紅藍大戰賀猴年 精選

紅藍大戰賀猴年
車路士對曼聯 星期日晚12:00
今季雙方表現均未如理想，曼聯目前為爭取來季歐聯席位苦苦掙扎，而車路士則努力脫離降班漩渦，並試圖挑戰歐霸席位。首回合雙方以0:0打和，相信今仗兩隊都會全力爭勝，以免被前列球隊進一步拋離。

車路士自希丁克接掌後取得四勝五和保持不敗，進攻球員好似迪亞高哥斯達同奧斯卡已經擺脫季初頹勢重拾狀態，就連夏薩特亦都最近o係足總盃開齋。再加上今仗有主場之利，相信攻力方面應該唔成問題。

至於曼聯，隊長朗尼o係2016年終於重拾射門鞋，前線拍檔馬素爾最近都發揮出色，而沉咗一排既馬達o係近呢兩場被安排移入中路後狀態亦都全面回升，令紅魔增添唔少入波本錢。
防守方面，雙方都各有隱憂。負責鎮守車路士右路o既伊雲奴域要對住速度甚高o既馬素爾相信會相當頭痕，而最近先擔正o既曼聯左閘新星波夫域積遜面對今季演出搶鏡o既韋利安應該會受到真正考驗。

睇番往績，車路士近四次主場對曼聯取得全勝，今場就睇下雲高爾可唔可以帶領紅魔喺猴年拆車一破宿命喇。


【鍾意我地嘅文章? 黎Like波事春秋Facebook專頁啦!!】

Facebook專頁連結: https://www.facebook.com/footballmatter/