【寶刀未老】法甲勁旅有意羅致占士米拿?

利永遠不會毒行 於 27/05/2019 發表 收藏文章
唔知大家記唔記得,占士米拿講過,只有列斯聯上得返英超,佢就會無條件返母會。之不過,列斯聯打附加賽輸波,下季仍然喺英冠。當大家都認為米拿應該會繼續留係利物浦嘅時候,法媒就爆出巴黎聖日耳門有意羅致亦未同利物浦續約,下年夏季就自由身嘅米拿。(source: transfermarkt話2019年, 但james pearce話2020年夏季先到期)
杜曹執教嘅巴黎聖日耳門今季繼續贏得法甲冠軍,但歐聯16強就被曼聯踢咗出局。有見及此,PSG打算喺夏季轉會市場加強中場嘅深度,除咗想買入拿玻里嘅阿倫外,外界亦估計早前宣布離開曼聯嘅西班牙球員靴里拉將會以自由身加盟PSG。
據法國傳媒Le Parisien報導,PSG對於中場增兵數量持開放態度,唔知關唔關早喺2018年12月,歐聯小組賽利物浦同PSG交過手,當時米拿嘅表現引起杜曹注意呢?有指PSG內部更就簽唔簽占士米拿呢個球員開過會添。
呢名33歲嘅英格蘭中場﹑part time左閘一直喺利物浦得到高普重用,更成為球隊嘅副隊長。米拿最近就喺訪問入面提到,佢希望可以創造佢係利物浦嘅歷史,自2015年加盟球隊後可以奪標,雖然今季同英超冠軍刷身而過,但米拿認為,失落英超冠軍某程度上幫助球員調整心態。
「如果我哋贏到英超冠軍,歐聯嘅勝負就會變得好似bonus一樣。」

「雖然到最後,我哋有機會咩錦標都贏唔到;但呢個時刻,(喺英超)輸俾曼城令到球員驅使我哋要更努力。」

「自從我加盟利物浦之後,我好渴求可以為利物浦贏到一啲嘢。而呢一個亦係球會嘅要求同莆望。」

「你每一日行入訓練場地都會見到獎盃牆上面嘅數目字,我非常之希望有人可以改改佢。」
米拿除咗風趣之外,亦都係一個好勤力嘅球員。雖然佢已經3章有多,但2018/19球季總共為利物浦上陣44場賽事,踢咗2808分鐘!而睇返米拿一直都係英格蘭搵食,估計要佢去巴黎踢波,成數都唔大啦。但呢件事證明咗一樣野,米拿好波!(高普快啲同佢續約啦!)
source:metro uktransfermarktliverpoolfc


留言


請按此登錄後留言。未成為會員? 立即註冊
    快捷鍵:←
    快捷鍵:→