當你愛一隊球隊，就會無論場波咩戲碼你都會睇。話說琴晚歐聯皇馬主場對戰歷基亞，大炒一個5:1。戰術上嘅強弱項基本上之前都講得七七八八，所以今次就聚焦講講今場無入波嘅C朗拿度。
欲速則不達
今場波C朗亟欲破門，全場貢獻9次射門，幾乎佔整隊射門嘅三份一（總共29次）。但愈心急就愈難入波：皆因9次射門只有2次中龍，其餘嘅一係射飛一係被守衛擋走；有睇比賽嘅球迷重可以體會到，心急嘅C朗連步伐都過快，今場兩球助攻，其實都係自己衝得太狠過左龍無哂射門角度，最後一秒先傳比隊友，當然樂觀啲睇都可以讚佢靈光一閃、傳得妙到毫癲嘅。
球霸的表現
好多球迷話C朗係球霸，而筆者我，十分認同C朗就係球霸。球霸嘅特點就係自我中心，總之「我」就係所有；所以有波就請比C朗。
因此，睇皇馬比賽嘅時候，我總愛喺隊友傳中/傳球/傳直線但唔到位後，睇一睇C朗嘅反應。你會見到佢每場都fing哂手、口upup，就算鏡頭放到好遠，你都會見到佢眉頭深鎖，miu哂咀嘅樣，十分過引。
另一個看點係，當C朗射完波但唔入，反而隊友補射入網，佢依然會口upup、嬲嬲地咁樣。無他，因為入波唔係佢自己。
但同樣地，如果有黃金機會，但自己把握唔到，佢都會起勢咁話自己（我估）。你好難會再見到一位球員會對自己入唔入到波著緊到咁嘅程度。例如如果巴利入唔到，佢會用手蓋住個口、拉低下巴，或者抱頭；但唔會見到佢好似C朗咁望天怒罵、鬧到爆哂根，或者踢個門柱發洩。
Stay Hungry
因此，對皇馬而言，心急人上嘅C朗總好過淡淡如止水。如果要數C朗成功嘅要素，首先：有技術、有天賦、有想像力、有自信、有身型、有力量、有速度、有彈跳力……等等，但係令C朗同其他球星分隔開來嘅，由始至終都係C朗果種對成功嘅飢餓感。Steve Jobs所講嘅Stay Hungry（之後果句唔岩用），喺足球界依然適用。
舉個例子，好記得前年夏薩特拎左英超最佳球員，如日中天。當時車仔領隊摩連奴就話夏薩特可以睇齊美斯同C朗，而夏薩特又呼應話自己好想同佢地咁不斷入球。但唔知點解上季英超開鑼之後，夏薩特話鋒一轉，竟然話自己或者做唔到好似佢地入咁多波。結果表現就一落千仗。
Nike Joga Bonito年代出過一個廣告，有一輯係講朗尼踢波；廣告裡面朗尼見到比人射入就自己走去打龍、接實、再出迎、過關斬將，結果入埋波；旁觀嘅簡東拿講左句：「I had a heart. And I know, without a heart you cannot play」
Hungry Ronaldo
C朗就係擁有令人難以致信嘅飢餓感，無論係佢果份相信自己係世界最佳球員嘅志氣、想攞金球獎嘅渴望、極力成為金靴以致不斷不斷射球嘅慾望，都足以推動C朗以最專業同敬業嘅態度去準備自己、去踢每一場比賽。
葡萄牙奪得今屆歐國盃之後，我曾經隱約擔心過一個雙喜臨門嘅球季（歐聯+歐國）會否令C朗頓時失去動力？季初見C朗從容嘅微笑都擔心過一陣子，但睇完今場比賽之後，我對C朗今場不斷打飛機感到非常安慰，因為我知道，佢依然係果個飢餓的C朗拿度。
果個廣告，最後，重講到呢一句
「Play from here, and enjoy it」
JogaTV Episode 9: ROONEY-HEART
https://www.youtube.com/watch?v=OhETXXnA6Hk
C朗比賽精華
