【賽事分析】20190331 足總盃 ~ 香港飛馬 (3)1:1(4) 佳聯元朗 - 宿命已破

元朗人撐元朗波 於 01/04/2019 發表 收藏文章
自元朗重回頂級聯賽後,未曾試過任何比賽擊敗飛馬,從15/16球季開始,90分鐘打和局面就不斷出現,又咁啱呢幾季任何淘汰賽未與飛馬再度碰上,想一定分出勝負機會都沒有。本來當年足總盃決賽12碼係元朗擊敗飛馬最好時機,可惜老天同元朗開咗個玩笑。不過不勝飛馬既宿命終於延續至昨天就結束了。
正選陣容
前鋒:卡立 14 慕沙 13 陳廣豪
中場:17 陳柏衡 24 黎格爾 10 基爾頓 16 羅振庭
後衛:30 王睿 22 法比奧 6 基斯
龍門:1 陳嘉豪
戰術:迫搶
陣式:343

What I saw
整場嚟講,元朗確實係較好形勢一方,如筆者冇記錯的話,元朗總共射中至少5次柱的數目,究竟誰是不好彩一方就大家自行判斷吧了。同上次聯賽對碰一樣,飛馬一樣利用身高優勢高波轟炸或使出急攻長傳,而元朗一樣使出三中堅應對,攻守十分平衝,一改過住雙中堅慘被打爆情況出現。下半場飛馬就換出張國明及陳肇麒,調入曾至孝及基奧,筆者都不甚理解,如果陳肇麒體力不能打足90分鐘,為何還要佢正選上陣呢?筆者亦發現飛馬領先後就開始縮後防守,最後就出現飛馬傳統臨尾失波。元朗方面,龍門陳嘉豪曾擋出基奧近距離一射。當郭嘉諾派出葉嘉宇,筆者都唔知佢有撲12碼屬性,12碼階段很好地精彩發揮,第5輪王睿射失後,筆者已經唔敢睇最後飛馬1球,幸而葉嘉宇將波撲出起死回生,突然死亡階段奮力撲出飛馬勁射擠身四強。卓耀國仍有走位觸覺,速度上比其他人佔優。球證水平方面,反正今季元朗都比唔少球證針對,球迷都已習以為常球證偏頗對方球隊,又會咁啱對方啲手球又真係1個都冇判,可能咁啱球證突然有沙入眼睇唔到呢。

4個換人
張健峰>陳廣豪 71':陳廣豪打邊冇乜作用
陳曉鋒>卡立 78':落後加強攻力
卓耀國>黎格爾 85':最後放手一搏
葉嘉宇>陳嘉豪 118':心理擾敵,手長腳長守12碼

總括,多謝元朗一班球員為球迷獻上咁精彩比賽,過程起承轉合乜都有一齊,多謝。
#為元朗搏盡

圖片來源:元朗足球隊fb

如果喜歡我們的文章,請即分享到︰

標籤: 元朗  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→