【轉會傳聞】高普心目中頂替史杜列治嘅球員係...

利永遠不會毒行 於 22/05/2019 發表 收藏文章
隨住各大聯賽陸續完季,又係時候出現不同嘅轉會新聞啦。
現年29歲,人稱大師兄嘅利物浦前鋒史杜列治喺今季為利物浦各項聯賽上陣共27次,有4球入波以及2個助攻,但大多數都以後備身份上陣。效力利物浦已經6年半嘅史杜列治同利物浦嘅合約即將完結,球會亦未有同佢續約嘅表示,想爭取上陣時間嘅佢好大機會以自由身離隊。
最近英媒就指出,雖然多個報導都指出利物浦唔會喺夏季轉會市場再大灑金錢去買人,之不過,利物浦對雲達不萊梅前鋒加隊長Max Kruse好有興趣,更視佢為史杜列治嘅替補球員。呢位31歲嘅德國球員,今季喺德甲為球隊取得11個入球及9個助攻,協助球隊以第8名完成賽季。
Kruse同雲達不萊梅嘅合約亦即將屆滿,而球會亦都官宣咗佢會完季後將以自由身離隊!雖然利物浦最近為奧歷治提供咗一份新合約,但高普都想有返個有經驗嘅球員係度,加強前線嘅板櫈深度,有咩事都可以頂替正選球員費明奴。
Kruse過去7季喺德甲共入咗71球波,睇返佢雖然年紀比較上大啲,體能上無後生果陣咁好,但佢嘅創造力以及迫搶都唔差,絕對適合高普嘅踢法。即刻去片~
講到Kruse平靚正,咁就當然唔只利物浦一個球會對佢有虎視眈眈啦。據德媒報導,拜仁幕尼克都希望羅致佢,可以頂替一月離隊嘅辛度華拿,又或者係用人上,如果利雲度夫斯基真係走,前鋒都可以有多個選擇喎。

source:metro.uk, Transfermarktfox sports

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→