隨住各大聯賽陸續完季，又係時候出現不同嘅轉會新聞啦。
現年29歲，人稱大師兄嘅利物浦前鋒史杜列治喺今季為利物浦各項聯賽上陣共27次，有4球入波以及2個助攻，但大多數都以後備身份上陣。效力利物浦已經6年半嘅史杜列治同利物浦嘅合約即將完結，球會亦未有同佢續約嘅表示，想爭取上陣時間嘅佢好大機會以自由身離隊。 最近英媒就指出，雖然多個報導都指出利物浦唔會喺夏季轉會市場再大灑金錢去買人，之不過，利物浦對雲達不萊梅前鋒加隊長Max Kruse好有興趣，更視佢為史杜列治嘅替補球員。呢位31歲嘅德國球員，今季喺德甲為球隊取得11個入球及9個助攻，協助球隊以第8名完成賽季。Kruse同雲達不萊梅嘅合約亦即將屆滿，而球會亦都官宣咗佢會完季後將以自由身離隊！雖然利物浦最近為奧歷治提供咗一份新合約，但高普都想有返個有經驗嘅球員係度，加強前線嘅板櫈深度，有咩事都可以頂替正選球員費明奴。
Kruse過去7季喺德甲共入咗71球波，睇返佢雖然年紀比較上大啲，體能上無後生果陣咁好，但佢嘅創造力以及迫搶都唔差，絕對適合高普嘅踢法。即刻去片～
https://www.youtube.com/watch?v=gnZeW7Ec-Yk講到Kruse平靚正，咁就當然唔只利物浦一個球會對佢有虎視眈眈啦。據德媒報導，拜仁幕尼克都希望羅致佢，可以頂替一月離隊嘅辛度華拿，又或者係用人上，如果利雲度夫斯基真係走，前鋒都可以有多個選擇喎。
source：metro.uk, Transfermarkt，fox sports
現年29歲，人稱大師兄嘅利物浦前鋒史杜列治喺今季為利物浦各項聯賽上陣共27次，有4球入波以及2個助攻，但大多數都以後備身份上陣。效力利物浦已經6年半嘅史杜列治同利物浦嘅合約即將完結，球會亦未有同佢續約嘅表示，想爭取上陣時間嘅佢好大機會以自由身離隊。 最近英媒就指出，雖然多個報導都指出利物浦唔會喺夏季轉會市場再大灑金錢去買人，之不過，利物浦對雲達不萊梅前鋒加隊長Max Kruse好有興趣，更視佢為史杜列治嘅替補球員。呢位31歲嘅德國球員，今季喺德甲為球隊取得11個入球及9個助攻，協助球隊以第8名完成賽季。Kruse同雲達不萊梅嘅合約亦即將屆滿，而球會亦都官宣咗佢會完季後將以自由身離隊！雖然利物浦最近為奧歷治提供咗一份新合約，但高普都想有返個有經驗嘅球員係度，加強前線嘅板櫈深度，有咩事都可以頂替正選球員費明奴。
Kruse過去7季喺德甲共入咗71球波，睇返佢雖然年紀比較上大啲，體能上無後生果陣咁好，但佢嘅創造力以及迫搶都唔差，絕對適合高普嘅踢法。即刻去片～
https://www.youtube.com/watch?v=gnZeW7Ec-Yk講到Kruse平靚正，咁就當然唔只利物浦一個球會對佢有虎視眈眈啦。據德媒報導，拜仁幕尼克都希望羅致佢，可以頂替一月離隊嘅辛度華拿，又或者係用人上，如果利雲度夫斯基真係走，前鋒都可以有多個選擇喎。
source：metro.uk, Transfermarkt，fox sports
請按此登錄後留言。未成為會員? 立即註冊