【無事嘅】 利物浦有傷兵問題?嚇我唔到!

利永遠不會毒行 於 13/10/2016 發表 收藏文章
下星期對曼聯,「雙紅會」,大戰啦。

其實曼聯最近都麻麻地,但利物浦都受住傷兵問題困擾。Wijnaldum係岩岩荷蘭對法國既國際賽傷左,無錯,係傷左。計埋之前係史雲斯傷左既拉蘭拿,條進攻中場線基本上係崩左一忽。雖然,lalala已經跟返操,亦有報導話佢係可以係對曼聯果場上陣。老老竇竇,而家講咩都言之尚早,但係無左呢兩個球員,係咪真係咁大滯呢?

首先,拉蘭拿今季係入波同助攻方面,都有好有效率。係高普既搶攻戰術下,佢有速度、肯用下腦既球技令到佢既功能更顯著。而Wijnaldum相對上無拉蘭拿咁有星味,而技術都有待進步(當然有人話佢係未熟悉利物浦),但都係正選人選,係欄截上面都交到功課。

如果無左拉蘭拿同埋wijnaldum,疑似會出既人就係呀Can,古積又或者Lucas。之不過呀Can同Lucas都偏向防守型,古積就唔多夠班(但總要俾機會後生仔係咪?),而lalala同埋wijnaldum本身都係踢全能中場(即係攻又得、守又得,字面解釋由自己禁區走到人地禁區),要搵返個咁上下去頂替佢地對曼聯都真係幾難搞。呀Can其實有能力成為一個box to box既球員,只係擔心佢岩岩先傷癒,一出場正選就係大賽有啲感,有啲壓力姐。
小妹覺得啦,如果拉蘭拿同埋Wijnaldum都不幸同時出唔到場既話,利物浦應該打返4-2-3-1。 史毒打最前,費明奴、古天奴同埋文尼三個進攻中場,呀can同軒達臣做防守中場,最後就係standard既後場-占士米拿、路夫蘭、Clyne同埋Matip。其實某程度上,都係因為無得揀,古天奴「流動性」高,叫佢打返中場指揮,做波分波,短傳滲透,情況就好似上場史雲斯對利物浦lalala傷出之後換入史毒既變陣,都不失為一件好事,因為佢既創造能力真心高,對住曼聯呢啲隊真係要靠創作力量同幻想,會嚇你一跳。再唔係將呀Can同埋軒達臣是但一個靠邊,古天奴去踢中場轉4-3-3都仲得。如果打4-3-3既話,軒達臣將要擔任返佢以前box to box既角色啦。(而家既佢做多左防守,其實佢應唔應該當係一個defensive midfield呢?呢個好值得討論,但小妹知道既野就係,如果lalala同wijnaldum唔係度,佢就要做一個全能中場。)
留意返,講到後衛,其實路夫蘭同埋Clyne佢地都輕傷在身,都係果句啦,可能好得切上陣呢?如果呢兩位都出唔到既話,仲有卡拉雲同埋摩蘭奴…不過放心,小妹今日睇相,見到路夫蘭都有跟操,應該輕鬆,小問題黎姐。希望傷既會好返,唔傷既狀態會好,狀態好既可以keep住…(係小妹噏緊廢話)傷兵問題就好似行山先黎落雨一樣,係呀你可以睇天文台揀唔落雨果日去行,但係天文台出左名唔準,你plan好哂都有機會行唔成。正所謂意外意外意料之外,就算唔踢國際賽,自己球隊操練都會傷,一切都只係機會率問題。


係囉,無事既,踢完國際賽,最多攰啲姐,最多jet lag姐,無事既,你嚇我唔到既!





留言


請按此登錄後留言。未成為會員? 立即註冊
  • Gor SK 於 13/10/2016 評論 NO. 1

    你確定後備係摩蘭奴頂上會無事?

  • 奶粉 於 14/10/2016 評論 NO. 2

    Can好過Wijnaldum好多啦..係之前傷左先讓住個正選位比佢踢住先姐....

  • 廢托變費托 於 14/10/2016 評論 NO. 3

    左閘卡拉雲 米拿打偏攻擊中場 加陳 拍J軒 搞掂

  • 廢托變費托 於 14/10/2016 評論 NO. 4

    不過照高普諗 就係 史毒 前左費右文 中場中古一招 加陳 拍J軒 但唔排除最前出Origi 後備史毒

快捷鍵:←
快捷鍵:→