球員轉會往往一環扣一環，造成連鎖反應，跟據最近嘅轉會傳聞，呢個情況有可能發生喺幾位門將身上。到底關於艾利臣、古圖斯及施治等幾位門將嘅轉會傳聞有幾可信或者發展到咩到步？
艾利臣 -> 利物浦
利物浦有意簽入一位頂級門將係大家都相信嘅事，佢哋早前已經被指有意簽下羅馬門將艾利臣，不過呢位巴西門將喺國家隊，能夠壓過應屆英超冠軍曼城嘅首席門將艾達臣，已足見其實力。對羅馬嚟講，絕大部分球員都唔係非賣品，只要價錢滿意就可以放人。問題係 (1)利物浦出價可唔可以滿足羅馬，同埋 (2)艾利臣願唔願意效力利物浦。
關於問題(2)，就要留意另一單轉會消息，皇家馬德里曾經盛傳係簽下艾利臣嘅最大熱門，若然屬實，皇馬明顯係艾利臣更想去嘅球隊，不過近況有變，皇馬最近賣出當家球星C朗拿度，以佢哋球會政策，即使近年不再「一年一星」，但今季動用大筆轉會費簽入一位星級攻擊球員嘅機會好大，因此佢哋可能唔願意拎出太多轉會費去收購艾利臣，而有可能選擇價錢較相宜嘅車路士門將古圖斯，咁會令利物浦滿足條件 (1)、(2) 嘅機會大增。
事實上，根據《BBC》報導，相信利物浦已經正式向羅馬報價 6,200萬鎊求購艾利臣。雖然《Sky Sports》曾經報導，認為利物浦無意喺今個夏天收購艾利臣，但呢個舊消息並未考慮近日嘅變化，而《Sky Sports》最近已經作出更新報導，認為利物浦已出價7,000萬歐元，但羅馬索價7,500萬歐元 (相當於約 6,660萬鎊)。喺轉會消息方面，《BBC》及《Sky Sports》甚少無的放矢，至於轉會消息專家 Gianluca Di Marzio ，亦指兩間球會十分接近達成一致，而艾利臣已經同紅軍主帥高普接觸。
總結：利物浦出價求購艾利臣已成事實，還看轉會費及球員意願，談判初步進展順利。
Source: Sky Sports、BBC
古圖斯 -> 皇家馬德里
前文提到，利物浦正式出價求購艾利臣，好大程度上係同古圖斯呢單消息有關。皇馬追求迪基亞及古圖斯多年，今年又加上艾利臣，不過迪基亞經過當年轉會文件遲交風波後，留效曼聯機會甚高，加上如上文所述，皇馬好大機會將大部分轉會預算用於攻擊線球星之上，令古圖斯可能成為皇馬嘅首選。
根據《Marca》報導，皇馬準備以3,500萬歐元，向車路士提出收購古圖斯，而呢個價錢亦係車路士對古圖斯嘅定價。呢個價錢似乎低得離奇，但考慮到古圖斯只剩低一年合約，有機會免費離隊，就變得合理。比利時報章《Het Laatste Nieuws》就認為皇馬已出價5,500萬歐元，《Sky Sports》西甲專家Guillem Balague就報導，車路士願意放行。順帶一提，前文提過皇馬應希望買入一位星級攻擊球員，傳聞中佢哋有機會一次過滿足兩個願望，《Sky Sports Italia》報導皇馬有意以合共 1.6億歐元一併收購藍軍嘅夏薩特及古圖斯。由於未有進一步更可靠消息，姑且繼續觀望。
總結：暫時未有確實正式報價消息，但相信皇馬、車路士及球員三方同樣有意交易，而車路士只要搵到替代人選就會放人。
Source: Marca、Sky Sports、football-italia
施治/舒米高 -> 車路士
呢單傳聞一樣同上述兩單密不可分。如果車路士搵到代替古圖斯嘅一號門將人選，就會放走古圖斯，而佢哋心目中嘅人選竟然係舊將施治。《Sky Sports》報導，由於古圖斯可能轉投皇馬，車路士正考慮重新簽入施治。
現年36歲嘅施治曾經係車路士老臣子，效力球隊長達11年，但藍軍回收年輕嘅古圖斯時承諾委以重任，令施治要退居後備，結果呢位捷克國門於2015年轉投阿仙奴。施治近季喺阿仙奴表現有下滑跡象，球隊更喺今夏簽入26歲利華古遜嘅賓特尼奴，相信呢位當打嘅德國門將來季好大機會擔正，施治出走一啲都唔出奇。
除咗施治之外，《Sky Sports》指李斯特城門將卡斯柏舒米高同樣喺車路士考慮之列。卡斯柏舒米高協助李斯特城神奇奪冠嶄露頭角，此後一直發揮出色，今屆世界盃代表丹麥出戰更有神勇演出，個人認為佢會係更理想人選。
總結：車路士求一號門將，施治出走可信，卡斯柏舒米高更理想。
