【高普沒有忘記你】奧歷治「結合」我利兩射手之絕殺

利永遠不會毒行 於 03/12/2018 發表 收藏文章
奧歷治尋晚對愛華頓嘅賽事後備入替,更於補時階段絕殺對手,令到一眾球迷,甚至小妹我非常亢奮,仲嗌到差啲俾鄰居投訴深夜聲浪過大。當雲迪克撻Q中眉後佢把握機會,睇到畢福特嘅犯錯,將個波頂入網;當然,成件事係有運,先會造就到呢球入波。但相信而大家欣賞奧歷治嘅係佢嘅鬥心,呢球波其實係喺extra嘅補時時間出現,果球其實大家都心裡有數係最後一擊,佢真係俾球迷睇到果種「搏埋佢啦仲有機會架」嘅精神。
睇慢鏡,真係要多謝畢福特。(誤:睇下史杜列治個樣)

呢球入波,更被網民提到係結合費明奴同史杜列治嘅絕技在一身,點解?睇圖就明白。(source

呢名比利時球員入波後,令到高普都壓抑唔到佢嘅情緒,直頭衝埋出場同艾利臣攬攬,雖然最後拎咗張黃牌,但唔緊要啦;賽後佢都有就呢個行為道歉,經過一場咁緊湊嘅比賽後,佢見到力子入波就再控制唔到自己,佢明白英格蘭足總有機會會就呢個佢「不尊重賽事(Disrespect)」行為採取行動,但高Daddy就話有錯就要認,打就要企定;佢會靜候足總嘅回應。再被問點解要攬艾利臣唔攬其他人,高普就話你哋錯啦,個Plan係唔打算跑出去架!

好講返奧歷治先,佢2016年對愛華頓果場腳踝受傷後都一打唔起,但睇返數據,佢總數對愛華頓都入過三球波(計埋今場),唔知可唔可以叫佢打吡剋星呢?而高普喺賽後訪問就咁講:

「我認為奧歷治係利物浦重要資產。」
「無可否認,傷患對奧歷治黎講係職業生涯嘅一個重創。喺2016年嘅歐霸決賽,我哋見到佢接近好返晒,但其實隻腳仲痛緊;當年更因此踢唔到歐洲國家盃。」

「當你有一段時間無參與比賽,你好容易會失去信心。但係你睇下奧歷治,佢一出場就俾人威脅對手。佢有速度﹑佢亦有身位。如果大家記得佢2016年對住多蒙特嘅歐霸賽事就會明我講緊咩。」
okay,歷史重溫,去片!
「我一直無忘記過奧歷治,由當日佢對愛華頓時受傷,直到尋晚佢對愛華頓入波。」

雖然呢球入波就真係充滿彩數,但無疑可以俾到高普信心去試下另一個進攻組合,利物浦將會喺星期三對般尼,之後仲會有歐聯等嘅賽事,係三叉頭無態﹑又或者利物浦嘅進攻模式俾人睇通睇透嘅情況下,呢個Plan B 又未嘗唔係一件壞事。


source:liverpool press congoal.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Siu Leung Mui
    Siu Leung Mui 於 03/12/2018 評論 NO. 1

    琴晚真係超興奮,好似贏咗世界杯咁!

快捷鍵:←
快捷鍵:→