-請支持藍獅 Facebook專頁-
《原創文章 歡迎轉載 請列明出處 謝謝》
喺哩場比賽之前，應該無乜邊個球迷會覺得哩場波車路士有任何勝算，但最後既賽果可以話令外界大跌眼鏡。喺限米煮限飯既情況下，藍軍今場可以話以超水準表現完成左一場高水平賽事，當中干地可以話功不可沒，令球隊獲得今季首場勝仗。
．圖片來源 : Football365
喺隊長卡希爾同法比加斯都需要停賽下，人手上既安排可以話捉襟見肘，賽前記招時干地已經示意有機會將大衛雷斯推前到中場位置，什至有機會需要冒險提早讓原本九月初至能夠復出既巴卡約高上場。結果二人雙雙進入正選十一人當中，而球迷們見到名單時亦以為摩西斯會回到前場與莫拉達到韋利安合組攻擊線，可能連普捷天奴都估唔到，開波既時候並唔係果一回事。
．圖片來源 : BBC.com
正當全世界都以為車路士會以343應戰之時，球隊擺到上去球場時候出到黎既陣式反而係干地拿手既352陣式，由艾斯派古達、基斯甸臣及魯迪加合組三後衛，馬高斯阿朗素同摩西斯繼續擔任左右翼衛，而中場三人同干地之前所講既一樣，包括大衛雷斯、簡迪同巴卡約高，至於最前線就由韋利安伙拍莫拉達。單睇藍軍可用既人腳，干地的確為球隊以最恰當既陣式配上較佳既人手配置，亦值明左佢喺備戰哩一環落左唔少功夫。
上半場初段車路士同熱刺雙方都勢均力敵，白衫唔能夠保持主場優勢既原因除左溫布萊唔係佢地真係既主場外，就係熱刺對於車路士既新陣式存在不適應，藍軍大多時間都留在自己既半場上，以守穩為首要目標，每當搶到皮球後，就快速地運上前場，更製造到一次黃金機會比莫拉達攻門，同上場對陣般尼一樣接應艾斯派古達既長傳，可惜唔能夠命中目標。．圖片來源 : Eleven Media Group
先講番後場，大衛雷斯被推上到中場後，中後衛既位置由基斯甸臣頂上，喺熱身賽對陣拜仁時其實干地都安排過佢打哩個位，但係果場慘敗而回被換出，今場哩位後防新星明顯負責抵擋哈利簡尼既來犯，表現絕對係稱職有餘，雖然有一次「踢空氣」比人直接攻門，但其他時間都保持到穩定水準，速度上絕對唔係問題，反而係有需要提升身體質素尤其面對高大中鋒時會較輸蝕。
而本身戰術由後防直接將個波長傳到前線既負任就交到新加盟既魯迪加身上，德國人喺上半場都有失位既情況出現，更因而透過犯規補獲導致領得一面黃牌，但明顯比起卡希爾既生硬動作更有活力，半場調整過後都能夠回復穩定演出。至於今場戴上隊長臂章既艾斯派古達都維持一貫作風，而且好多熱刺掘入黎既高波都已經被隊友頂出，避免左上季比人「屈身高」既情況再次出現。翼衛既馬高斯阿朗素同摩西斯亦只會喺合適既時間至後上，而前者果兩球入球都可以話係過往努力所獲得既成果。
．圖片來源 : Chelsea FC
到中場方面，擺出個「零創造」既中場組合其實係迫於無奈，大衛雷斯位置上係三後衛前面既第一人，而簡迪同巴卡約高就各至為左右中場，其實三人主要既目標都係掃蕩，透過身體壓迫驅使熱刺喺中場交出控球權。反而想講既係針對新加盟既巴卡約高，初次上陣已經見識得到佢既覆蓋面積真係十分廣，但球員有必要留意番英超既球証執法與法甲不一，過多上半身手部既阻攔只會得到吹罰，而巴卡約高明顯愛好上腳，獨自帶波到對手禁區再二傳，不過需要時間與隊友建立默契。
．圖片來源 : Mirror
至於前線二人，人手上其實都未有太多正選選擇，而韋利安同莫拉達喺先前既比賽合作過亦較有火花，但反而今場正式以二人作正選攻堅威力就稍有落差，雖然巴西人喺下半場有一次中柱攻門，但係佢大多時間都利用「時間停頓」再快速爆出哩一招其實已經比人睇通，唔單指拖慢左個攻勢，一失去控球權時更比人打反擊，仲有好幾下莫拉達同摩西斯就空哂都選擇唔交什至交失波，相信干地唔係喺無人選之下都唔會出佢。
．圖片來源 : Twitter
干地今場波喺後段直接替換一對攻擊組合，先唔評論巴舒亞伊既失波，只係想講喺夏薩特未復出前，莫拉達拍韋利安，巴舒亞伊拍柏度哩兩對攻擊組合會係最理想，以一剛一柔既配搭，化學作用好比同屬一系為佳。無論備戰以至到今場既臨場調動，干地喺咁既人手配置上已經為球隊作出一個發揮得到最大效用既安排，同時球員亦發揮得到出色既表現，全隊絕對值得配上一場勝仗。
Come on Chelsea!
