[無名英雄]幻想之作-2047年的香港足球員
大家好！以下是我的一篇日記：
2047年7月1日 陰
今天又要番工，雖然今日心情一般般，但一諗到今晚對關島場比賽就立即醒神，呢場十分重要關乎我們能否晉身亞洲盃外圍賽第三圈資格賽。所以朝早六點幾就晨咁早起身食早餐，一打開電視又係得「三色台」，仲係到播緊國歌同主席的話，拿拿臨食完早餐就趕番去迫地鐵番工。
住天水圍既我要去到銅鑼灣番工，今日係負責銅鑼灣區舊時代廣場既拆卸項目，今非昔比，當日我同老婆就係呢度第一次拍拖，估唔到今日就要由我一手去拆卸。去到地鐵站一如以往人山人海，迫到入閘都要等左成十分鐘，好彩今日早左出門口姐！去到月台仲炆，明明上年地鐵都拆埋座位增加載客，但我都要等成三班車先上到車！
番到銅鑼灣個地盤已經比人問候左幾句，做乜又遲到，拿拿臨扮冇野番去做野好過。成個朝早做野都心不在焉，因為個心情完全諗左係今晚場比賽，如果今晚贏到的話，香港就打破近屆紀錄打入第三輪資格賽，過去幾屆都被馬來西亞、關島、印尼等球隊淘汰出局。今晚我地對手係前屆踢我地出局既關島，我地賽前雖然被睇低一線，加上近幾場友誼賽都差D唔夠球員出賽，大家呢幾個星期練埋都唔夠五課。
說時遲，那時快，又到放飯既時候，同一大班好兄弟又要大X樂食飯（唉！都唔知食左連續幾多日大家X啦！)估唔到呢間野又靜靜雞加價，一碟干炒牛河加一杯可樂都成百五蚊，我番成日先得七百蚊(僅僅高過最低工資)。但一於無理，比賽前食好少少，等今晚踢波有氣有力先！
放工既時候都五點幾，今晚場波八點半開波，收工即刻走人又去迫地鐵去元朗球場。去到球場估唔到最早到係我，接住三、四個隊友都到場，我地都諗緊領隊幾時會到，估唔到呢個時候，電話一震同顯示一個訊息「唔好意思！今晚老闆要我開OT，應該黎唔到今晚場波，你地踢好D 啦！ 張嘉堅」。大家都異口同聲講左聲「X，咩領隊黎，上場係咁，今場又係咁」。
最後，今場我地僅僅得十五名比賽球員，加上大家全部都係業餘球員身份，今場比賽算係「夫添」，今次龍門個位由於樂仔塞車趕唔切到場，搞到由猜輸左既華仔頂上。呢場比賽估唔到仲有球迷入場支持我地，雖然唔算多，但今場都已經係近年較高人次入場紀錄，講你都唔信，足足有成百五人入場！
呢場比賽，我地踢四五一穩守成主，我就係前場唯一既攻擊球員，關島方面睇黎就踢四三三，進攻為主。比賽初段，由於球場上草皮「泥多過草」關係，令到我地組織攻擊甚為困難，相反對方踢高Q大棍就輕鬆得多，令到我地被對手壓住半場黎攻，最後上半場我地輸住兩球返更衣室。
下半場，龍門樂仔終於番黎，換出左華仔打返龍門。呢個時候落緊細雨，令到夜晚天氣更加凍，估唔到都成七月都仲係咁凍，今晚應該得十度左右。但班忠實球迷無因為天氣而走人，下半場繼續為我地加油、喊口號，下半場初段我有一球單刀機會，但我突然聽到「啪」一聲，原來有名關島球員從後鏟跌我，令到我失去平衡後扭親十字膝帶，我當時個腦一片空白，只知道勢色不妙，好快我就比白車車左入醫院。最終呢場比賽，我地輸五比零出局，繼續無法係第一階段晉級，香港賽後世界排名跌到二百一十七。
而我亦因為斷左十字膝帶，無法繼續踢波，雖然係咁有唔少朋友唔知講笑定安慰我「其實係香港踢波邊有出頭，宜家咪仲好，專心番工賺錢供樓好過啦！」
無名英雄，抽水之作
給一分支持！給我們一個Like！無名英雄
https://www.facebook.com/UnHeroo
