軒達臣已經準備好去捉pokemon....呀唔係…係準備好出戰新一季既英超！
上季尾受膝蓋韌帶傷患影響既軒神，經過休養之後，都有份代表英格蘭踢歐洲國家盃，表現就唔多講啦，但係呢都總算係為新一季英超做下預備熱個靚身。
軒達臣最近就係社交網站上傳左段熱身賽操練既片。大家都明，識睇一定睇留言。小編發覺有部分球迷對神軒就好似唔太受落，留言話唔想佢再做隊長，當然大部分人都話希望佢唔好再傷啦喎。
對於球迷既「關心」，呢位26歲既神軒最近係訪問度話自己隻腳無事，感覺良好，仲話希望成季都可以keep住呢個狀態甚至更上一層樓。佢表示，因為多次傷患，上一季對佢黎講係好失望既一年，所以想係新一季度表現返應有既水準。無論點都好啦，仲有幾場熱身賽，包括八月對阿仙奴，大家拭目以待啦！
資料來源：軒達臣instagram，liverpoolfc.tv
上季尾受膝蓋韌帶傷患影響既軒神，經過休養之後，都有份代表英格蘭踢歐洲國家盃，表現就唔多講啦，但係呢都總算係為新一季英超做下預備熱個靚身。
軒達臣最近就係社交網站上傳左段熱身賽操練既片。大家都明，識睇一定睇留言。小編發覺有部分球迷對神軒就好似唔太受落，留言話唔想佢再做隊長，當然大部分人都話希望佢唔好再傷啦喎。
對於球迷既「關心」，呢位26歲既神軒最近係訪問度話自己隻腳無事，感覺良好，仲話希望成季都可以keep住呢個狀態甚至更上一層樓。佢表示，因為多次傷患，上一季對佢黎講係好失望既一年，所以想係新一季度表現返應有既水準。無論點都好啦，仲有幾場熱身賽，包括八月對阿仙奴，大家拭目以待啦！
資料來源：軒達臣instagram，liverpoolfc.tv
請按此登錄後留言。未成為會員? 立即註冊