https://www.youtube.com/watch?v=T71ZNj2IA18
欲速則不達
今場波C朗亟欲破門，全場貢獻9次射門，幾乎佔整隊射門嘅三份一（總共29次）。但愈心急就愈難入波：皆因9次射門只有2次中龍，其餘嘅一係射飛一係被守衛擋走；有睇比賽嘅球迷重可以體會到，心急嘅C朗連步伐都過快，今場兩球助攻，其實都係自己衝得太狠過左龍無哂射門角度，最後一秒先傳比隊友，當然樂觀啲睇都可以讚佢靈光一閃、傳得妙到毫癲嘅。
球霸的表現
好多球迷話C朗係球霸，而筆者我，十分認同C朗就係球霸。球霸嘅特點就係自我中心，總之「我」就係所有；所以有波就請比C朗。
因此，睇皇馬比賽嘅時候，我總愛喺隊友傳中/傳球/傳直線但唔到位後，睇一睇C朗嘅反應。你會見到佢每場都fing哂手、口upup，就算鏡頭放到好遠，你都會見到佢眉頭深鎖，miu哂咀嘅樣，十分過引。
另一個看點係，當C朗射完波但唔入，反而隊友補射入網，佢依然會口upup、嬲嬲地咁樣。無他，因為入波唔係佢自己。
但同樣地，如果有黃金機會，但自己把握唔到，佢都會起勢咁話自己（我估）。你好難會再見到一位球員會對自己入唔入到波著緊到咁嘅程度。例如如果巴利入唔到，佢會用手蓋住個口、拉低下巴，或者抱頭；但唔會見到佢好似C朗咁望天怒罵、鬧到爆哂根，或者踢個門柱發洩。
Stay Hungry
因此，對皇馬而言，心急人上嘅C朗總好過淡淡如止水。如果要數C朗成功嘅要素，首先：有技術、有天賦、有想像力、有自信、有身型、有力量、有速度、有彈跳力……等等，但係令C朗同其他球星分隔開來嘅，由始至終都係C朗果種對成功嘅飢餓感。Steve Jobs所講嘅Stay Hungry（之後果句唔岩用），喺足球界依然適用。
舉個例子，好記得前年夏薩特拎左英超最佳球員，如日中天。當時車仔領隊摩連奴就話夏薩特可以睇齊美斯同C朗，而夏薩特又呼應話自己好想同佢地咁不斷入球。但唔知點解上季英超開鑼之後，夏薩特話鋒一轉，竟然話自己或者做唔到好似佢地入咁多波。結果表現就一落千仗。
Nike Joga Bonito年代出過一個廣告，有一輯係講朗尼踢波；廣告裡面朗尼見到比人射入就自己走去打龍、接實、再出迎、過關斬將，結果入埋波；旁觀嘅簡東拿講左句：「I had a heart. And I know, without a heart you cannot play」
Hungry Ronaldo
C朗就係擁有令人難以致信嘅飢餓感，無論係佢果份相信自己係世界最佳球員嘅志氣、想攞金球獎嘅渴望、極力成為金靴以致不斷不斷射球嘅慾望，都足以推動C朗以最專業同敬業嘅態度去準備自己、去踢每一場比賽。
葡萄牙奪得今屆歐國盃之後，我曾經隱約擔心過一個雙喜臨門嘅球季（歐聯+歐國）會否令C朗頓時失去動力？季初見C朗從容嘅微笑都擔心過一陣子，但睇完今場比賽之後，我對C朗今場不斷打飛機感到非常安慰，因為我知道，佢依然係果個飢餓的C朗拿度。
果個廣告，最後，重講到呢一句
「Play from here, and enjoy it」
JogaTV Episode 9: ROONEY-HEART
https://www.youtube.com/watch?v=OhETXXnA6Hk
C朗比賽精華
https://www.youtube.com/watch?v=T71ZNj2IA18
請按此登錄後留言。未成為會員? 立即註冊