【最高敬意】香港各大球迷會歷史性WeConnect

利永遠不會毒行 於 06/09/2019 發表 收藏文章
自小編懂事以來,就明白喺足球界入面,利物浦同曼聯係永遠嘅宿敵;而邊個可以做倫敦一哥-車路士阿仙奴定熱刺之爭更加唔洗講。但偏偏喺香港警察濫暴呢個社會議題上問題上,大家槍口一致對出,各大官方或非官方球迷會都先後發出聲明,更有球迷會直接指出「黃藍是政見、黑白是良知」,表示唔希望再見到警方濫權,部分球迷會更要求任職警察嘅會員退會,以保障其他會員於球迷會活動時嘅安全。

首個發聲嘅官方球迷會-香港車路士官方球迷會

香港曼聯官方球迷會同日亦有發聲明

呢個舉動,令到各大球迷we connect咗,唔同球會所屬嘅球迷會去到其他球迷會嘅聲明post下面聲援,支持佢哋嘅表態,無錯,曼聯球迷會去利物浦球迷會post度表示支持,利物浦球迷亦會去曼聯球迷會post度表示敬意。
香港車路士官方球迷會聲明下的留言
香港曼聯官方球迷會聲明下的留言
當然,表態呢個舉動令到好多官方球迷會都惹上麻煩,因為做得官方球迷會就要跟足規矩,唔應該涉及政見(估架咋,睇返之後啲球會回應)。最浮面嘅例子有利物浦兩大官方球迷會-香港利物浦官方球迷會就於出post後被環球時報點名譴責,另一A12 利物浦(香港及澳門)官方球迷會就一早向球會請示想講政治,可惜得到嘅回覆係no,所以最後決定退會再發聲明(現已改名Anfield's 12th 香港利物浦球迷組織)。唔理佢哋出post先後時間次序啦,不分化呀;而一眾球迷都非常欣賞兩個利物浦香港官方球迷會不畏失去官方二字,指出兩會正做緊一個香港人應該會做嘅野。
loading
香港利物浦官方球迷會
loading
Anfield's 12th
當然,企返係球會立場,中國市場同香港市場,你揀邊個?moneymoneymoney$$$

見到最先發聲嘅香港車路士官方球迷會尋日都出咗篇英文澄清,話之前嘅聲明唔代表球會立場等等果啲啦,成篇非常official嘅英文post最後更加咗個完字,嗯,明白。
loading
而帕爾馬海外球迷會-大中華區專業亦係發聲明後改名為香港帕爾馬海外球迷會。
loading

但無論點都好,小編對曾發聲嘅球迷會都致以最高敬意。亦都希望大家同情一下受球會壓力嘅球迷會會長/ADMIN,始終佢哋背後有好多顧累,特別「非同路人」向球會表達不滿,令到佢哋受壓;
有第一間球迷會發聲,先會有第二﹑第三間;多一個球迷會發聲,就等如多一份支持。
loading

Barça Hong Kong Fan Club巴塞香港球迷會 - Penya Oficial

除咗一眾官方球迷會嘅版主/Admin/幹事有發聲之外,亦有一班官方以及非官方球迷會嘅版主/admin發表統一聲明,以表達本港各球迷組織團結一致的立場,堅定不移。想了解更多嘅可以去下面條link睇睇~
link:其中一個聯署page-熱刺香港 Lilywhite HK

另外,小編前2日上連登,發現有網民號召香港各大英超球會嘅球迷一齊手牽手,組人鏈。可能你會話,組人鏈,個個都組,有咩特別姐?無錯,呢位網友都有諗到呢個point,所以佢計劃「英超球隊大和解,手足會全面進場?」由傳統敵對球隊嘅球迷組成人鏈,好似利物浦就同曼聯球迷拖拖手,皇馬球迷就同巴塞球迷牽牽手(唔好問點解西班牙球隊都計英超球隊和解呀...不分化呀)。巴打就希望借呢個舉動可以推上國際舞台,俾外國知道,香港嘅問題已經比球隊間嘅仇恨嚴重。
link-英超球隊大和解,手足會全面進場?
會睇到呢度嘅你,希望係同路人。

有唔同嘅政見其實無問題,就好似你鐘意曼聯我鐘意利物浦咋嘛,但去到比賽,大家都要跟球例去踢波,犯規咪黃牌紅牌停賽囉。好多人都話,講波就講波啦你,搞咁多野做咩姐,唔好將政治帶入足球。烏托邦世界黎講係岩嘅;但現實上,係無可能發生-點解效力羅馬,前阿仙奴中場米希達恩因為政治因素而缺席2019歐霸決賽呀?而身為利迷,知道於1989年4月15日希爾斯堡慘劇,就會對足球同政治有更深嘅體會。

ref:lihkg-英超球隊大和解,手足會全面進場?
香港利物浦官方球迷會
Anfield's 12th 香港利物浦球迷組織
Chelsea F.C. Supporters Club Hong Kong
香港帕爾馬海外球迷會 Parmafansworldwide Hong Kong
香港曼聯官方球迷會 MUSCHK
Barça Hong Kong Fan Club巴塞香港球迷會 - Penya Oficial
熱刺香港
香港紐卡素球迷會 The Hong Kong Newcastle United FC Supports' Club

留言


請按此登錄後留言。未成為會員? 立即註冊
  • Siu Leung Mui 於 06/09/2019 評論 NO. 1

    睇波,講政治,兩樣野有關連㗎咩?講到好似好偉大,好感動咁,作為一個香港人上街示威遊行,我瞓身支持你,作為球迷,入場睇波,加入球迷會又要講政治,鳩唔完搭八,仲講到有大條道理咁,廢青果然係冇撚得救,香港以後靠你班咁嘅人真係悲哀!

  • 梁博文 於 13/09/2019 評論 NO. 2

    廢話連篇

快捷鍵:←
快捷鍵:→