大家好！以下是我的一篇日記：
2047年7月1日 陰
今天又要番工，雖然今日心情一般般，但一諗到今晚對關島場比賽就立即醒神，呢場十分重要關乎我們能否晉身亞洲盃外圍賽第三圈資格賽。所以朝早六點幾就晨咁早起身食早餐，一打開電視又係得「三色台」，仲係到播緊國歌同主席的話，拿拿臨食完早餐就趕番去迫地鐵番工。
住天水圍既我要去到銅鑼灣番工，今日係負責銅鑼灣區舊時代廣場既拆卸項目，今非昔比，當日我同老婆就係呢度第一次拍拖，估唔到今日就要由我一手去拆卸。去到地鐵站一如以往人山人海，迫到入閘都要等左成十分鐘，好彩今日早左出門口姐！去到月台仲炆，明明上年地鐵都拆埋座位增加載客，但我都要等成三班車先上到車！
番到銅鑼灣個地盤已經比人問候左幾句，做乜又遲到，拿拿臨扮冇野番去做野好過。成個朝早做野都心不在焉，因為個心情完全諗左係今晚場比賽，如果今晚贏到的話，香港就打破近屆紀錄打入第三輪資格賽，過去幾屆都被馬來西亞、關島、印尼等球隊淘汰出局。今晚我地對手係前屆踢我地出局既關島，我地賽前雖然被睇低一線，加上近幾場友誼賽都差D唔夠球員出賽，大家呢幾個星期練埋都唔夠五課。
說時遲，那時快，又到放飯既時候，同一大班好兄弟又要大X樂食飯（唉！都唔知食左連續幾多日大家X啦！)估唔到呢間野又靜靜雞加價，一碟干炒牛河加一杯可樂都成百五蚊，我番成日先得七百蚊(僅僅高過最低工資)。但一於無理，比賽前食好少少，等今晚踢波有氣有力先！
放工既時候都五點幾，今晚場波八點半開波，收工即刻走人又去迫地鐵去元朗球場。去到球場估唔到最早到係我，接住三、四個隊友都到場，我地都諗緊領隊幾時會到，估唔到呢個時候，電話一震同顯示一個訊息「唔好意思！今晚老闆要我開OT，應該黎唔到今晚場波，你地踢好D 啦！ 張嘉堅」。大家都異口同聲講左聲「X，咩領隊黎，上場係咁，今場又係咁」。
最後，今場我地僅僅得十五名比賽球員，加上大家全部都係業餘球員身份，今場比賽算係「夫添」，今次龍門個位由於樂仔塞車趕唔切到場，搞到由猜輸左既華仔頂上。呢場比賽估唔到仲有球迷入場支持我地，雖然唔算多，但今場都已經係近年較高人次入場紀錄，講你都唔信，足足有成百五人入場！
呢場比賽，我地踢四五一穩守成主，我就係前場唯一既攻擊球員，關島方面睇黎就踢四三三，進攻為主。比賽初段，由於球場上草皮「泥多過草」關係，令到我地組織攻擊甚為困難，相反對方踢高Q大棍就輕鬆得多，令到我地被對手壓住半場黎攻，最後上半場我地輸住兩球返更衣室。
下半場，龍門樂仔終於番黎，換出左華仔打返龍門。呢個時候落緊細雨，令到夜晚天氣更加凍，估唔到都成七月都仲係咁凍，今晚應該得十度左右。但班忠實球迷無因為天氣而走人，下半場繼續為我地加油、喊口號，下半場初段我有一球單刀機會，但我突然聽到「啪」一聲，原來有名關島球員從後鏟跌我，令到我失去平衡後扭親十字膝帶，我當時個腦一片空白，只知道勢色不妙，好快我就比白車車左入醫院。最終呢場比賽，我地輸五比零出局，繼續無法係第一階段晉級，香港賽後世界排名跌到二百一十七。
而我亦因為斷左十字膝帶，無法繼續踢波，雖然係咁有唔少朋友唔知講笑定安慰我「其實係香港踢波邊有出頭，宜家咪仲好，專心番工賺錢供樓好過啦！」
無名英雄，抽水之作
給一分支持！給我們一個Like！無名英雄
https://www.facebook.com/UnHeroo
請按此登錄後留言。未成為會員? 立即註冊