文章最後更新時間 : 21/08/2017 12:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
喺哩場比賽之前，應該無乜邊個球迷會覺得哩場波車路士有任何勝算，但最後既賽果可以話令外界大跌眼鏡。喺限米煮限飯既情況下，藍軍今場可以話以超水準表現完成左一場高水平賽事，當中干地可以話功不可沒，令球隊獲得今季首場勝仗。
．圖片來源 : Football365
喺隊長卡希爾同法比加斯都需要停賽下，人手上既安排可以話捉襟見肘，賽前記招時干地已經示意有機會將大衛雷斯推前到中場位置，什至有機會需要冒險提早讓原本九月初至能夠復出既巴卡約高上場。結果二人雙雙進入正選十一人當中，而球迷們見到名單時亦以為摩西斯會回到前場與莫拉達到韋利安合組攻擊線，可能連普捷天奴都估唔到，開波既時候並唔係果一回事。
．圖片來源 : BBC.com
正當全世界都以為車路士會以343應戰之時，球隊擺到上去球場時候出到黎既陣式反而係干地拿手既352陣式，由艾斯派古達、基斯甸臣及魯迪加合組三後衛，馬高斯阿朗素同摩西斯繼續擔任左右翼衛，而中場三人同干地之前所講既一樣，包括大衛雷斯、簡迪同巴卡約高，至於最前線就由韋利安伙拍莫拉達。單睇藍軍可用既人腳，干地的確為球隊以最恰當既陣式配上較佳既人手配置，亦值明左佢喺備戰哩一環落左唔少功夫。
上半場初段車路士同熱刺雙方都勢均力敵，白衫唔能夠保持主場優勢既原因除左溫布萊唔係佢地真係既主場外，就係熱刺對於車路士既新陣式存在不適應，藍軍大多時間都留在自己既半場上，以守穩為首要目標，每當搶到皮球後，就快速地運上前場，更製造到一次黃金機會比莫拉達攻門，同上場對陣般尼一樣接應艾斯派古達既長傳，可惜唔能夠命中目標。．圖片來源 : Eleven Media Group
先講番後場，大衛雷斯被推上到中場後，中後衛既位置由基斯甸臣頂上，喺熱身賽對陣拜仁時其實干地都安排過佢打哩個位，但係果場慘敗而回被換出，今場哩位後防新星明顯負責抵擋哈利簡尼既來犯，表現絕對係稱職有餘，雖然有一次「踢空氣」比人直接攻門，但其他時間都保持到穩定水準，速度上絕對唔係問題，反而係有需要提升身體質素尤其面對高大中鋒時會較輸蝕。
而本身戰術由後防直接將個波長傳到前線既負任就交到新加盟既魯迪加身上，德國人喺上半場都有失位既情況出現，更因而透過犯規補獲導致領得一面黃牌，但明顯比起卡希爾既生硬動作更有活力，半場調整過後都能夠回復穩定演出。至於今場戴上隊長臂章既艾斯派古達都維持一貫作風，而且好多熱刺掘入黎既高波都已經被隊友頂出，避免左上季比人「屈身高」既情況再次出現。翼衛既馬高斯阿朗素同摩西斯亦只會喺合適既時間至後上，而前者果兩球入球都可以話係過往努力所獲得既成果。
．圖片來源 : Chelsea FC
到中場方面，擺出個「零創造」既中場組合其實係迫於無奈，大衛雷斯位置上係三後衛前面既第一人，而簡迪同巴卡約高就各至為左右中場，其實三人主要既目標都係掃蕩，透過身體壓迫驅使熱刺喺中場交出控球權。反而想講既係針對新加盟既巴卡約高，初次上陣已經見識得到佢既覆蓋面積真係十分廣，但球員有必要留意番英超既球証執法與法甲不一，過多上半身手部既阻攔只會得到吹罰，而巴卡約高明顯愛好上腳，獨自帶波到對手禁區再二傳，不過需要時間與隊友建立默契。
．圖片來源 : Mirror
至於前線二人，人手上其實都未有太多正選選擇，而韋利安同莫拉達喺先前既比賽合作過亦較有火花，但反而今場正式以二人作正選攻堅威力就稍有落差，雖然巴西人喺下半場有一次中柱攻門，但係佢大多時間都利用「時間停頓」再快速爆出哩一招其實已經比人睇通，唔單指拖慢左個攻勢，一失去控球權時更比人打反擊，仲有好幾下莫拉達同摩西斯就空哂都選擇唔交什至交失波，相信干地唔係喺無人選之下都唔會出佢。
．圖片來源 : Twitter
干地今場波喺後段直接替換一對攻擊組合，先唔評論巴舒亞伊既失波，只係想講喺夏薩特未復出前，莫拉達拍韋利安，巴舒亞伊拍柏度哩兩對攻擊組合會係最理想，以一剛一柔既配搭，化學作用好比同屬一系為佳。無論備戰以至到今場既臨場調動，干地喺咁既人手配置上已經為球隊作出一個發揮得到最大效用既安排，同時球員亦發揮得到出色既表現，全隊絕對值得配上一場勝仗。
Come on Chelsea!
文章最後更新時間 : 21/08/2017 12:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