【我利奪冠】FSG老闆們有咩反應?又關NBA LBJ事?

利永遠不會毒行 於 03/06/2019 發表 收藏文章
利物浦以皇者姿態回歸利物浦,隨即開始利市巴士巡遊,同過半百萬市民一齊分享第6次贏得歐聯嘅快樂。而FSG嘅老闆們當日亦有到現場睇波,睇到球隊終於贏得錦標,相信佢哋都好滿意高普嘅表現,而棒杯嘅高普唔洗去瑞士教波啦(之前高普講笑話4年無盃就去瑞士教波)。
呢名德藉領隊無論係利物浦定係前球隊,都同決賽獎杯數次擦身而過,俾外界成日笑佢「二奶命」。但今季,高普為利物浦取得7年來首個主要賽事-歐聯冠軍,亦以97分成為歷來最高分嘅英超亞軍;吐氣揚眉呀~
高普同利物浦嘅合約本身就仲有3年,喺2022年先完結。但當你重視一個人,你就會想俾啲誠意出黎,希望佢唔會有離心。所以,FSG老闆董事主席,即係John W Henry, Tom Werner以及Mike Gordon都希望高普可以喺未來幾季繼續執教球隊,換句話,即係FSG有意同高普加簽新約。
John Henry 同佢太太就成日都去睇波嘅,而Mrs Henry真利黎架,佢instagram差唔多幾個post就有一個關於利物浦,而佢喺英超最後一場著係高爭鞋低胸裙係球場踢波!

Tom Werner就比較少低調啲,但佢喺贏波後,公開同傳媒稱讚高普,話當球員將高普拋起慶祝時,可以睇得出球員幾咁愛呢位領隊。
「高普係一名出色嘅教練,但最重要係佢謙卑,又識關心別人;就好似佢今日非常開心,因為佢知道呢個冠軍唔單只屬於球隊,呢個冠軍對一眾球迷黎講就好意義!
講起利物浦老細又點可以唔提下另一位好似唔多關事,效力洛杉磯湖人,NBA球員LeBron James呢?LeBron James喺奪冠後亦有向利物浦送上祝賀,雖然未能親身去馬德里支持,但比賽期間,佢都係twitter不斷出post,支持利物浦。
其實,留意返,Lebron James 其實持有2%FSG股份,即係話佢都算係利物浦嘅細老闆;當年佢以650萬美金投資FSG,而利物浦贏得歐聯後,FSG股價上升,Lebron James手持嘅股份暴漲7倍,帳面至少價值4500萬美元。
真心支持利物浦,球隊又有錢賺,FSG今次win win。

source:skysportsmetro.uk, NBA聯合新聞網

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→