足總盃準決賽前瞻 干地如何應付強勢熱刺 343終極對決還是另謀良策 文字

藍獅於 21/04/2017 發表 收藏文章
-請支持藍獅 Facebook專頁-

經過一場敗仗之後,係時候專注番黎緊星期六深夜既足總盃準決賽賽事,溫布萊球場將會上演車路士對陣熱刺。雙方喺聯賽兩循環既賽事經已對賽完畢,各自取得一勝一負,而最受注目既係次回合熱刺變陣出擊, 普捷天奴以其人之道還治其人之身,首次擊破干地手中既343。沒想到冤家路窄,足總盃抽籤再度相遇,干地能否絕地反擊?一起看看他手中還有多少籌碼。
經過奧脫福一敗,士氣無可否認會有所影響,而適逢隊長泰利喺哩個時候宣佈季尾離隊,能夠激勵還是影響軍心亦是未知知數。而上場缺陣既古圖爾斯同馬高斯阿朗素,直至小弟出文為止,亦未能確認能否趕及開賽前復出,更據報後者以及迪亞高哥斯達、摩西斯三人均受病毒感染。小弟會先排除馬高斯阿朗素能趕及上陣。
參考兩循環對陣熱刺既聯賽賽事,普捷天奴由敗陣既4231轉至次循環既343,明顯是衝著破解而黎,而在敗陣過後,車路士亦未有作出任何打法上既改變或調整。同時摩連奴喺足總盃八強賽事作出相似既戰術安排,場上藍衫既球員無論進攻或防守都顯得相當吃力。直至上場,摩連奴將針對戰術昇華,徹底將干地既343擊破。
以現有人腳,如果仍以343陣式出戰熱刺,左翼衛必定是重點考慮位置,而小弟認為一動不如一靜,干地無必要為一個位置而作出兩至三個位置既調動,理應以位換位而論,使對球隊既影響減到最低,而位置上最理想人選必定是艾基,候任人選亦有韋利安。在中場人員配置方面,即使戰術需要,亦理應以法比加斯取代狀態一直低迷既馬迪。當然,說實話,除非有突破性戰術安排或幸運之神眷顧,否則以以上排陣及人腳,好大機會重蹈覆轍獲得一場敗仗。
反觀,干地有機會變陣應戰嗎?雖然車路士今季絕大部份時間都係使用343陣式,但干地亦有在領先時間以及正選球員缺陣下變陣,效果好壞參半。小弟認為與其以一個不完整既343上陣,倒不如安排另一套更有效既陣式對抗,摩連奴亦深刻地為干地上了一課說明此事。
大膽假設干地變陣,小弟應為出現352陣式可能性最大。首先此陣式曾經在場上出現過,球員亦對此不陌生,在後衛人員配置方面,三中堅繼續由卡希爾、大衛雷斯及艾斯派古達出任,保持後場完整性。而右翼衛可安排柏度或摩西斯為正選,兩者對這位置絕不陌生,亦確保球隊右路能夠有穩定輸出。到最令人擔心既左翼衛,韋利安同艾基都會係哩個位置既選擇,因應352當中翼衛需要兼顧進攻以及防守,前者會比艾基更適合出任正選。三中場方面,小弟會一貫文章中段理念,繼續收起馬迪,安排法比加斯、查路巴以及簡迪為正選,後者繼續擔起中後場防務工作,法比負責前場輸送為主,而查路巴需要在兩者之間取得平衡,以及重點一對一防守阿里(Dele Alli)。最前線,會選用夏薩特伙拍迪亞高哥斯達或巴舒亞伊,後者與夏薩特為同國好友,信任以及配合不成問題,而佢或哥斯達亦可做到開路角色,讓夏薩特尋求破門機會。左右翼衛必需重點壓制對手側擊輸送,有需要時三中場亦需要聯合防守,以及提防右路被熱刺高空轟炸。
以上只是小弟假設,而干地亦並非一個一成不變既主帥,看看到時會有什麼招數吧。

藍獅 每週末出文 用心寫每篇文章 給我們一個Like作支持 : https://www.facebook.com/bluexlion/
標籤: 干地  普捷天奴  車路士  熱刺  足總盃  

留言

會員
我要評論
請按此登錄後留言。未成為會員? 立即註冊
  • Gally Chan
    Gally Chan 於 21/04/2017 評論 NO. 1

    352唔用查路巴其實可以考慮一下用Loftus Cheek打攻中,對守中場好硬淨,如果中前場多個支點好過成日出老鼠仔。

  • JM Chow
    JM Chow 於 21/04/2017 評論 NO. 2

    热刺加油!

  • Fong Kai Chun
    Fong Kai Chun 於 21/04/2017 評論 NO. 3

    會出巴舒阿姨就唔係干地啦

  • Li DiDa
    Li DiDa 於 21/04/2017 評論 NO. 4

    打殘熱刺

  • 談兆森
    談兆森 於 21/04/2017 評論 NO. 5

    大家留意返今季熱刺用溫布萊踢歐聯歐霸踢成點就知,我覺得車路士贏面大少少

  • Mata Yeung
    Mata Yeung 於 21/04/2017 評論 NO. 6

    車路士贏

  • Terry Ho
    Terry Ho 於 21/04/2017 評論 NO. 7

    出亞衣收哥斯達

  • Louie  Lee
    Louie Lee 於 21/04/2017 評論 NO. 8

    熱刺加油。。。

  • Pluto Kin
    Pluto Kin 於 21/04/2017 評論 NO. 9

    我冇記錯既話 而家車仔既343 係干地既Plan D... 如果係既話,即係干地仲有至少3 套戰術可以改...
    至於352 ... 冇疑係車仔既得意陣式(特別係犘連奴時代) 但去到干地手上 頭幾場用番呢個陣 好似有點進退失據

  • 工藤新一
    工藤新一 於 21/04/2017 評論 NO. 10

    應該會好緊湊,話唔定會打和之後加時

快捷鍵:←
快捷鍵:→