【爭標時期指定傳聞】西班牙傳媒指沙拿希望暑假離隊!?

利永遠不會毒行 於 20/04/2019 發表 收藏文章
沙拿暑假離隊真定假?
沙拿自2017年由羅馬加盟紅軍之後,可以話超出晒所有人嘅預期。當時利物浦用3千幾萬鎊簽入呢位埃及射手,好多人都覺得唔值。但係佢上陣97場比賽就可以入到66球,真係物有所值啦!

唔單止咁,自英超改制去到38場之後,佢上季攻入咗32球,打破咗英超嘅單季入球紀錄。而喺沙拿嘅帶領之下,紅軍仲順利殺入歐聯決賽,只可惜最後輸咗比皇家馬德里。
去到今季,可能咁多隊都習慣咗沙拿嘅踢法,佢今季嘅狀態都唔太穩定。雖然有低潮期,之但係都入到19球,而利物浦依家仲可以同曼城咬住咬住!如果最後紅軍成功捧盃,沙拿嘅功勞真係功不可沒。

不過早前就有西班牙媒體報導,話沙拿同高普未能達成共識,而沙拿更加希望可以喺球季完結之後離隊。呢間西班牙媒體嘅認受性都好高,所以唔少球迷都有啲擔心。報導更加指出沙拿嘅取態比較決絕,而利物浦嘅管理層就唔希望喺呢個時候影響球隊士氣,所以都冇作任何評論。
西班牙媒體指出沙拿並唔係施丹心目中嘅人選,不過皇家馬德里依然會向沙拿提出報價。如果真有其事就真係變得好有趣,因為沙拿去咗皇馬嘅話,就會同上屆喺歐聯決賽整傷佢嘅沙治奧拉莫斯做隊友。

而最近,沙拿仲擺咗張同夏薩特嘅合照上instagram, 而夏薩特又被傳將會加盟皇馬,令到消息更似層層咁...

呢個消息真係冇人知真定假,但係一班利迷一定好緊張,因為沙拿真係佢地隊中其中一個最重要嘅球員,而大家當然都好想繼續見到埃及文明為利物浦效力啦!而爭標前夕有呢啲新聞,估計利迷都見怪不怪啦...


Source:https://www.givemesport.com/1469072-mohamed-salah-tells-liverpool-he-wants-to-leave-this-summer-according-to-spanish-press

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→