新魔兵表現點評(1)—盧袓 精選

盧袓係巴西世界盃中代表阿根廷國家隊代表出色，其後，曼聯從士砵亭羅致盧袓，其中曾發生左少少插曲，盧袓因想士砵亭盡快放走佢，所以決定罷操，雖然最終經人勸服復操，但係最終如願以償，加盟曼聯(但係蘭尼要外借士砵亭一季)。半季係曼聯既生活同隊友既磨合，盧袓究竟係曼聯表現成點呢?
圖:盧袓係世界盃既時間表現，圖中盧袓為佢入波之後既慶祝。
盧袓加盟曼聯之後接過里奧費迪南既5號球衣，成為曼聯既新五號仔。盧袓其實係一個可以同時勝任左閘同中堅既後防球員，盧袓係曼聯既表現不過不失，雖然其唔中但會犯錯，不過表現都尚算穩定，但係真係要減少下佢既失誤，希望佢可以盡快適應曼聯既陣式同英超既風格，希望如果佢做到既話，筆者相信佢一定可以坐穩係雲高爾3-5-2陣式中既左中堅位置。上圖為whoscored.com對盧袓係曼聯半季以黎既上陣時間，位置等等。盧袓係曼聯共上陣12場，暫時仲未攻入處子球，有7.38分既平均分，三張黃牌，85.6%既傳球成功率。總結以上既數據，盧袓既踼法比佢係士砵亭既時候克制，但係佢都要改善少少佢既犯規技術，如果唔係都幾易累積黃牌而停賽。
以上圖為whoscored.com為盧袓既打法分析。盧袓係防守方面既基本功都好好(頭球除外)，另外，盧袓既傳球方面亦都係一個唔錯既後衛。盧袓係一個好喜歡長傳既球員，亦都好於攔截。
總結上文，筆者認為盧袓仲來適應英超既風格，但係盧袓既特點開始慢慢咁表現到出黎，係近幾場比賽，表現都轉向穩定。筆者覺得如果盧袓係頭球方面落多少少功夫，肯放多少少長傳(前提係要成功)比前面，佢既長傳能力應該可以發揮到出黎。如果十分為滿分，筆者會比佢7分。另外，筆者認為雲高爾可以試下比盧袓打下有翼衛，因為佢係左閘出身，係世界盃既時候都係踢左閘為主，試下踢翼衛都不妨一試。
如果大家在睇完這篇立章後覺得ok的話，不妨like筆者的FB專頁，筆者會為大家創新既足球文章同消息，筆者需要你既支持https://www.facebook.com/cildtalkfootball