每個足球員嘅最愛一定係足球，咁第二呢？熱刺嘅阿里就鐘意打Fortnite，利物浦嘅阿歷山大阿諾嘅「第二最愛」竟然係捉國際象棋喎！阿諾亦都好有呢方面嘅天份，仲將會喺10月8日同現時嘅世界象棋冠軍對戰添！呢名19歲嘅利物浦右閘球員唔知有無睇過棋靈王呢？阿諾認為透過呢個咁文靜嘅「桌上運動」可以訓練佢嘅腦部思維發展。
而阿諾嘅好兄弟，呢季借走咗活特本更加係佢嘅棋友，就算而家佢去咗錫菲聯，佢兩個都成日喺空餘時間就捉返盤棋，阿諾認為捉棋有如踢波，唔同嘅棋有唔同位置，亦有唔同嘅分工同作用；，準確嘅判斷力好重要，最好就緊係做到進可攻退可守。而阿諾就好似一個教練咁，要睇晒自己同對手個走位，再去決定自己下一步點走。
當Kaspersky Lab呢間電腦安全公司搵阿諾去參賽（友誼賽）果陣，佢立即應承！仲話自己細細就鐘意捉棋。（睇到呢度，大家都應該估到有商業成份係呢場比賽入面？）之不過大家都要留意返，阿諾嘅對手Magnus Carlsen來頭唔細，佢係八屆國際象棋嘅世界冠軍，唔洗計賠率都知佢呢場比賽嘅大熱。
面對勁敵，雖然有天份，但阿諾都好勤力，仲搵咗兩個職業選手幫幫佢，呢位棋界明星分別係9歲嘅Shreyas Royal同埋12歲嘅Kyan Bui。即係光仔都要有佐為教路，教練Royal就話雖然阿諾大自己十年，但佢好有信心幫到佢挑戰Magnus。Royal仲話睇過阿諾係利物浦嘅表現，認為佢足球場上嘅技巧可以應用到國際象棋上，仲話好期待同呢位哥哥嘅合作喎。10月8日國際象棋比賽...利物浦10月7日對曼城，捉棋還捉棋，記住唔好荒廢踢波，知無？
source：dailymail
而阿諾嘅好兄弟，呢季借走咗活特本更加係佢嘅棋友，就算而家佢去咗錫菲聯，佢兩個都成日喺空餘時間就捉返盤棋，阿諾認為捉棋有如踢波，唔同嘅棋有唔同位置，亦有唔同嘅分工同作用；，準確嘅判斷力好重要，最好就緊係做到進可攻退可守。而阿諾就好似一個教練咁，要睇晒自己同對手個走位，再去決定自己下一步點走。
當Kaspersky Lab呢間電腦安全公司搵阿諾去參賽（友誼賽）果陣，佢立即應承！仲話自己細細就鐘意捉棋。（睇到呢度，大家都應該估到有商業成份係呢場比賽入面？）之不過大家都要留意返，阿諾嘅對手Magnus Carlsen來頭唔細，佢係八屆國際象棋嘅世界冠軍，唔洗計賠率都知佢呢場比賽嘅大熱。
面對勁敵，雖然有天份，但阿諾都好勤力，仲搵咗兩個職業選手幫幫佢，呢位棋界明星分別係9歲嘅Shreyas Royal同埋12歲嘅Kyan Bui。即係光仔都要有佐為教路，教練Royal就話雖然阿諾大自己十年，但佢好有信心幫到佢挑戰Magnus。Royal仲話睇過阿諾係利物浦嘅表現，認為佢足球場上嘅技巧可以應用到國際象棋上，仲話好期待同呢位哥哥嘅合作喎。10月8日國際象棋比賽...利物浦10月7日對曼城，捉棋還捉棋，記住唔好荒廢踢波，知無？
source：dailymail
請按此登錄後留言。未成為會員? 立即註冊