【會唔會係咁】安利簡離開利物浦竟然係因為踢唔岩位?

利永遠不會毒行 於 31/05/2018 發表 收藏文章
轉會窗開左無耐,利物浦買入球員方面快手,原因係因為有球員合約到期即將離開球隊。相信所有人都知道離開利物浦既會係安利簡,呢位德國國腳。根據媒體消息指出,佢離隊最主要既原因係因為自己踢唔到自己想踢既位置。今時今日呢個原因去離隊相信令到唔少人都好意外,現今足球上選擇離隊既原因多數係因為薪金唔夠又或者係同領隊不和,但安利簡就只係因為追求自己最理想既位置而離開,小編就認為球員可以分為兩類,一類就係永遠都踢死同一個位置,另一類就好似我地陣中既占士米拿咁,係唔到既時候可以根據領隊既需要勝任唔同既位置,呢類球員可以話係十分萬能。
雖然安利簡仍然未公佈自己既下家,但係多家媒體都表示佢已經同意甲既祖雲達斯傾掂數,有報導指出佢同老婦人簽約5年,而份合約價值2500萬歐元。岩岩上文都講過啦,安利簡自己有自己想踢既位置,呢個位置就係防守中場。佢本人希望做後防線前的最後一關,做更多中場掃蕩既工作。但係高普就唔同意呢一點,高普認為安利簡更加適合踢8號位,其實高普既戰術三個中場球員既位置都需要兼顧進攻同防守,呢個位置需要球員有好好既體能,除左殺波之外仲需要派牌。安利簡自己就唔想成為一個咁樣既中場角色而選擇離開,呢件事亦都可以話俾大家聽點解高普經常只係用軒達臣﹑占士米拿同韋拿杜姆既組合,比較可惜既係張伯倫係呢個位置上有所起色既時候就受左傷,仲要缺席埋今年世界杯既比賽,可以話係十分可惜。
雖然球員唔滿意領隊所安排既位置,但係安利簡同高普並沒有不和,兩人亦都互相尊重對方既諗法,呢件事可以反映出雙方都做得十分專業,而唔似車路士個邊出現迪亞高哥斯達同干地發生矛盾既問題。安利簡有望加盟祖雲達斯在即,佢同利物浦既合約將會係6月30號到期,而亦有消息指出安利簡已經出現係拖連奴進行體測,祖雲達斯今次可以係話執到個又平又靚既球員。不過利物浦方面亦有名宿認為安利簡係因為錢先離開利物浦,因為安利簡和祖雲達斯簽落既合約年薪高達600萬歐元,係佢係利物浦人工既兩倍。小編就認為錢都有一定既影響,但係相信係前者的因素導致佢離隊既機會比較大。現年24歲既安利簡,係2014年由利華古遜加盟利物浦,今季安利簡一共為利物浦上陣38場攻入6球交出4腳助攻,相信之後都唔會有機會再睇到佢著住利物浦波衫啦。

標籤: 安利簡  利物浦  祖雲達斯  

留言


請按此登錄後留言。未成為會員? 立即註冊
  • 聖卡西 於 01/06/2018 評論 NO. 1

    1718球季簡生唔係打防中咩 無睇波嗰啲會信你 有睇波啲人就笑死

快捷鍵:←
快捷鍵:→