係最近對MK DONS嘅賽事上，大家見到一位51號嘅後防球員入波，高高大大，幾靚仔喎！呢位後生仔到底有咩來頭呢？
其實呢位後生仔叫Hoever（唔好睇錯However），今年17歲，係一名荷蘭藉嘅後防球員。Hoever於2017/18球季就為阿積士U17上陣13次，更有2球入波。而佢亦於荷蘭國家隊U17有過人嘅表現，上陣5場有3球入波。更於 2019 U17 European Championships協助荷蘭奪冠！
Hoever細細個果陣就踢AZ Alkmaar嘅，但由於表現實在太好，所以喺佢12歲果陣，轉會加盟阿積士青訓。當然有天份加上良好嘅培訓，至於佢踢咩位置呢，身高180嘅佢，大家都認為佢有打中堅嘅條件，但事實上，佢亦係阿積士U17就中堅右閘2個位都有踢嘅。
Hoever於2018年8月正式由阿積士轉會到利物浦，留意返，據報當時曼城﹑曼聯以及車路士都對有意羅致呢名球員，唔知係咪因為雲迪克﹑韋拿度姆呢幾位荷蘭大國腳係度，所以Hoever最終都係選擇去晏菲路繼續佢嘅足球生涯。而利物浦亦於一年後，即2019年9月同利物浦簽下正式球員合約。Hoever黎到利物浦之後，隨即於9月就為利物浦U18﹑歐聯青年賽上上陣。到咗11月，Hoever更升上U23，第一場上陣就打吡戰作客愛華頓，但佢一啲都唔怯，最後利物浦勝出比賽。賽後佢更獲得U23 領隊 Neil Critchley大讚佢表現冷靜，有良好嘅判斷力，以及無波在腳時嘅智慧，好欣賞佢。
其實對MK Dons呢場波，係Hoever第二次於一隊亮相。對上一次就係2019年1月果陣，輸咗俾狼隊果場嘅FA Cup後備入替早段傷出嘅路夫蘭，當時佢以16歲又354日之齡，成為當時第三最年輕嘅球員為利物浦一隊上陣（而家俾Elliott以16歲又174日上咗頭三位，佢就變咗第四位。)記性好嘅朋友應該記得果排利物浦有中堅傷晒嘅問題困擾住，而該場亦有Curtis Jones﹑Camacho呢兩位青年軍在陣。
今次對MK Dons嘅入波，亦令Hoever以17歲8個月零10日，排喺Woodburn﹑奧雲以及Rossiter後面，成身最第4最年輕球員於利物浦一隊入波。第一次為一隊正選上陣就入球隊生涯嘅第一球波，Hoever就咁講：
「我從來未為利物浦U18及U23入過波，所以呢球波係我喺利物浦嘅第一個入波！我真係好開心！」
「占士米拿斬波嘅時候，我就已經準備好，希望個波係俾我，而最後個波真係去到我頭上面，我就頂入咗。」
「咁我當然希望領隊下場波都俾我正選，可以有多啲上陣時間啦，哈哈。」
今次呢場波Hoever就打右閘，但前文都有提到啦，佢於U18/U23都有打中堅，所以對於未來佢應該向邊個位置發展，高普就指出，唔需要咁快就決定呢位荷蘭球員嘅踢咩位，更指出佢踢中堅同右閘都一樣咁出色。
「我諗唔到有咩理由要而家就決定Hoever踢咩位置。」
「但咁睇啦，而家佢踢閘位(full back)會比較好少少。我哋要留意Hoever嘅體能發展，打中堅需要嘅非常嚴格嘅體格而當你打得果個位就要100％準備好。」
無錯嘅，我哋要相信高普嘅教仔方法，最緊要唔好未紅先驕，希望可以成為下一個阿歷山大阿諾，年輕人都可以擔大旗！
source：wikipedia，metro，liverpoolecho，transfermarkt
其實呢位後生仔叫Hoever（唔好睇錯However），今年17歲，係一名荷蘭藉嘅後防球員。Hoever於2017/18球季就為阿積士U17上陣13次，更有2球入波。而佢亦於荷蘭國家隊U17有過人嘅表現，上陣5場有3球入波。更於 2019 U17 European Championships協助荷蘭奪冠！
Hoever細細個果陣就踢AZ Alkmaar嘅，但由於表現實在太好，所以喺佢12歲果陣，轉會加盟阿積士青訓。當然有天份加上良好嘅培訓，至於佢踢咩位置呢，身高180嘅佢，大家都認為佢有打中堅嘅條件，但事實上，佢亦係阿積士U17就中堅右閘2個位都有踢嘅。
Hoever於2018年8月正式由阿積士轉會到利物浦，留意返，據報當時曼城﹑曼聯以及車路士都對有意羅致呢名球員，唔知係咪因為雲迪克﹑韋拿度姆呢幾位荷蘭大國腳係度，所以Hoever最終都係選擇去晏菲路繼續佢嘅足球生涯。而利物浦亦於一年後，即2019年9月同利物浦簽下正式球員合約。Hoever黎到利物浦之後，隨即於9月就為利物浦U18﹑歐聯青年賽上上陣。到咗11月，Hoever更升上U23，第一場上陣就打吡戰作客愛華頓，但佢一啲都唔怯，最後利物浦勝出比賽。賽後佢更獲得U23 領隊 Neil Critchley大讚佢表現冷靜，有良好嘅判斷力，以及無波在腳時嘅智慧，好欣賞佢。
其實對MK Dons呢場波，係Hoever第二次於一隊亮相。對上一次就係2019年1月果陣，輸咗俾狼隊果場嘅FA Cup後備入替早段傷出嘅路夫蘭，當時佢以16歲又354日之齡，成為當時第三最年輕嘅球員為利物浦一隊上陣（而家俾Elliott以16歲又174日上咗頭三位，佢就變咗第四位。)記性好嘅朋友應該記得果排利物浦有中堅傷晒嘅問題困擾住，而該場亦有Curtis Jones﹑Camacho呢兩位青年軍在陣。
今次對MK Dons嘅入波，亦令Hoever以17歲8個月零10日，排喺Woodburn﹑奧雲以及Rossiter後面，成身最第4最年輕球員於利物浦一隊入波。第一次為一隊正選上陣就入球隊生涯嘅第一球波，Hoever就咁講：
「我從來未為利物浦U18及U23入過波，所以呢球波係我喺利物浦嘅第一個入波！我真係好開心！」
「占士米拿斬波嘅時候，我就已經準備好，希望個波係俾我，而最後個波真係去到我頭上面，我就頂入咗。」
「咁我當然希望領隊下場波都俾我正選，可以有多啲上陣時間啦，哈哈。」
今次呢場波Hoever就打右閘，但前文都有提到啦，佢於U18/U23都有打中堅，所以對於未來佢應該向邊個位置發展，高普就指出，唔需要咁快就決定呢位荷蘭球員嘅踢咩位，更指出佢踢中堅同右閘都一樣咁出色。
「我諗唔到有咩理由要而家就決定Hoever踢咩位置。」
「但咁睇啦，而家佢踢閘位(full back)會比較好少少。我哋要留意Hoever嘅體能發展，打中堅需要嘅非常嚴格嘅體格而當你打得果個位就要100％準備好。」
無錯嘅，我哋要相信高普嘅教仔方法，最緊要唔好未紅先驕，希望可以成為下一個阿歷山大阿諾，年輕人都可以擔大旗！
source：wikipedia，metro，liverpoolecho，transfermarkt
請按此登錄後留言。未成為會員? 立即註冊