【賽事分析】20181027 銀牌賽 ~ 佳聯元朗 1:2 富力 - 曝露弱點

元朗人撐元朗波 於 28/10/2018 發表 收藏文章
所謂遇強愈強,遇上強手先會令自己繼續進步,對上實力較強富力,富力是屬控球但有迫搶的球隊,加上沒有主場之利。一場輸仗令筆者終於發現到元朗不足之處,今次筆者我會集中講元朗弱點。
圖片來源:元朗足球隊Facebook
正選陣容
前鋒:13 陳廣豪 14 慕沙
中場:15 陳曉鋒 10 基爾頓 6 基斯 24 黎格爾 16 羅振庭
後衛:7 嚴啟華 22 法比奧 3 杜馬思
龍門:1 陳嘉豪
陣式:352
戰術:高壓迫搶
圖片來源:Michael Fung Facebook
分析
一開始見法比奧打防中,基斯打中堅,心諗大獲了,果不其然輸罰球,好快就失左第1球。元朗好想追回平手,奈何真係做唔到咩埋門攻勢。雙方其實都冇乜運動戰埋門,兩者都係靠死球,但元朗死球效率好低,基爾頓出唔到靚波,而防守死球更係好似有問題,較多俾對方成功攻門,呢場富力就贏在死球把握。富力好明顯做左功課,知道元朗死球威脅低,有咩事都犯左規先,所以元朗就算有好多死球都無法化為入波。另外,元朗球員前場傳波決定唔夠爽快,職業聯賽就是慢1,2秒整個攻勢就會冇晒。開始見到基爾頓成也扭波,敗也扭波,扭得太多拖慢進攻。慕沙沒有足夠供應,整場表現都碌碌無為。龍門方面,嘉豪成功撲救一次很近攻門,但都係老問題出營唔夠果斷,攞波好驚青,俾唔到人有信心,咁樣會否夠膽俾葉嘉宇再試下呢 ? 有時1,2場後備可以俾球員思考番自己問題,從而反省改善,今季俾佢2個良性競爭是絕對好的。
圖片來源:元朗足球打氣團Facebook
郭嘉諾
改善方面:

請加強死球防守訓練,攻擊手冇表現會否有planB呢 ? 下次再遇到有迫搶球隊應該怎樣應付呢 ? 法比奧不要再打防中,希望盡快搵到陳柏衡後備。
讚方面:想不到。
3個換人
葉子俊 > 黎格爾 62':加強攻擊
謝偉俊 > 陳廣豪 76':加強攻擊
? > ?:唔知點解唔用埋最後名額,慕沙冇表現下,可以試用卡立衝開對手
總括,雙方其實是均勢,但元朗開壞個頭,沒法子足球就是這樣,輸左就let it go,驚喜沒再繼續出現乃是正常。
下面又有元朗球迷TV 第5集
標題圖片來源:Upower

如果喜歡我們的文章,請即分享到︰

標籤: 元朗  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→