2018 評論 NO. 50

    可惜告魯夫已死,之前上UEFA既網頁,有睇佢分析戰術既文章圖片,很精彩,很update的

  • wombat
    wombat 於 03/01/2018 評論 NO. 51

    有啲講得啱,有啲係馬後炮。
    "直至摩連奴2010第二次贏歐聯, 433給4231已不再是新聞,..... 已深深為人認識" 咁2010年後帶皇馬同車仔咪又係攞唔少冠軍!
    "... 上季仍算碌碌無為的施華迪布尼

  • wombat
    wombat 於 03/01/2018 評論 NO. 52

    "... 上季仍算碌碌無為的施華迪布尼..." 笑鳥!

    講得啱嘅係再好嘅前鋒去到佢手上都打柴,進攻球員跟佢真係冇乜前途

  • Wai Kei Chan
    Wai Kei Chan 於 03/01/2018 評論 NO. 53

    摩佬最好正選11人加後備7人(除龍門外)全部都係後衛,因有防守意識,包唔失波,唔失波就唔會輸波,要贏波咪一咪斬高波靠滾,滾到咪有

快捷鍵:←
快捷鍵:→