【逝去感情如何留得住】史基泰爾完成到費倫巴治體育會轉會手續 精選

史基泰爾，Martin Skrtel，斯洛伐克球員，老實講，小妹真係幾鐘意佢。初中果陣，由於唔識讀Skrtel（英文唔好請問發聲位係邊？）同埋佢身上既紋身而去留意佢。原來眨下眼就過左咁多年，小妹都去左社會大學啦。


人生有幾多個10年、足球員有幾多個8年呀？

時間真係過得快，由聖彼德堡轉會去利物浦已經8年半。人生有幾多個10年、足球員有幾多個8年呀？呢8年半入面，佢為紅軍踢左320場波，入過12球波。最記得係佢拍住艾加，無論講緊佢地既紋身定係佢地既合拍度，都係無得頂！


爆頭史

身為加歷查接班人，再成為後衛精神領袖，熱血帶起全隊！爆頭仲繼續踢更加係佢代表！2014年1月對般尼茅夫果陣即場聯針！即刻去片！（留意左下角）
https://youtu.be/M_GLYBSHGkk睇到都覺得痛！

另外就係同年年尾對阿仙奴果陣，俾基奧特踩中爆頭仲繼續踢，最後仲靠佢頭鎚97分鐘追平2：2，力保一分。

爆頭咋嘛，怕咩？

包住個頭都不失台型

佢最後一球為利物浦入既波就係2015年10月，係高daddy帶領下4：1嬴左曼城；而最後一場為利物浦上陣既賽事就係2016年5月對西布朗。

作客4：1嬴咗曼城

逝去感情如何留得住

31歲，話老唔老話當打又唔係，無可否認，佢最近既表現係跌左watt既，賣佢走又唔係無道理。無左一個熱血老鬼，成隊既士氣會點呢？小妹就覺得留住一、兩個精神領袖係球會可以留住fans之外，更加可以穩定軍心。不過in高daddy we trust，佢有佢原因既，希望新人可以帶俾利物浦後防一個新面貌，進步。

希望史基泰爾去到費倫巴治會有更好既表現啦！我會掛住你架37號！


資料來源：DailyMail ，利物浦官網