Source: Sky Sports
艾利臣 -> 利物浦
利物浦有意簽入一位頂級門將係大家都相信嘅事，佢哋早前已經被指有意簽下羅馬門將艾利臣，不過呢位巴西門將喺國家隊，能夠壓過應屆英超冠軍曼城嘅首席門將艾達臣，已足見其實力。對羅馬嚟講，絕大部分球員都唔係非賣品，只要價錢滿意就可以放人。問題係 (1)利物浦出價可唔可以滿足羅馬，同埋 (2)艾利臣願唔願意效力利物浦。
關於問題(2)，就要留意另一單轉會消息，皇家馬德里曾經盛傳係簽下艾利臣嘅最大熱門，若然屬實，皇馬明顯係艾利臣更想去嘅球隊，不過近況有變，皇馬最近賣出當家球星C朗拿度，以佢哋球會政策，即使近年不再「一年一星」，但今季動用大筆轉會費簽入一位星級攻擊球員嘅機會好大，因此佢哋可能唔願意拎出太多轉會費去收購艾利臣，而有可能選擇價錢較相宜嘅車路士門將古圖斯，咁會令利物浦滿足條件 (1)、(2) 嘅機會大增。
事實上，根據《BBC》報導，相信利物浦已經正式向羅馬報價 6,200萬鎊求購艾利臣。雖然《Sky Sports》曾經報導，認為利物浦無意喺今個夏天收購艾利臣，但呢個舊消息並未考慮近日嘅變化，而《Sky Sports》最近已經作出更新報導，認為利物浦已出價7,000萬歐元，但羅馬索價7,500萬歐元 (相當於約 6,660萬鎊)。喺轉會消息方面，《BBC》及《Sky Sports》甚少無的放矢，至於轉會消息專家 Gianluca Di Marzio ，亦指兩間球會十分接近達成一致，而艾利臣已經同紅軍主帥高普接觸。
總結：利物浦出價求購艾利臣已成事實，還看轉會費及球員意願，談判初步進展順利。
Source: Sky Sports、BBC
古圖斯 -> 皇家馬德里
前文提到，利物浦正式出價求購艾利臣，好大程度上係同古圖斯呢單消息有關。皇馬追求迪基亞及古圖斯多年，今年又加上艾利臣，不過迪基亞經過當年轉會文件遲交風波後，留效曼聯機會甚高，加上如上文所述，皇馬好大機會將大部分轉會預算用於攻擊線球星之上，令古圖斯可能成為皇馬嘅首選。
根據《Marca》報導，皇馬準備以3,500萬歐元，向車路士提出收購古圖斯，而呢個價錢亦係車路士對古圖斯嘅定價。呢個價錢似乎低得離奇，但考慮到古圖斯只剩低一年合約，有機會免費離隊，就變得合理。比利時報章《Het Laatste Nieuws》就認為皇馬已出價5,500萬歐元，《Sky Sports》西甲專家Guillem Balague就報導，車路士願意放行。順帶一提，前文提過皇馬應希望買入一位星級攻擊球員，傳聞中佢哋有機會一次過滿足兩個願望，《Sky Sports Italia》報導皇馬有意以合共 1.6億歐元一併收購藍軍嘅夏薩特及古圖斯。由於未有進一步更可靠消息，姑且繼續觀望。
總結：暫時未有確實正式報價消息，但相信皇馬、車路士及球員三方同樣有意交易，而車路士只要搵到替代人選就會放人。
Source: Marca、Sky Sports、football-italia
施治/舒米高 -> 車路士
呢單傳聞一樣同上述兩單密不可分。如果車路士搵到代替古圖斯嘅一號門將人選，就會放走古圖斯，而佢哋心目中嘅人選竟然係舊將施治。《Sky Sports》報導，由於古圖斯可能轉投皇馬，車路士正考慮重新簽入施治。
現年36歲嘅施治曾經係車路士老臣子，效力球隊長達11年，但藍軍回收年輕嘅古圖斯時承諾委以重任，令施治要退居後備，結果呢位捷克國門於2015年轉投阿仙奴。施治近季喺阿仙奴表現有下滑跡象，球隊更喺今夏簽入26歲利華古遜嘅賓特尼奴，相信呢位當打嘅德國門將來季好大機會擔正，施治出走一啲都唔出奇。
除咗施治之外，《Sky Sports》指李斯特城門將卡斯柏舒米高同樣喺車路士考慮之列。卡斯柏舒米高協助李斯特城神奇奪冠嶄露頭角，此後一直發揮出色，今屆世界盃代表丹麥出戰更有神勇演出，個人認為佢會係更理想人選。
總結：車路士求一號門將，施治出走可信，卡斯柏舒米高更理想。
Source: Sky Sports
請按此登錄後留言。未成為會員? 立即註冊